Human Rights Watch (HRW) ادام قۇقىعىن قورعاۋ ۇيىمى ٶزبەكستاندى بۇۇ-نىڭ ازاپتاۋعا قارسى كوميتەتٸ ۇسىنعان كەڭەستەرٸن ورىنداۋعا شاقىردى. جەلتوقسان ايىنىڭ باسىندا بۇۇ-نىڭ ازاپتاۋعا قارسى كوميتەتٸ ٶزبەكستاندا "ازاپتاۋدىڭ كەڭٸنەن تارالعان, قالىپتى جاعداي" رەتٸندە قالىپ وتىرعانىن ايتىپ, تاشكەنتتٸ "ازاپتاۋ مەن قاتىگەزدٸكتٸ جويۋعا" ٷندەگەن.
10 جەلتوقساندا تاراعان مەلٸمدەمەدە HRW ٶزبەكستاننىڭ حالىقارالىق ەرٸپتەستەرٸن ٶزبەك ٷكٸمەتٸنٸڭ الدىندا كوميتەت ايتقان مەسەلەنٸ قوزعاۋعا جەنە وسى مەسەلەلەردٸڭ شەشٸلۋٸنە قاراي ٶزبەكستانمەن تىعىز قارىم-قاتىناس ورناتۋعا شاقىرعان.
"ٶزبەكستان بۇل سۇمدىق تەجٸريبەنٸ تٷپكٸلٸكتٸ جويۋ ٷشٸن جىلدام شارا قولدانۋى تيٸس" دەدٸ Human Rights Watch ۇيىمىنىڭ ەۋروپا جەنە ورتالىق ازييا ەلدەرٸ بويىنشا ديرەكتورى حيۋ ۋيليامسون.
بۇۇ كوميتەتٸ جاقىندا جارييالاعان ٶزبەكستاننىڭ ازاپتاۋعا قارسى كونۆەنتسييا شارتتارىن ورىنداۋى جايلى شولۋىندا "2017-2018 جىلدار ارالىعىندا پروكۋراتۋراعا ازاپتاۋ بويىنشا كەلٸپ تٷسكەن ارىز-شاعىمدار ون ەسە كٶبەيگەن" دەپ جازىلعان. كوميتەت ٶكٸلدەرٸ بٸراق سوعان قاراماستان "ازاپتاۋعا بايلانىستى ايىپتالعان لاۋازىمدى تۇلعالار سانى سول كٷيٸنشە قالعانىنا" الاڭداعان. ۇيىم شولۋدا ول جايلى ناقتى مەلٸمەت كەلتٸرمەگەن. بۇۇ-نىڭ ازاپتاۋعا قارسى كوميتەتٸ سونىمەن بٸرگە تٷرمەدە ازاپتاۋعا ۇشىراپ, كٶز جۇمعان سوتتالۋشىلار جايلى مەلٸمەتتەرگە دە الاڭداپ وتىرعانىن جەتكٸزگەن.
مامىر ايىندا Human Rights Watch ۇيىمى "بٸراز جەتٸستٸگٸنە قاراماستان ٶزبەكستان اۆتوريتارلىق ەلدەر قاتارىنان شىقپادى. قاۋٸپسٸزدٸك قىزمەتٸنٸڭ ٶكٸلەتٸ ەلٸ دە كٷشتٸ. ادامداردى زاڭسىز ۇستاۋ, قيناۋ, قاماۋدا وتىرعانداردى ازاپتاۋ تۋرالى حابارلار ەلٸ دە تٷسٸپ جاتىر" دەپ مەلٸمدەگەن ەدٸ.
ٶزبەكستاندى 27 جىل باسقارعان يسلام كاريموۆ 2016 جىلى قىركٷيەكتە 78 جاسىندا قايتىس بولعان. كەيٸن ەلدە ٶتكەن سايلاۋدا جەڭٸسكە جەتكەن ميرزيياەۆ 14 جەلتوقساندا پرەزيدەنت قىزمەتٸنە كٸرٸستٸ. HRW بىلتىر ميرزيياەۆ كٶرشٸلەس ەلدەرمەن ىنتىماقتاستىقتى كٷشەيتٸپ, ەلدەگٸ ادام قۇقىقتارىنىڭ احۋالىن جاقسارتۋدا ٷلكەن قادام جاساعانىن ايتقان.
