سەنات تٶراعاسى قاسىم-جومارت توقاەۆ بي-بي-سي-دەگٸ Hardtalk باعدارلاماسىنا بەرگەن سۇحباتىندا نۇرسۇلتان نازارباەۆتىڭ 2020 جىلى ٶتەتٸن پرەزيدەنتتٸك سايلاۋعا قاتىسپايتىنى تۋرالى ايتقان سٶزٸن تٷسٸندٸردٸ, دەپ حابارلايدى Sputnik قازاقستان.
"مەنٸڭ ويىمشا, بۇل سۇحباتتا نازار باسقا جاققا اۋدارىلعان, ٶيتكەنٸ كٶپ مەسەلە تالقىلانعان بولاتىن. بۇل مەسەلە سونىڭ بٸرٸ عانا بولدى. Hardtalk اياسىندا سۇحبات بەرۋ وڭاي ەمەس, دەگەنمەن مەن ولاردىڭ سۇراقتارىنا جاۋاپ بەرۋدٸ جٶن كٶردٸم. سەبەبٸ ەلٸمٸزدە دەموكراتييانى, ەكونوميكالىق ەلەۋەتتٸ دامىتۋ ٷشٸن قانداي جۇمىس جاسالىپ جاتقانىن ايتۋىمىز كەرەك. بۇل باتىستىڭ قازاقستاندى تٷسٸنۋٸ ٷشٸن قاجەت. وسى تۇرعىدا سۇحبات پايدالى بولدى دەپ ەسەپتەيمٸن", — دەدٸ توقاەۆ باق ٶكٸلدەرٸنە.
"مەن بٸرٸنشٸ كەزەكتە ەلباسى ٶزٸ شەشٸم قابىلدايتىنىن ايتتىم. ول - پاراساتتى, اقىلدى ادام, ۇلى كٶشباسشى ەكەنٸن تٸلگە تيەك ەتتٸم. بۇل جەرٸ سۇحباتتان الىنىپ تاستالعان. ەڭگٸمە بارىسىندا ايتىلعان بۇل سٶزگە قاتىستى قارا اسپاندى تٶندٸرۋدٸڭ قاجەتٸ جوق. سۇحبات ٶتە قىزىقتى بولدى", — دەپ قوستى سەنات تٶراعاسى.
ونىڭ ايتۋىنشا, نازارباەۆتىڭ كەلەسٸ سايلاۋعا قاتىساتىنى نە قاتىسپايتىنىنا قاراماستان ٸشكٸ جەنە سىرتقى ساياسات مەسەلەلەرٸ بويىنشا سوڭعى سٶزدٸ ەلباسى ايتادى, ٶيتكەنٸ ول "ۇلت كٶشباسشىسى بولىپ قالا بەرەدٸ".
بۇدان بٶلەك, جۋرناليستەر توقاەۆتان 2020 جىلى ٶتەتٸن پرەزيدەنتتٸك سايلاۋعا نازارباەۆتان باسقا كٸم قاتىسۋى مٷمكٸن ەكەنٸن سۇرادى.
"بۇل مەنٸڭ قۇزىرىمداعى مەسەلە ەمەس. بۇل مٷلدەم باسقا سۇراق. مەن ٶز سٶزٸمە جاۋاپ بەرەمٸن. مەن ەلٸمٸزدٸڭ ٶزٸنٸڭ ۇلت كٶشباسشىسى بار ەكەنٸن ايتتىم, ونى ەلٸمٸزدٸڭ بٷكٸل حالقى دەرلٸك قولداپ وتىرعانىن ايتپاعاندا, حالىقارالىق ارەنادا وراسان زور بەدەلٸ بار", — دەپ جاۋاپ بەردٸ توقاەۆ.
"بٸز بارلىق بولۋى مٷمكٸن جاعدايدى ەسكەرۋٸمٸز كەرەك", — دەدٸ سەنات سپيكەرٸ نازارباەۆتىڭ كەلەسٸ سايلاۋعا قاتىسپاۋ مٷمكٸندٸگٸنە قاتىستى باق ٶكٸلدەرٸنٸڭ سۇراعىنا جاۋاپ بەرە وتىرىپ.
قازاقستاننىڭ قازٸرگٸ پرەزيدەنتٸ وسى جازدا 78 جاسقا تولادى. ول 1991 جىلدىڭ 1 جەلتوقسانىندا العاشقى بٷكٸلحالىقتىق سايلاۋدىڭ قورىتىندىسى بويىنشا پرەزيدەنت بولىپ, سودان بەرٸ ەلدٸ باسقارىپ كەلەدٸ. 2015 جىلدىڭ 26 سەۋٸرٸندە ٶتكەن سوڭعى كەزەكتەن تىس سايلاۋدا مەملەكەت باسشىسى سايلاۋشىلاردىڭ 98% داۋىسىن يەلەنٸپ, بەسٸنشٸ رەت جەڭٸسكە جەتتٸ. ونىڭ ٶكٸلەتتٸگٸ 2020 جىلدىڭ سەۋٸرٸندە اياقتالادى. كوستيتۋتسيياعا سەيكەس, نازارباەۆ قازاقستاننىڭ تۇڭعىش پرەزيدەنتٸ رەتٸندە بۇل لاۋازىمعا ٶمٸر بويى سايلاۋعا تٷسە الادى.
