«بجزق» اق باسقارما تٶراعاسى جانات قۇرمانوۆ زەينەتاقى جيناقتارىن پايدالانۋ مەرزٸمٸ نەلٸكتەن 45-تەن 20 كٷنگە دەيٸن قىسقارعانىن ايتتى, دەپ حابارلايدى قازاقپارات.
مەجٸلٸستٸڭ جالپى وتىرىسىنان كەيٸن تٸلشٸلەر ساۋالىنا جاۋاپ بەرگەن قۇرمانوۆ اتالعان مەرزٸمدٸ بەكٸتۋ «وتباسى بانكٸ» مەن باسقا دا ەكٸنشٸ دەڭگەيلٸ بانكتەر اينالىساتىنىن جەتكٸزدٸ.
«بجزق قىزمەتٸنە جٷگٸنۋ مەن ٶزٸڭنٸڭ زەينەتاقى جيناقتارىڭدى ٶكٸلەتتٸ وپەراتورلاردىڭ ارنايى شوتىنا اۋدارار الدىندا قانداي باسپانانى ساتىپ الاتىنىن انىقتاپ قاراپ, تيٸستٸ قۇجاتتاردى دايارلاۋ كەرەك. بۇل قاراجات ينۆەستيتسييالىق اينالىمنان شىعارىلادى جەنە ادامعا ينۆەستيتسييالىق كٸرٸس ەكەلمەيدٸ. شىن مەنٸندە اينالىمداعى جيناق تۇرالاپ قالادى. سوندىقتان ارناي شوتتا جاي جاتپاس ٷشٸن اتالعان كەزەڭدٸ قىسقارتقان تيٸمدٸ بولار ەدٸ», - دەدٸ قۇرمانوۆ.
وسى ورايدا ول ەل حالقىن قۇجاتتاردى الدىن الا دايارلاپ الىپ, ٶزٸنە كەرەك باسپانانى ايقىنداپ الۋعا شاقىردى.
باسقارما تٶراعاسىنىڭ سٶزٸنە قاراعاندا, ادامدار تيٸستٸ دايىندىق جۇمىستارىن جٷرگٸزسە, ٷكٸمەت ەسەپتەۋٸ بويىنشا 20 كٷن جەتكٸلٸكتٸ.
