فوتو: primeminister.kz
قر پرەمەر-مينيسترٸ ەليحان سمايىلوۆتىڭ تٶراعالىعىمەن ٶتكەن ٷكٸمەت وتىرىسىندا قاراعاندىداعى كوستەنكو اتىنداعى شاحتادا ورىن العان ٶرتكە قاتىستى جاعداي قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ەليحان سمايىلوۆ ەڭ الدىمەن ٷكٸمەت اتىنان جەنە جەكە ٶزٸنٸڭ اتىنان قازا تاپقانداردىڭ تۋىستارى مەن جاقىندارىنا قايعىرا كٶڭٸل ايتتى.
بۇدان كەيٸن مينيسترلەر كابينەتٸنٸڭ مٷشەلەرٸ مارقۇم بولعان كەنشٸلەردٸ بٸر مينۋت ٷنسٸزدٸكپەن ەسكە الدى.
«بارلىق زارداپ شەككەندەرگە تەزٸرەك ساۋىعىپ كەتۋٸن تٸلەيمٸن. دەنساۋلىق ساقتاۋ مينيسترلٸگٸ ەمدەلٸپ جاتقان ەربٸر كەنشٸنٸڭ جاعدايىن باقىلاۋدا ۇستاسىن. قازا تاپقانداردىڭ وتباسىلارىنا قاجەتتٸ كٶمەك كٶرسەتٸلٸپ جاتىر. مەملەكەت باسشىسى تيٸستٸ تاپسىرمالار بەردٸ», — دەدٸ پرەمەر-مينيستر.
تٶتەنشە جاعدايلار مينيسترٸ سىرىم شەرٸپحانوۆ مەلٸم ەتكەندەي, 28 قازانعا قاراعان تٷنٸ كوستەنكو شاحتاسىندا 700 مەتر تەرەڭدٸكتە ٶرت شىعىپ, ودان كەيٸن مەتان-اۋا قوسپاسى جارىلعان. وقيعا ورنىنا دەرەۋ كەسٸبي ەسكەريلەندٸرٸلگەن اۆارييالىق-قۇتقارۋ قىزمەتتەرٸنٸڭ رەسپۋبليكالىق ورتالىق شتابى قاراعاندى فيليالىنىڭ كٷشتەرٸ جۇمىلدىرىلدى.
اپات كەزٸندە اۋىسىمدا 252 كەنشٸ بولعان, ونىڭ 5-ەۋٸن قۇتقارۋ قىزمەتٸنٸڭ كٷشتەرٸمەن تابىلىپ, جەر بەتٸنە شىعارىلدى, 200-دەن استام ادام ٶز بەتٸنشە كٶتەرٸلدٸ. ٸزدەستٸرۋ-قۇتقارۋ جۇمىستارى كەزٸندە 45 كەنشٸنٸڭ دەنەسٸ جەنە الدىن الا بولجام بويىنشا قازا تاپقان 46-شى ادامنىڭ دەنە بٶلشەكتەرٸ تابىلدى.
ٸزدەۋ جۇمىستارى ەلەكتر قۋاتىنىڭ بولماۋى, تاۋ-كەن قازبالارىنىڭ ۇزىندىعى جەنە كٶپتەگەن بۇزىلعان مەحانيزمدەردٸڭ بولۋى سالدارىنان قيىنداعانى ايتىلدى. جەكەلەگەن سۋ باسقان قازبا ورىندارىنا قول جەتكٸزۋ قيىن بولعان.
قازٸرگٸ تاڭدا اشىق ٶرت وشاقتارى جوق, گاز جاعدايى قالىپتى. شاحتا قىزمەتٸن قالپىنا كەلتٸرۋ ٷشٸن تاۋ-كەن قازبالارىن زەرتتەۋ جەنە جەكەلەگەن ۋچاسكەلەردە سۋ سورۋ جۇمىستارى جٷرگٸزٸلٸپ جاتىر.
