سەمەي قالاسىندا 73 جاستاعى زەينەتكەردٸ قۇندىز تون ساتامىن دەپ الداعان الاياق ۇستالدى, دەپ حابارلايدى "ۇلت اقپارات".
قالالىق پوليتسييا باسقارماسى باسپاسٶز قىزمەتٸنٸڭ مەلٸمەتٸنە سٷيەنسەك, قارتتىڭ ٷيٸنە كەلگەن بەيتانىس ەيەل قۇندىز توندى 950 مىڭ تەڭگەگە ساتاتىندىعىن ايتقان. ويىنا ەش سەكەم كەلمەگەن زەينەتكەر وعان سۇراعان اقشاسىن بەرە سالادى. الايدا ارادا بٸراز ۋاقىت ٶتسە دە تاپسىرىسىن الا الماعان. ال جىمىسقى ويىن ٸسكە اسىرعان الاياق تەلەفونعا جاۋاپ بەرۋٸن قويدى. سول كەزدە تۇزاققا تٷسٸپ قالعانىن تٷسٸنگەن كەيۋانا قۇقىق قورعاۋ ورگاندارىنا حابارلاسىپ, ارىز جازعان.
«جەدەل-ٸزدەستٸرۋ شارالارى بارىسىندا پوليتسييا قىزمەتكەرلەرٸ كٷدٸكتٸنٸ قولعا تٷسٸردٸ. 34 جاستاعى جۇمىسسىز ەيەل ٶز كٸنەسٸن مويىنداپ وتىر. ول اقشانى جۇمساپ ٷلگەرگەن», - دەپ حابارلادى ۆەدومستۆو ٶكٸلدەرٸ.
قازٸرگٸ ۋاقىتتا تەرتٸپ ساقشىلارى قر قك-نٸڭ 190-بابى 1-بٶلٸگٸمەن (الاياقتىق) سوتقا دەيٸنگٸ تەرگەۋ امالدارىن جٷرگٸزۋدە.
