ازداعان كٷندەردەن سوڭ قوي جىلىنا قوش ايتىپ, مەشٸن جىلىنا اياق باسامىز. قاربالاسقا تولى جىل دا قارداي ەرٸپ, كٶز الدىمىزدا جوعالىپ بارادى.
جىل باسىندا كەزەكتەن تىس پرەزيدەنت سايلاۋىن ٶتكٸزٸپ, 97,7%-بەن 25 جىل ەل باسقارعان نۇرسۇلتان ەبٸشۇلىن تاعىنا قايتا وتىرعىزدىق; تٶل تەڭگەمٸزدٸ ەركٸن اينالىمعا جٸبەرٸپ, ارتىنشا 20 مىڭ تەڭگەلٸك كۋپيۋرانى قالتاعا باستىق; ٷشٸنشٸ قازاق عارىشكەرٸن اسپانعا ۇشىرىپ, «حالىق قاھارمانى» دەگەن اتاقپەن كٷتٸپ الدىق; «قازاقتا بۇرىن مەملەكەت بولعان جوق» دەپ كٶسەمسٸگەن پۋتيننٸڭ سٶزٸنٸڭ قايتارىمىنداي قازاق حاندىعىنىڭ 550 جىلدىعىن تويلادىق. ەل بولىپ تويلاعان ەلەۋلٸ وقيعا بارشا الاش جۇرتىنىڭ رۋحىن كٶتەرٸپ, بٸر سەرپٸلتٸپ تاستاعانى انىق. ٸرٸلٸ-ۇساقتى وقيعالاردى تٸزە بەرسەك, وسىلاي جالعاسا بەرەدٸ. بەرٸ دە تاريح قويناۋىنا كەتتٸ. بۇل جىلى گەرولد بەلگەر, ديداحمەت ەشٸمحان, تۇرسىنبەك كەكٸشەۆ, ەبٸش كەكٸلباەۆ سىندى الىپتاردان ايرىلىپ, قاستەرلٸ قارا جەر «ەندٸ وسىنداي ۇل تابا الار ما ەكەنمٸن» دەگەندەي اۋىر كٷرسٸندٸ. باتىرحانداي تالانتتى مەڭگٸلٸك جەر قوينىنا تاپسىرىپ, سايلاۋبەكتەي سايقىمازاقتاردى كيەلٸ ساحنادا تايراڭداتتىق.
اۋكتسيونعا قويىلعان جەرٸمٸز بەن قازبا بايلىقتاردان تٷسكەن پايدانىڭ ھەم ەلٸبي جەڭٸپ شىققان جاماليەۆتٸڭ ميلليونداعان قارجى تۇراتىن بار مٷلكٸن تەركٸ ەتكەننەن ەكونوميكامىزعا, حالقىمىزعا قانشالىقتى پايدا تيەتٸنٸ دە بەلگٸسٸز. سوندا دا بٸز سابىر مەن سەنٸمنەن ايرىلمادىق. پۋتين سٶزٸ مەن كٷلٸگٸمٸزدٸ كرەسپەن باۋىزداعىسى كەلگەن ايۋتەكتٸ جاۋىزداردىڭ قىزىل الاڭعا شىعىپ, ەلٸمٸزدٸڭ تەۋەلسٸزدٸگٸن جوققا شىعارۋ اكتسيياسىن ٶتكٸزۋٸ – جٸگەرٸمٸزدٸ جانىماسا, رۋحىمىزدى جىققان جوق. تام-تۇمداپ اتاجۇرتقا ورالعان ورالمانداردىڭ سانى, «شاھيد بولامىن» دەپ شالا بٷلٸنٸپ سيرييا اسقان جٷزدەگەن قانداسىمىزدىڭ ورنىن تولتىرا الماسى انىق. «قان تٸلەنگەن جات ەلدٸك بۇلت-كٸسٸلەردٸڭ» اتا دٸنٸمٸزگە اۋىز سالىپ, اڭقاۋ اعايىندى جولىنان اداستىرىپ ەكەتكەنٸنە نە دەرسٸڭ?! دٸنٸمٸز بٷلٸنگەنمەن, دٸڭٸمٸز مىقتى ەدٸ عوي. بۇل سىناقتان دا ٶتەرمٸز.
