پارلامەنت سەناتىنىڭ جالپى وتىرىسىندا «2021-2023 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» زاڭى قابىلداندى, دەپ حابارلايدى قازاقپارات.
«سٸزدەردٸڭ قاراۋلارىڭىزعا 2021 جىلعا ارنالعان رەسپۋبليكالىق بيۋدجەتتٸ ناقتىلاۋ تۋرالى زاڭ جوباسى ۇسىنىلىپ وتىر. ناقتىلاۋ «Nur Otan» پارتيياسىنىڭ سايلاۋالدى باعدارلاماسىن, مەملەكەت باسشىسىنىڭ ستراتەگييالىق باستامالارى مەن تاپسىرمالارىن قارجىلىق قامتاماسىز ەتۋگە, سونداي-اق COVID-19 ٸندەتٸمەن كٷرەسۋگە باعىتتالعان. اتالعان مەسەلەلەردٸ شەشۋ ٷشٸن 1,3 ترلن تەڭگە سوماسىندا قوسىمشا شىعىستار كٶزدەلدٸ», - دەدٸ قر قارجى مينيسترٸ ەرۇلان جاماۋباەۆ.
ونىڭ ٸشٸندە:
- «Nur Otan» پارتيياسىنىڭ سايلاۋالدى باعدارلاماسىن ٸسكە اسىرۋعا – 884 ملرد تەنگە;
- كوروناۆيرۋسپەن كٷرەس بويىنشا ەپيدەميياعا قارسى ٸس-شارالاردى قارجىلاندىرۋعا - 265 ملرد تەڭگە;
- مەملەكەت باسشىسىنىڭ تاپسىرمالارىن جەنە بۇرىن قابىلدانعان مٸندەتتەمەلەردٸ ورىنداۋعا – 154 ملرد تەڭگە.
«بيۋدجەتتٸ ناقتىلاۋ نەتيجەسٸندە ونىڭ ەلەۋمەتتٸك باسىمدىعى ساقتالعان, ال ناقتى سەكتور مەن ٶڭٸرلەردٸ قولداۋ كٷشەيتٸلدٸ. بۇل تۋرالى بيۋدجەت شىعىستارىنىڭ قۇرىلىمى كٶرسەتٸپ وتىر. وسىلايشا, ونىڭ 723 ملرد تەڭگە سوماسىندا ەدەۋٸر ٷلكەن بٶلٸگٸ ەكونوميكانىڭ ناقتى سەكتورىن قولداۋعا باعىتتالعان. بۇل ورتا مەرزٸمدە ەلدٸڭ دامۋىنا وڭ مۋلتيپليكاتيۆتٸك ەسەر ەتەتٸن بولادى. نەتيجەسٸندە, وسى سالانىڭ شىعىستارى 2,4 ترلن تەڭگە نەمەسە جالپى شىعىستار كٶلەمٸنٸڭ شامامەن 16 پايىزى مٶلشەرٸندە جوسپارلانىپ وتىر.
بيۋدجەتتٸڭ ەلەۋمەتتٸك سالاسى جالپى العاندا 374 ملرد تەڭگەگە ۇلعايىپ, 7,5 ترلن تەڭگەنٸ نەمەسە جالپى شىعىستاردىڭ 48,7 پايىزىن قۇرايدى», - مينيستر.
ونىڭ ايتۋىنشا, كٷش قۇرىلىمى شىعىستارى 211 ملرد تەڭگەگە ٶسٸپ, 1,6 ترلن تەڭگە سوماسىندا جوسپارلانعان.
جالپى مەملەكەتتٸك شىعىستار 80 ملرد تەڭگەگە قىسقارتىلىپ, 3,3 ترلن تەڭگەنٸ قۇرايدى. بۇل شىعىستاردىڭ ازايۋى پرەزيدەنتتٸڭ باستامالارىنا ارنالعان رەزەرۆتٸ قايتا بٶلۋمەن بايلانىستى.
«قوسىمشا شىعىستاردىڭ ايتارلىقتاي ٷلەسٸ نىسانالى ترانسفەرتتەرمەن ٶڭٸرلەرگە بەرٸلەتٸنٸن اتاپ ٶتۋ قاجەت. ولاردىڭ جالپى سوماسى 539 ملرد تەڭگە بولسا, ونىڭ ٸشٸندە دامۋعا ارنالعان ترانسفەرتتەر – 335 ملرد تەڭگە. نەتيجەسٸندە, رەسپۋبليكالىق بيۋدجەتتٸڭ پارامەترلەرٸ كەلەسٸدەي قالىپتاستى. رەسپۋبليكالىق بيۋدجەت تٷسٸمدەرٸ 1,1 ترلن تەڭگەگە ۇلعايىپ, 12,6 ترلن تەڭگەنٸ قۇرايدى. بيۋدجەت تاپشىلىعى جالپى ٸشكٸ ٶنٸمگە 3,5% دەڭگەيٸندە بولجانىپ وتىر, ياعني 149 ملرد تەڭگەگە ٶسكەن. رەسپۋبليكالىق بيۋدجەت شىعىستارىنىڭ كٶلەمٸ 1,3 ترلن تەڭگەگە ارتىپ, 15,3 ترلن تەڭگەنٸ قۇرايدى», - دەدٸ ە. جاماۋباەۆ.
