بجزق اكتيۆتەرٸنٸڭ بٸر بٶلٸگٸن باسقارۋدى شەتەلدٸك كومپانييالارعا بەرۋ مەحانيزمٸن جٷزەگە اسىرۋ باستالدى. بۇل تۋرالى بجزق تٶراعاسىنىڭ قاتىسۋىمەن ٶتكەن باسپاسٶز مەسليحاتىندا بەلگٸلٸ بولدى, دەپ حابارلايدى قازاقپارات تٸلشٸسٸ.
«بجزق» باسقارما تٶراعاسىنىڭ ورىنباسارى ساۋلە ەگەۋباەۆانىڭ ايتۋىنشا, دامۋشى نارىقتاردىڭ جاھاندىق وبليگاتسييالارىنىڭ مانداتى بويىنشا Aviva كومپانيياسىنىڭ باسقارۋىنا 220 ملن. اقش دوللارى بەرٸلدٸ.
«بۇل اقشا ەسەبٸندەگٸ زەينەتاقى قورىنىڭ اكتيۆتەرٸ. اعىمداعى جىلدىڭ 1 سەۋٸرٸنە قاراي 29 دامۋشى ەلدٸڭ BB-رەيتينگٸنەن تٶمەن ەمەس 250 قۇندى قاعاز ەميتەنتتەرٸ بەلگٸلەنگەن ماندات بويىنشا انىقتالعان. جوعارىدا اتالعان كومپانييا بٷگٸندە باقىلاۋىندا 450 ملرد اقش دوللارى بار حالىقارالىق دەڭگەيدەگٸ الىپ ۇيىمداردىڭ قاتارىنا كٸرەدٸ», - دەيدٸ ساۋلە ەگەۋباەۆا.
بجزق باسشىلىعىنىڭ ايتۋىنشا, قور اكتيۆتەرٸ قارجىنى باسقارۋدىڭ ناقتى باعىتتارى مەن بارلىق ورتاق شارتتاردىڭ ورىندالۋ نەگٸزٸندە باسقارۋعا بەرٸلەدٸ. ٶتكەن جىلى, دەل وسى باسقارۋ مەحانيزمٸ اياسىندا اكتيۆتەردٸڭ بٸر بٶلٸگٸن قازاقستاندىق كومپانييالارعا بەرۋ مەسەلەسٸ قارالعان بولاتىن.
«بۇل مەسەلە جىل بويى تالقىلانىپ, بٷگٸنگە دەيٸن ناقتى شەشٸمٸن تاپقان جوق. پرەمەر-مينيستر تاپسىرماسىنا وراي, بۇل مەسەلە جىل سوڭىنا دەيٸن شەشٸلۋٸ تيٸس. باسقارۋعا تەك اقشا ەمەس, قۇندى قاعازدار دا بەرٸلەتٸنٸ ناقتىلانعاننان كەيٸن بٸز دە دايىن بولۋىمىز كەرەك. دەسە دە, شەتەلدٸك كومپانييالار قازاقستاندىق ەميتەنتتەرٸ بار قۇندى قاعازدار پورتفەلٸنە قىزىعۋشىلىعى تٶمەن بولعاندىقتان, ولارعا اقشا ەسەبٸندە بەرٸلەدٸ», - دەدٸ «بجزق» اق باسقارما تٶراعاسى نۇربٷبٸ ناۋرىزباەۆا.
