بۇۇ سيرييانىڭ سوعىستان زارداپ شەككەن تۇرعىندارىنا گۋمانيتارلىق كٶمەك كٶرسەتۋ ٷشٸن 10 ميلليارد دوللار جيناۋعا نيەتتٸ. بۇل تۋرالى سەيسەنبٸ كٷنٸ بۇۇ باس حاتشىسىنىڭ گۋمانيتارلىق مەسەلەلەر جٶنٸندەگٸ ورىنباسارى مارك لوۋكوك سيرييا بويىنشا حالىقارالىق دونورلىق كونفەرەنتسييادا سٶيلەگەن سٶزٸندە ايتتى, دەپ حابارلايدى "ۇلت اقپارات".
«شىن مەنٸندە, قازٸرگٸ كەزدە سيرييا مەن ونىڭ كٶرشٸلەس ەلدەرٸندەگٸ احۋال سوڭعى توعىز جىلداعىدان دا ناشار, بٸرٸنشٸ كەزەكتە سوعىس قيمىلدارىنىڭ ەكونوميكالىق سالدارىنا بايلانىستى. گۋمانيتارلىق كٶمەككە مۇقتاج ادامدار سانىنىڭ ٶسۋٸ بايقالادى. سوندىقتان بٸزدە بۇۇ-مەن ىنتىماقتاسقان ۇيىمداردىڭ قولداۋىمەن ەزٸرلەنگەن ەڭ اۋقىمدى ٸس-قيمىل جوسپارى بار, ونىڭ اياسىندا بٸز 10 ملرد دوللار جيناماقپىز. ونىڭ 4,2 ملرد دوللارىن سيرييا ٸشٸندەگٸ تۇرعىندارعا كٶمەكتەسۋ ٷشٸن, 5,8 ملرد دوللارىن كٶرشٸلەس ەلدەرگە قاشقان سيرييالىقتارعا جيناۋعا تىرىسامىز», - دەدٸ ول.
بريۋسسەلدە سيرييا بويىنشا كەزەكتٸ حالىقارالىق دونورلىق كونفەرەنتسييا ٶتٸپ جاتىر. 9 ناۋرىزدا ەو ديپلوماتيياسىنىڭ باسشىسى جوزەپ بوررەل: «ەۋرووداق ساياسي رەتتەۋ, جاڭا كونستيتۋتسييا قابىلداۋ جەنە بۇۇ قامقورلىعىمەن ەركٸن سايلاۋ ٶتكٸزۋ جاعدايىندا عانا سيريياعا قولداۋ كٶرسەتەدٸ» دەپ مەلٸمدەدٸ. ونىڭ ايتۋىنشا, «ساياسي ٶزگەرٸس باستالمايىنشا داماسكپەن قارىم-قاتىناستى قالىپقا كەلتٸرۋ, سانكتسييالاردىڭ كٷشٸن جويۋ جەنە قالپىنا كەلتٸرۋگە كٶمەك بولمايدى».
