فوتو: قازتاگ
بلوگەر اندرەي چەبوتارەۆكە استانالىق تۇرعىندارعا بالاعات سٶزدەر ايتىپ, ٶلٸم تٸلەگەنٸ ٷشٸن 20 اەك (78,64 مىڭ تگ) كٶلەمٸندە ايىپپۇل سالىندى, دەپ حابارلايدى Ult.kz قازتاگ اگەنتتٸگٸنە سٸلتەمە جاساپ.
"ەلەۋمەتتٸك جەلٸلەردٸ مونيتورينگتەۋ بارىسىندا پوليتسييا قىزمەتكەرلەرٸ 52 جاستاعى بلوگەردٸڭ استانا تۇرعىندارىن قورلاپ, ٶلٸم تٸلەگەن جارييالىمىن انىقتادى. ونىڭ ايتۋىنشا, بۇل ەرەكەتٸ ارقىلى ول جول قوزعالىسى ەرەجەلەرٸن بۇزاتىن جٷرگٸزۋشٸلەردٸڭ تەرتٸبٸنە دەگەن نارازىلىعىن بٸلدٸرگەن. نەتيجەسٸندە جارييالانىم اۆتورى قر ەقبتك-نٸڭ 434-بابى بويىنشا ەكٸمشٸلٸك جاۋاپكەرشٸلٸككە تارتىلدى. سوت شەشٸمٸمەن وعان 20 اەك مٶلشەرٸندە ايىپپۇل سالىندى", – دەپ حابارلادى استانا قالالىق پوليتسييا دەپارتامەنتٸنٸڭ باسپاسٶز قىزمەتٸ.
پوليتسييا كٶپشٸلٸككە قاراتا سٶز سٶيلەگەندە, سونىڭ ٸشٸندە ەلەۋمەتتٸك جەلٸلەردە ەتيكا نورمالارىن ساقتاۋعا شاقىردى.
ەسكە سالا كەتەيٸك, 3 قىركٷيەكتە پوليتسييا استانا تۇرعىندارىن قورلاعان جارييالانىمعا قاتىستى تەكسەرٸس باستاعان ەدٸ. ونىڭ اۆتورى قارجى ساراپشىسى اندرەي چەبوتارەۆ دەپ كٶرسەتٸلگەن.
كەيٸنٸرەك استانالىقتاردى بالاعاتتاپ, ولارعا ٶلٸم تٸلەگەن قارجىلىق اناليتيك اندرەي چەبوتارەۆ تۇرعىنداردىڭ نارازىلىعىنا جاۋاپ رەتٸندە ۆيدەو تٷسٸرٸپ, وندا ٶزٸن "اقپاراتتىق شابۋىلعا" ۇشىراعانىن مەلٸمدەدٸ.
