ەلٸمٸزدٸڭ 730 ەلدٸ مەكەنٸندە ٶتكەن ەكٸم سايلاۋى اۋىل ەكونوميكاسىنىڭ بازاسىن ٶزگەرتەدٸ. ۇلتتىق قوعامدىق سەنٸم مٷشەلەرٸنٸڭ كەزدەسۋٸندە «ەكونوميكالىق زەرتتەۋلەر ينستيتۋتى» ٶڭٸرلٸك زەرتتەۋلەر ورتالىعىنىڭ ديرەكتورى قايسار نىعمەتوۆ ەكٸم سايلاۋىنان وسىنداي يمپۋلس كٷتەتٸنٸن ايتتى, دەپ حابارلايدى قازاقپارات.
«سايلاۋعا وڭ باعا بەرۋگە بولادى. ٷمٸتكەرلەردٸڭ باسىم بٶلٸگٸ ٶزٸن-ٶزٸ ۇسىندى. رەسمي قورىتىندىسى ايتىلعاننان كەيٸن تولىققاندى باعا بەرە الامىز. ەكٸمدەردٸڭ تٸكەلەي سايلاۋىن ەنگٸزۋ - ٶتە پروگرەسسيۆتٸ رەفورما. قازٸر بٸز جەرگٸلٸكتٸ ٶزٸن-ٶزٸ باسقارۋ تۇجىرىمداماسى بويىنشا جۇمىس ٸستەپ جاتىرمىز, اۋىلدىق وكرۋگ ەكٸمدەرٸنٸڭ ەكونوميكالىق دەربەستٸگٸن ارتتىرۋعا قاتىستى, قانداي سالىق تٷرلەرٸ ولاردىڭ قۇزىرىنا بەرٸلەدٸ دەگەن سيياقتى مەسەلەلەردٸ پىسىقتاپ جاتىرمىز. وسىنىڭ نەگٸزٸندە جاڭادان سايلانعان ەكٸمدەردٸڭ جۇمىسىنا قاجەت اۋىل ەكونوميكاسىنىڭ بازاسى جاسالادى», - دەگەن ساراپشى ٷمٸتكەرلەردٸڭ گەندەرلٸك جەنە جاس قۇرامىنا توقتالدى.
«رەسمي قورىتىندى شىققاندا بٸرنەشە ساۋالعا جاۋاپ الامىز. جەڭٸمپازدار اراسىندا جەرگٸلٸكتٸ جاستاردىڭ ٷلەسٸ قانداي, جالپى ورتاشا جاس قانداي, ولار وسى اۋىلدىڭ تۋماسى ما, ەلدە جاستار رەزەرۆٸنەن تٷستٸ مە? وسىنىڭ بەرٸن بٸلۋ قىزىقتى بولار ەدٸ. مۇنى ەزٸرگە سايلاۋ كوميسسييالارىنىڭ قورىتىندىسىنسىز انىقتاي المايمىز. ادامدار سايلاۋعا كەلٸپ, ناقتى ادامداردىڭ اراسىنان ٷمٸتكەردٸ تٸكەلەي ٶزدەرٸ تاڭداعاندىقتان, ونىڭ كەلەشەكتەگٸ جۇمىسىنا ەسەر ەتەمٸز دەگەن سەنٸمٸ بار. قازٸر حالىق ٶز كەلەشٸگنە قاتىستى قانداي دا بٸر شەشٸم قابىلداۋ كەزٸندە پٸكٸرلەرٸ ەسكەرٸلگەنٸن قالايدى. سوندىقتان تٸكەلەي سايلاۋدىڭ العاشقى تولقىنى ويداعىداي ٶتتٸ دەۋگە بولادى. ال ناقتى نەتيجەسٸن, اۋىل ٶمٸرٸنە قالاي ەسەر ەتكەنٸن بٸر-ەكٸ جىلدىڭ اينالاسىندا كٶرە الامىز», - دەيدٸ ساراپشى.
