قر بٸلٸم جەنە عىلىم مينيسترلٸگٸ قىزمەتكەرلەرٸنٸڭ 70 پايىزى قاشىقتىقتان جۇمىس ٸستەيتٸن فورماتقا كٶشتٸ. بۇل جايىندا ۆەدومستۆو باسشىسى اسحات ايماعامبەتوۆ Facebook پاراقشاسىندا جازدى, دەپ حابارلايدى "ۇلت اقپارات".
«پرەزيدەنت قاسىم-جومارت توقاەۆتىڭ تاپسىرماسىنا سەيكەس, قر بعم قىزمەتكەرلەرٸنٸڭ 70 پايىزى قاشىقتىقتان جۇمىس ٸستەيتٸن فورماتقا كٶشتٸ, اراسىندا ەڭبەك دەمالىسىنا شىققاندار دا بار. بۇل شەشٸم, ەڭ الدىمەن, سوزىلمالى اۋرۋى بار, جاسى زەينەتكەرلٸككە تاياعان جەنە ٷيٸندە كٸشكەنتاي بالالارى بار ەرٸپتەستەرگە قاتىستى. قر بعم 14 ناۋرىزدا قابىلداعان №108 بۇيرىعىنا سەيكەس مەكتەپ كانيكۋلى كەزٸندە مۇعالٸمدەردٸڭ 100 پايىزى جەنە قاشىقتىقتان وقىتۋ بارىسىندا كوللەدجدەر مەن جوو-نىڭ وقىتۋشىلارى قاشىقتىقتان جۇمىس ٸستەۋٸ تيٸس», - دەدٸ مينيستر.
سونداي-اق, ونىڭ اتاپ ٶتۋٸنشە, كەشە قوسىمشا بٸلٸم بەرۋ, پمپك, كپپك قىزمەتكەرلەرٸنە قاتىستى قوسىمشا شەشٸم قابىلداندى. قازٸرگٸ كەزەڭدە ولاردى اقى تٶلەنەتٸن ەڭبەك دەمالىسىنا جٸبەرۋ ۇسىنىلدى.
«اتا-انالار بٷلدٸرشٸندەرٸن اپارماۋدى ۇيعارعان توپتاردا جۇمىس ٸستەيتٸن بالاباقشا قىزمەتكەرلەرٸنە دە اقىلى ەڭبەك دەمالىسىن بەرۋ قاجەت. سونىمەن قاتار, بٸلٸم جەنە عىلىم سالاسىنداعى باسشىلاردى ۇيىمنىڭ تىنىس-تٸرشٸلٸگٸن قامتاماسىز ەتۋمەن اينالىساتىن مامانداردان ٶزگە بارلىق قىزمەتكەرلەرٸن اقىلى ەڭبەك دەمالىسىنا جٸبەرۋگە نەمەسە قاشىقتىقتان جۇمىس ٸستەۋ فورماتىنا اۋىستىرۋعا تاپسىرما بەردٸم. بٸز ٷشٸن ازاماتتارىمىزدىڭ دەنساۋلىعىن ساقتاۋدى ويلاۋ جەنە ينفەكتسييانىڭ تارالۋ تٸزبەگٸن توقتاتۋعا كٷش سالۋ ماڭىزدى. بۇل رەتتە ٶزٸن-ٶزٸ وقشاۋلاۋدى قامتاماسىز ەتۋ, قوعامدىق ورىندارعا بارماۋ ٶتە ماڭىزدى», - دەدٸ اسحات ايماعامبەتوۆ.
