ChatGPT-دٸ ەزٸرلەگەن OpenAI كومپانيياسى قازاقستان بيۋدجەتٸنە 2025 جىل ٷشٸن 1,8 ميلليارد تەڭگە كٶلەمٸندە قوسىمشا سالىق تٶلەدٸ. بۇل تۋرالى مەملەكەتتٸك كٸرٸستەر كوميتەتٸنٸڭ تسيفرلىق اكتيۆتەردٸ ەكٸمشٸلەندٸرۋ باسقارماسىنىڭ باسشىسى تالعات ەدٸلوۆ مەلٸمدەدٸ, دەپ حابارلايدى ult.kz.
ونىڭ ايتۋىنشا, 2025 جىلدىڭ قورىتىندىسى بويىنشا سالىق مٸندەتتەمەلەرٸن ورىنداۋعا قاتىستى سۇراقتار تۋىنداعان 77 شەتەلدٸك ينتەرنەت-كومپانييا انىقتالعان. كەيبٸر پلاتفورمالار قازاقستاندا شارتتى تٸركەۋدەن ٶتپەسە, ەندٸ بٸرٸندە قازاقستاندىق پايدالانۋشىلار جاساعان تٶلەمدەر مەن تٶلەنگەن قوسىلعان قۇن سالىعى اراسىندا ايىرماشىلىقتار انىقتالعان.
سالىق ورگاندارىنىڭ حابارلاماسىنان كەيٸن شامامەن سەگٸز كومپانييا ٶز مٸندەتتەمەلەرٸن ورىنداعان. سونىڭ ٸشٸندە ەڭ ٸرٸ سومانىڭ بٸرٸ OpenAI-گە تيەسٸلٸ بولدى.
سونداي-اق AliExpress ماركەتپلەيسٸ كامەرالدىق باقىلاۋ نەتيجەسٸندە قازاقستان بيۋدجەتٸنە 600 ميلليون تەڭگەدەن استام قارجى اۋدارعان.
مەملەكەتتٸك كٸرٸستەر كوميتەتٸنٸڭ مەلٸمەتٸنشە, «Google سالىعى» 2022 جىلدان بەرٸ قولدانىستا. وسى ۋاقىت ٸشٸندە شەتەلدٸك ينتەرنەت-كومپانييالار بيۋدجەتكە 146,5 ميلليارد تەڭگە اۋدارعان, ونىڭ 57,6 ميلليارد تەڭگەسٸ 2025 جىلعا تيەسٸلٸ.
2026 جىلدان باستاپ ققس تٶلەۋشٸ رەتٸندە تٸركەلمەگەن نەمەسە سالىق ورگاندارىنىڭ تالاپتارىن ورىنداماعان شەتەلدٸك ينتەرنەت-پلاتفورمالار قازاقستان اۋماعىندا بۇعاتتالۋى مٷمكٸن.
