كەشە پرەمەر-مينيستر اسقار مامين ٶتكٸزگەن قازاق تٸلٸ ەلٸپبيٸن لاتىن گرافيكاسىنا كٶشٸرۋ جٶنٸندەگٸ ۇلتتىق كوميسسييا وتىرىسىندا جەتٸلدٸرٸلگەن جاڭا لاتىن ەلٸپبيٸ نۇسقاسى تانىستىرىلدى. وسىعان بايلانىستى فيلولوگييا عىلىمدارىنىڭ كانديداتى, ورفوگرافييالىق جۇمىس توبىنىڭ مٷشەسٸ گٷلفار مامىربەك «بٸر دىبىس – بٸر تاڭبا» پرينتسيپٸنە بايلانىستى پٸكٸرٸن بٸلدٸردٸ.
ەلٸپبيدە «بٸر دىبىس – بٸر تاڭبا» پرينتسيپٸ نەگٸزگە الىنعان. بۇل عىلىمي پرينتسيپ جالپى تٷركٸ تٸلدەرٸنٸڭ, ونىڭ ٸشٸندە قازاق تٸلٸنٸڭ تابيعاتىنان شىققان. ەلٸپبي تٷزۋدە بۇل پرينتسيپ قاتاڭ ساقتالۋى كەرەك. سوندىقتان تٷركٸ تٸلدەرٸنٸڭ ەلٸپبيلەرٸندە وسى پرينتسيپ مەيلٸنشە ساقتالادى. ەگەر ول پرينتسيپ ساقتالماسا, وندا جازۋ جٷيەسٸ مەن دەستٷرٸنە ايتارلىقتاي نۇقسان كەلەدٸ.
وسى پرينتسيپتٸ ساقتاۋ ٷشٸن قازاق ەلٸپبيٸن تٷزۋدە ديگرافتار, تريگرافتار قولدانىلمايدى. ەكٸ, ٷش نەمەسە ودان دا كٶپ تاڭبالار ارقىلى بٸر دىبىستى بەرۋ نەگٸزٸنەن رومان, گەرمان تٸلدەرٸنە تەن. سوندىقتان اعىلشىن, فرانتسۋز ت.ب. تٸلدەر ٷشٸن بٸر دىبىستى بٸرنەشە تاڭبامەن بەرۋ - تابيعي پروتسەسس.
ەلٸپبي تۇجىرىمداماسى
ەلٸپبيدٸڭ بۇل جاڭا نۇسقاسىندا ونى دايىنداۋشىلار تەك عانا عىلىمي پرينتسيپتەرگە سٷيەندٸ. ەلٸپبيدٸڭ عىلىمي نەگٸزدٸلٸگٸ ونىڭ قازاق تٸلٸنٸڭ تٶل تابيعاتىن ساقتاۋعا دا, ەلٸپبي تٷزۋدٸڭ حالىقارالىق پرينتسيپتەرٸنە سٷيەنۋگە دە مٷمكٸندٸك بەردٸ. ەلٸپبي جاساۋداعى وسىنداي ۇستانىمنىڭ 3 ماڭىزدى جاعى بار.
بٸرٸنشٸدەن, بۇل ەلٸپبي قولدانىسقا ەنگەندە قازاق تٸلٸنٸڭ تابيعي بايلىعى مەن بەينەلٸلٸگٸ تولىق ساقتالادى. ەكٸنشٸدەن, ەلٸپبي حالىقارالىق تەجٸريبەلەرگە, ونىڭ ٸشٸندە حالىقارالىق فونەتيكالىق ەلٸپبيدٸڭ تاڭبالىق بازاسىنا قۇرىلعاندىقتان, ونىڭ ەلەمدەگٸ تانىمالدىلىعى جوعارى. سوندىقتان دا ەلٸپبيدٸڭ بۇل نۇسقاسى ەلەمنٸڭ ەلۋگە جۋىق مەملەكەتٸندە تۇراتىن قازاقتاردىڭ پايدالانۋىنا قولايلى بولادى. سونىڭ نەتيجەسٸندە, بۇل ەلٸپبيدٸ دٷنيەجٷزٸ قازاقتارىنىڭ ورتاق ەلٸپبيٸ دەۋگە نەگٸز بار. ٷشٸنشٸدەن, جەتٸلدٸرٸلگەن ەلٸپبي نۇسقاسى ٸت تەحنولوگييالارعا تولىق سەيكەس كەلەدٸ. ەلٸپبيگە الىنعان تاڭبالاردىڭ بارلىعى UNICODE جٷيەسٸندە قولدانىلادى.
