86 جىل بۇرىن (1931-1976) دەل وسى كٷنٸ اقىن, اۋدارماشى, دراماتۋرگ, قازاقستاننىڭ مەملەكەتتٸك سىيلىعىنىڭ لاۋرەاتى, «عاسىر اقىنى» اتاعىنىڭ يەگەرٸ مۇقاعالي ماقاتاەۆ دٷنيەگە كەلدٸ.
ول الماتى وبلىسى رايىمبەك اۋدانىندا تۋعان. م.كيروۆ اتىنداعى قازاق مەملەكەتتٸك ۋنيۆەرسيتەتٸن (ەل-فارابي اتىنداعى قازاق ۇلتتىق ۋنيۆەرسيتەتٸ) بٸتٸرگەن.
1952-1969 جىلدارى قاراساز باستاۋىش مەكتەبٸندە ورىس تٸلٸنٸڭ مۇعالٸمٸ, قازاق راديوسىنىڭ ديكتورى, شالكٶدەدە قىزىل وتاۋ مەڭگەرۋشٸسٸ, نارىنقول اۋداندىق «سوۆەتتٸك شەكارا» (قازٸرگٸ «حانتەڭٸرٸ») گازەتٸنٸڭ جاۋاپتى حاتشىسى, «سوتسياليستٸك قازاقستان» (قازٸرگٸ «ەگەمەن قازاقستان») گازەتٸندە, «مەدەنيەت جەنە تۇرمىس» (قازٸرگٸ «پاراسات»), «جۇلدىز» جۋرنالدارىندا ەدەبي قىزمەتكەر, جازۋشىلار وداعى پوەزييا بٶلٸمٸنٸڭ كەڭەسشٸسٸ قىزمەتتەرٸن اتقارعان.
1973-1974 جىلدارى مەسكەۋدەگٸ ەدەبيەت جەنە ٶنەر ينستيتۋتىندا وقىعان.
اقىننىڭ تىرناقالدى تۋىندىلارى نارىنقول اۋداندىق «سوۆەتتٸك شەكارا» گازەتٸندە 1948 جىلى جارييالانعان. ونىڭ «اق قايىڭ ەنٸ», «اققۋلار ۇيىقتاعاندا», «ارمان», «شولپان», «رايىمبەك! رايىمبەك!», «قاشقىن», «موتسارت. جان ازاسى» اتتى پوەما تولعاۋلارى مەن 650-دەن استام ليريكالىق ٶلەڭدەرٸ بار. ول قازاق ٶلەڭٸن مازمۇن, پٸشٸن جاعىنان تٷرلەندٸرٸپ, ينتوناتسييا, ينۆەرسييا, مازمۇن تۇرعىسىنان جاڭالىق ەنگٸزدٸ.
مۇقاعالي ماقاتاەۆ پوەزييا جانرىندا عانا ەمەس, پروزا, دراما, سىن سالاسىندا دا قالام تارتتى. ونىڭ «قوش, ماحاببات» جيناعىنا ەر جىلدار جازىلعان «قۇلپىتاس», «مارۋسيانىڭ تاۋى», «ٶزگەرمەپتٸ», «ەجە» ەڭگٸمەلەرٸ, «قوس قارلىعاش», «جىل قۇستارى» پوۆەستەرٸ مەن «قوش ماحاببات» پەساسى, بٸرنەشە سىني ەڭبەكتەرٸ ەنگەن.
اۋدارما سالاسىندا شەكسپيردٸڭ سونەتتەرٸن, دانتەنٸڭ «قۇدٸرەتتٸ كومەديياسىن», ە.ەۆتۋشەنكو, ا.اكوپيان, ف.مورگۋن, ۋ.ۋيتمەن, ر.بەرنس, ف.انساريدٸڭ ٶلەڭدەرٸن تەرجٸمالاعان. ونىڭ ٶلەڭدەرٸنە نۇرعيسا تٸلەنديەۆ, شەمشٸ قالداياقوۆ, بەيبٸت ورالۇلى, التىنبەك قورازباەۆ تاعى باسقا سازگەرلەر ەن جازدى. الماتىدا اقىن اتىندا مەكتەپ, كٶشە جەنە سول كٶشە بويىندا ەسكەرتكٸشٸ بار. تۋعان اۋىلى قاراسازدا مۇراجايى اشىلدى. قازاقستان جازۋشىلار وداعى 1985 جىلدان بەرٸ ٷزدٸك ەدەبي شىعارما اۆتورلارىنا بەرٸلەتٸن مۇقاعالي ماقاتاەۆ اتىنداعى سىيلىق تاعايىنداعان.
