2018 جىلى قازاقستاندا ورمان ٶرتٸ بويىنشا 358 جاعداي تٸركەلٸپ, 120 991 گەكتار اۋماق ٶرتەنگەن. بۇل تۋرالى ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ باسپاسٶز حاتشىسى سەكەن دٸلداحمەت حابارلادى.
دٸلداحمەتتٸڭ Facebook پاراقشاسىندا جارييالانعان دەرەككە ساي, ٶرتەنگەن 120 991 گا اۋماقتىڭ 43 گەكتارعا جۋىعى – ورمانمەن كٶمكەرٸلگەن اۋدان.
ٶرت بولعان بارلىق وقيعانىڭ 70-ٸنە دالا ٶرتٸنٸڭ ورمانعا كٶشۋٸ سەبەپ. "ٷشەۋٸ – ورمان پايدالانۋشىلاردىڭ, ەكەۋٸ – تٷرلٸ كەسٸپورىندار مەن ۇيىمداردىڭ, 13-ٸ جەرگٸلٸكتٸ جۇرتشىلىق كٸنەسٸنەن بولعان", دەپ جازادى مينيسترلٸك ٶكٸلٸ.
دٸلداحمەتتٸڭ جازۋىنشا, نايزاعاي تيگەن سوڭ باستالعان ٶرت سانى – 168. ول ورماندا بولعان 103 ٶرتتٸڭ سەبەبٸ انىقتالماعانىن جازادى.
رەسمي دەرەك بويىنشا, قازاقستاندا بىلتىر ورمان 2017 جىلمەن سالىستىرعاندا 1,6 ەسە از ٶرتەنگەنٸمەن, جانىپ كەتكەن اۋماق كٶلەمٸ 9 ەسە ارتقان.
مينيسترلٸك بىلتىر بولعان ٸرٸ ورمان ٶرتتەرٸنەن سوڭ 25 لاۋازىمدى قىزمەتكەرٸ جاۋاپقا تارتىلعانىن ايتادى. ولارعا سٶگٸس جارييالانعان. بۇدان بٶلەك ورمانداعى ٶرت قاۋٸپسٸزدٸگٸ ەرەجەلەرٸن ساقتاماعان 157 قىزمەتكەر تەرتٸپتٸك جاۋاپقا تارتىلعان.
