پرەزيدەنت اندجەي دۋدا پولشانىڭ پشەۆودۋۆ اۋىلىنا راكەتانىڭ قۇلاۋىن "قاساقانا جاسالعان شابۋىل ەمەس" دەپ اتادى. بۇل تۋرالى Associated Press اگەنتتٸگٸ حابارلادى.
15 قاراشادا پولشانىڭ پشەۆودۋۆ اۋىلىنا راكەتا قۇلاپ, ەكٸ ادام قازا تاپقان ەدٸ. دۋدا بۇل راكەتا ۋكراينانىڭ زىمىراندارعا قارسى جٷيەسٸنە ۇشىرىلۋى مٷمكٸن دەپ وتىر.
پولشا پرەزيدەنتٸ "بۇل جاعدايعا 15 قاراشادا ۋكراينانى راكەتامەن اتقىلاعان رەسەي جاۋاپتى" دەدٸ.
كەشە, 14 قاراشادا رەسەي ۋكراينانىڭ 12 ايماعى مەن كيەۆ قالاسىن راكەتامەن اتقىلاعان. ۋكراينا قارۋلى كٷشتەرٸ باليدە "ٷلكەن جيىرمالىق" سامميتٸ ٶتٸپ جاتقان تۇستا رەسەي راكەتامەن شابۋىل جاساۋى مٷمكٸن دەگەن ەدٸ. كەشكٸسٸن پولشاعا دا راكەتا قۇلاعانى بەلگٸلٸ بولعان.
اقش پرەزيدەنتٸ دجو بايدەن دە "پولشاعا تٷسكەن راكەتانى رەسەي اتۋى ەكٸتالاي" دەگەن. ال Associated Press اگەنتتٸگٸ پشەۆودۋۆ اۋىلىنا تٷسكەن راكەتا ۋكراينانىڭ زىمىراننان قورعاۋ جٷيەسٸنەن جٸبەرٸلۋٸ مٷمكٸن دەپ جازعان.
ال رەسەي قورعانىس مينيسترلٸگٸنٸڭ ٶكٸلٸ يگور كوناشەنكوۆ رەسەيلٸك ماماندار پولشادا راكەتا قۇلاعان جەردٸڭ فوتوسىن تەكسەرە كەلە, راكەتا ۋكراينالىق ەسكەريلەرگە تيەسٸلٸ ەكەنٸن انىقتادى دەگەن.