يە, قويداي مومىن حالىقتى ەسكٸ جىل ەسٸركەي قويمادى. ٶتكەن كٷنگە ٶكپەسٸن ايتىپ قوشتاسقالى تۇرعان بۇ قازاق, ەرتەڭٸن تەڭٸرگە عانا تاپسىرىپ وتىر. وتىز قانات وردامىزدىڭ ٸشٸندە بەيبٸت تٸرلٸك بولعانمەن, ەلەمنٸڭ ەر بٷيٸرٸنەن ەستٸلگەن كٶك زەڭبٸرەك, كٶپ مىلتىقتىڭ ٷنٸ قالىڭ بۇحارانىڭ ٷرەيٸن تۋعىزىپ وتىر. ونىڭ ٷستٸنە دەۆالۆاتسييا دەپ دٷرلٸككەن ەلدٸڭ ۋايىمى بٸر بٶلەك. دوللار باعاسىنىڭ اسپانعا شاۋىپ, تەڭگەمٸزدٸڭ قۇنسىزدانۋى – حالىقتى الاڭداتپاي قويعان جوق.
سوڭعى مەلٸمەتتەرگە سٷيەنسەك, قازاقستاننىڭ سىرتقى قارىزى 7,68 تريلليوننان اسىپ جىعىلادى ەكەن. مۇنىڭ بەرٸ قاراپايىم حالىقتىڭ تىنىشىن كەتٸرەرٸ سٶزسٸز. دەگەنمەن قانشاما قيىندىقتى باستان ٶتكەرگەن قازاق ٷشٸن بۇل كٷندەر دە كٶرگەن تٷستەي ٶتە شىعادى دەپ سەنەمٸز. وسىنداي قيىن كەزەڭدە حالىقتى بٸرٸكتٸرەتٸن كٷش – سابىر مەن سەنٸم. ەرتەڭ-اق ەلدٸڭ ەسٸن العان داعدارىستى ەڭسەرٸپ, ەتەك-جەڭٸمٸزدٸ جيناپ الامىز. لايىم كەلەر جىل بەرەكەگە, قۋانىشقا باستاپ, قازاق جۇرتىنىڭ ەڭسەسٸ بيٸك, رۋحى اسقاق بولسىن!
قۇدايعا شٷكٸر, قازٸر قازاق قوعامىنىڭ ساياسي ساۋاتى ٶستٸ, ۇلتتىق ساناسى وياندى. قازاقستاننىڭ ەر تٷكپٸرٸندەگٸ قازاق مەملەكەتتٸك ماڭىزدى مەسەلەلەرگە ٷن قاتىپ, بەلسەنە ارالاسىپ جٷر. مۇنى ەلەۋمەتتٸك جەلٸلەردەگٸ جازبالاردان جەنە ەلدەگٸ تٷرلٸ وقيعالاردان بايقاۋعا بولادى.
وسى ورايدا, حالىقتىڭ تانىم-بٸلٸگٸن قالىپتاستىرۋدا, ساياسي بٸلٸمٸن ارتتىرۋدا قىزمەت ەتٸپ كەلە جاتقان «ۇلت» پورتالىنىڭ دا ٶزٸندٸك ەڭبەگٸ بار دەپ بٸلەمٸز. جىل باسىنان بەرٸ ۇلت مٷددەسٸ تۋراسىندا كٶپتەگەن ماڭىزدى ماقالالار جارييالانىپ, ٶزەكتٸ مەسەلەلەر كٶتەرٸلدٸ. ۇلت زييالىلارى سٶز الار مەرتەبەلٸ مٸنبەرگە اينالدى.
