2014 جىلدان بەرٸ جالعاسىپ كەلە جاتقان يەمەندەگٸ ەسكەري قاقتىعىس جاپپاي اشارشىلىققا ەكەلۋٸ مٷمكٸن دەپ ەسكەرتتٸ بۇۇ-نىڭ شۇعىل كٶمەك كٶرسەتۋ ٷيلەستٸرۋشٸسٸ ستيۆەن و`برايەن.
ۆۆس حابارلاعانداي, بۇۇ ٶكٸلٸ يەمەننٸڭ 10 ميلليونعا جۋىق حالقى ازىق-تٷلٸككە مۇقتاج, ولاردىڭ ەكٸ ميلليونعا جۋىعى — بالالار. و`برايەننٸڭ سٶزدەرٸنشە, بومبالاۋدىڭ توقتاماۋىنان گۋمانيتارلىق كٶمەك كٶرسەتۋ ازايىپ جاتىر.
يەمەندە قارۋلى قاقتىعىس 2014 جىلدىڭ قىركٷيەك ايىندا باستالعان. يران قولداۋ كٶرسەتەتٸن حۋسيتتٸڭ شييت ازشىلىق ٶكٸلدەرٸ حالىقارالىق دەڭگەيدە مويىندالعان يەمەن ٷكٸمەتٸمەن سوعىسىپ جاتىر. يەمەن ٷكٸمەتٸن ساۋد ارابييا جەتەكشٸلٸك ەتەتٸن كواليتسييا قولدايدى.
حۋسيتتەر مەن ەسكەري كواليتسييا اراسىندا جانجال 2015 جىلدىڭ ناۋرىز ايىندا ٶرشٸپ كەتتٸ. 2014 جىلدان بەرگٸ يەمەندەگٸ سوعىس قۇرباندارىنىڭ سانى ون مىڭداعان ادام.