اپات سەبەپتەرٸن تەكسەرۋ شەڭبەرٸندە ٷكٸمەتتٸك كوميسسييا مٷشەلەرٸ شاحتاعا تٷستٸ. نەتيجەسٸندە ٶتە ماڭىزدى بۇزىلۋلار انىقتالدى: تاۋ-كەن قازبالارىندا شاحتا جابدىقتارى جىلجىپ كەتكەن, 15-تەن استام وقشاۋلاعىش بٶگەتتەر مەن جەلدەتۋ قوندىرعىلارى قيراعان. تەرگەۋگە قازاقستاننان, جاقىن جەنە الىس شەتەلدەردٸڭ ساراپتامالىق ۇيىمدار تارتىلدى.
ٶز كەزەگٸندە قاراعاندى وبلىسىنىڭ ەكٸمٸ ەرماعانبەت بٶلەكپاەۆ بايانداما جاسادى.
ەليحان سمايىلوۆ مەملەكەت باسشىسى كوستەنكو شاحتاسىندا كەنشٸلەردٸڭ قازا بولۋىنا بايلانىستى تەرگەۋ جۇمىستارىن جٷرگٸزٸپ, «ارسەلورميتتال تەمٸرتاۋ» كومپانيياسىمەن ينۆەستيتسييالىق ىنتىماقتاستىقتى توقتاتۋدى تاپسىرعانىن اتاپ ٶتتٸ.
«بيىل تامىز ايىندا دا "ارسەلورميتتال تەمٸرتاۋدا" وسىنداي اپات ورىن العان بولاتىن. ول كەزدە 5 شاحتەر قازا تاپتى. كٶپتەگەن ادام ٶلٸمٸنە ەكەپ سوققان اپات ٶندٸرٸستەگٸ قاۋٸپسٸزدٸك تالاپتارىنىڭ ساقتالماۋىمەن تٸكەلەي بايلانىستى. بۇل – بٸرٸنشٸ كەزەكتە, كەسٸپورىن باسشىلىعىنىڭ كٸنەسٸ», — دەدٸ ول.
پرەمەر-مينيستر ولار كومپانييا جۇمىسىنان ٶزدەرٸن شەتتەتٸپ تاستاعانىن, مۇنداي ەرەكەتسٸزدٸكتٸڭ سالدارى بٸرنەشە جىلدار بويى قايعىلى جاعدايلارعا ەكەپ سوقتىرىپ كەلە جاتقانىن ايتتى.
«كومپانييا ٶز مٸندەتتەمەلەرٸن ورىنداعان جوق. قازٸرگٸ تاڭدا, “ارسەلورميتتال تەمٸرتاۋ” كومپانيياسىن قازاقستاننىڭ پايداسىنا بەرۋ رەسٸمدەرٸ اياقتالۋ ساتىسىندا», — دەدٸ ٷكٸمەت باسشىسى.
ونىڭ ايتۋىنشا, ارنايى كوميسسييا اپاتتىڭ سەبەپتەرٸن جان-جاقتى تەكسەرٸپ, وعان كٸنەلٸ ادامداردى انىقتاۋ جۇمىستارىن جالعاستىرادى.
«قاراعاندى وبلىسىنىڭ ەكٸمدٸگٸ مەن تٶتەنشە جاعدايلار مينيسترلٸگٸ اپاتتى جويۋ جٶنٸندە شارالار قابىلداۋى تيٸس. ەڭ باستىسى – قازا تاپقانداردىڭ وتباسىلارىنا بارلىق كٶمەكتٸ كٶرسەتٸپ, زارداپ شەككەندەردٸڭ دەنساۋلىقتارىن قالپىنا كەلتٸرۋ. وسىنداي قيىن جاعدايدا ەشكٸم دە نازاردان تىس قالمايدى», — دەپ قورىتىندىلادى سٶزٸن ەليحان سمايىلوۆ.