قۇرىلعانىنا ٷش جىلداي ۋاقىت ٶتسە دە, قازٸر بٸزدٸ قازاقستاننان بٶلەك, مونعولييا, قىتاي, تٷركييا, رەسەي, نيدەرلاندى, اقش, گەرمانييا ەلدەرٸنەن وقىرماندار وقىپ وتىرادى. مۇنى بٸز Google Analytics سەرۆيسٸ ارقىلى كٶرٸپ, بٸلٸپ وتىرمىز. «ۇلت» پورتالى بٷگٸنگە دەيٸن تالماي جازىپ, ماقالا جولداپ كەلگەن اۆتورلاردىڭ بارلىعانا العىس ايتادى. بٸزدٸڭ الاڭ بارلىعىڭىز ٷشٸن اشىق. كٶكەيدە جٷرگەن مەسەلەلەرٸڭٸز, مازالاپ جٷرگەن ويلارىڭىز بولسا, ماقالا جازىپ, پورتال پوشتاسىنا جولداڭىزدار (1ult.kz@gmail.com).
مەن بۇعان دەيٸن جاڭاشىل قازاق جاستارىنىڭ ەدەبي-مەدەني, اقپاراتتىق-تانىمدىق ورداسىنا اينالعان «Massaget.kz» سايتىندا كونتەنت-مەنەدجەر, كەيٸننەن رەداكتور بولىپ قىزمەت جاسادىم. ول جەردە ەكٸ جىلداي جۇمىس ٸستەپ, ۇلت پورتالىنىڭ باس رەداكتورى, اقىن اقبەرەن ەلگەزەكتٸڭ شاقىرۋىمەن وسىندا كەلدٸم. اقبەرەن اعا ايبول يسلامعاليەۆ ەكەۋمٸزگە سايت تٸزگٸنٸن تاپسىرىپ, سەنٸم بٸلدٸردٸ. ٶزٸ مەملەكەتتٸك جۇمىسقا اۋىسقاننان كەيٸن, بار جاۋاپكەرشٸلٸك بٸزگە جٷكتەلٸپ وتىر.
ەرينە, «ۇلت» پورتالى سەكٸلدٸ ٷلكەن ينتەرنەت-باسىلىمدى تەجٸريبەسٸ تولىسقان, قالامى جٷيرٸك جۋرناليستەردٸڭ بٸرٸنە اماناتتاپ كەتسە بولار ەدٸ. بٸراق اعامىز «اقىندىقتىڭ نەگٸزٸ – ازاماتتىق» ەكەنٸن ايتىپ, تٸزگٸندٸ بٸزگە ۇسىندى. سوندىقتان ۇلتتىڭ جٷگٸ ارقاعا اۋعانداي, ٷلكەن جاۋاپكەرشٸلٸكتٸ سەزٸنٸپ وتىرمىز.
اقبەرەن اعا «اقىن» دەپ سوڭىنان ەرگەن جاستارمەن ەڭگٸمەلەسكەن كەزدە: «اقىن – قايراتكەر بولۋ كەرەك. قاجەت بولسا ۇلتى ٷشٸن باسىن بەيگەگە تٸگۋٸ قاجەت, ەشكٸمگە جالتاقتاماۋى كەرەك» دەپ جيٸ ايتادى. قازاق جاستارىنىڭ قايسى بولسىن ۇلتشىل بولسا, ەل ەرتەڭٸنە الاڭ كٶڭٸلمەن قاراپ, ويى ورنىقتى, سٶزٸ سالماقتى شىقسا دەيدٸ. جاڭا زييالى قاۋىمنىڭ قالىپتاسۋى بٸزدەردەي جاستاردان باستالاتىنىن باعامداپ, باعدار نۇسقايدى. ۋاقىت الماسىپ, بٸزدٸڭ دە ەلگە سٶز ايتار كەزٸمٸز كەلگەندە نەدەن ايانىپ قالايىق.
قادٸرلٸ وقىرمان, «بولار ەلدٸڭ بالاسى بٸرٸن بٸرٸ باتىر دەيتٸنٸ» راس بولسا, سٸزدەردٸڭ تاراپىڭىزدان قولداۋ بولادى دەپ سەنەمٸز. ۇلت تاعدىرى – ۇرپاققا امانات. عاسىرلار بويى اڭساعان تەۋەلسٸزدٸكتٸ ساقتاپ قالۋ – سٸز بەن بٸزگە پارىز. تاتۋ بولايىق, ۇلتپەن بٸرگە بولايىق!
قۇرمەتپەن, شەرحان تالاپ
.jpg)
