قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ بۇۇ ەسٸرتكٸ جەنە قىلمىس جٶنٸندەگٸ باسقارماسىنىڭ اقشانى جىلىستاتۋعا جەنە تەرروريزمدٸ قارجىلاندىرۋعا قارسى ٸس-قيمىل مەسەلەلەرٸ بويىنشا ورتالىق ازييا ەلدەرٸندەگٸ كەڭەسشٸسٸ الەكساندر ۆوديانويمەن كەزدەستٸ, دەپ حابارلايدى "ۇلت اقپارات".
اگەنتتٸكتٸڭ Telegram كانالىندا جارييالانعان اقپاراتقا قاراعاندا, اليك شپەكباەۆ قوناقتى ٸسكە اسىرىلىپ جاتقان رەفورمالارمەن, ۆەدومستۆونىڭ جۇمىسىمەن جەنە نەگٸزگٸ نەتيجەلەرٸمەن تانىستىردى.
ٶز كەزەگٸندە, الەكساندر ۆوديانوي بۇۇ ەقب-نىڭ ورتالىق ازيياداعى قۇقىقتىق جٷيەنٸ, سىبايلاس جەمقورلىققا جەنە قىلمىستىق كٸرٸستەردٸ جىلىستاتۋعا قارسى كٷرەس جٶنٸندەگٸ ساياسات پەن ۇلتتىق ستراتەگييانى نىعايتۋ بويىنشا قىزمەتٸ جايلى ايتىپ بەردٸ.
«اگەنتتٸك ماماندارىنىڭ جوعارى دەڭگەيدەگٸ قۇزٸرەتٸمەن جەنە سىبايلاس جەمقورلىققا قارسى ٸس-قيمىل مەسەلەلەرٸن شەشۋدەگٸ كەشەندٸ تەسٸلٸمەن ەرەكشەلەنەدٸ», – دەدٸ ا.ۆوديانوي.
سونداي-اق, ول ەلدٸڭ سىبايلاس جەمقورلىققا قارسى ساياساتتى ٸسكە اسىرۋداعى تەسٸلدەرٸنە وڭ باعا بەردٸ. حالىقارالىق ستاندارتتار مەن وزىق تەجٸريبەلەرگە سەيكەس كەلەتٸن الدىن الۋ شارالارىنىڭ باسىمدىعى مەن سىبايلاس جەمقورلىققا قارسى كٷرەس مەسەلەلەرٸنە قوعامدى جۇمىلدىرۋعا نازار اۋداردى. كەزدەسۋگە قاتىسۋشىلار سىبايلاس جەمقورلىققا قارسى كٷرەستە ۇجىمدىق كٷش-جٸگەر قابىلداۋدىڭ ماڭىزدىلىعىن اتاپ ٶتٸپ, الداعى ٶزارا ەرەكەتتەستٸك بويىنشا ناقتى قادامداردى انىقتادى.
