«BJZQ» AQ Basqarma tóraǵasy Janat Qurmanov zeinetaqy jinaqtaryn paidalaný merzimi nelikten 45-ten 20 kúnge deiin qysqarǵanyn aitty, dep habarlaidy QazAqparat.
Májilistiń jalpy otyrysynan keiin tilshiler saýalyna jaýap bergen Qurmanov atalǵan merzimdi bekitý «Otbasy banki» men basqa da ekinshi deńgeili bankter ainalysatynyn jetkizdi.
«BJZQ qyzmetine júginý men ózińniń zeinetaqy jinaqtaryńdy ókiletti operatorlardyń arnaiy shotyna aýdarar aldynda qandai baspanany satyp alatynyn anyqtap qarap, tiisti qujattardy daiarlaý kerek. Bul qarajat investitsiialyq ainalymnan shyǵarylady jáne adamǵa investitsiialyq kiris ákelmeidi. Shyn máninde ainalymdaǵy jinaq turalap qalady. Sondyqtan arnai shotta jai jatpas úshin atalǵan kezeńdi qysqartqan tiimdi bolar edi», - dedi Qurmanov.
Osy oraida ol el halqyn qujattardy aldyn ala daiarlap alyp, ózine kerek baspanany aiqyndap alýǵa shaqyrdy.
Basqarma tóraǵasynyń sózine qaraǵanda, adamdar tiisti daiyndyq jumystaryn júrgizse, Úkimet esepteýi boiynsha 20 kún jetkilikti.
