Semei qalasynda 73 jastaǵy zeinetkerdi qundyz ton satamyn dep aldaǵan alaiaq ustaldy, dep habarlaidy "Ult aqparat".
Qalalyq Politsiia basqarmasy baspasóz qyzmetiniń málimetine súiensek, qarttyń úiine kelgen beitanys áiel qundyz tondy 950 myń teńgege satatyndyǵyn aitqan. Oiyna esh sekem kelmegen zeinetker oǵan suraǵan aqshasyn bere salady. Alaida arada biraz ýaqyt ótse de tapsyrysyn ala almaǵan. Al jymysqy oiyn iske asyrǵan alaiaq telefonǵa jaýap berýin qoidy. Sol kezde tuzaqqa túsip qalǵanyn túsingen keiýana quqyq qorǵaý organdaryna habarlasyp, aryz jazǵan.
«Jedel-izdestirý sharalary barysynda politsiia qyzmetkerleri kúdiktini qolǵa túsirdi. 34 jastaǵy jumyssyz áiel óz kinásin moiyndap otyr. Ol aqshany jumsap úlgergen», - dep habarlady vedomstvo ókilderi.
Qazirgi ýaqytta tártip saqshylary QR QK-niń 190-baby 1-bóligimen (Alaiaqtyq) sotqa deiingi tergeý amaldaryn júrgizýde.
