قر پرەمەر-مينيسترٸ ەليحان سمايىلوۆتىڭ تٶراعالىعىمەن ٶتكەن ٷكٸمەت وتىرىسىندا حالىقتى جۇمىسپەن قامتۋ شارالارى قارالدى. جيىندا ەڭبەك جەنە حالىقتى ەلەۋمەتتٸك قورعاۋ مينيسترٸ تامارا دٷيسەنوۆا, اقتٶبە وبلىسىنىڭ ەكٸمٸ وڭداسىن ورازالين جەنە قوستاناي وبلىسىنىڭ ەكٸمٸ ارحيمەد مۇحامبەتوۆ, سونداي-اق «ەۋرازييالىق توپ» جشس باسقارما تٶراعاسى سەرٸك شاحاجانوۆ جەنە سالىنىپ جاتقان «KamaTyresKZ» كەسٸپورنىنىڭ باسشىسى الەكساندر سمىشلياەۆ بايانداما جاسادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
دٷيسەنوۆانىڭ ايتۋىنشا, ۇلتتىق ەڭبەك نارىعىنا دەموگرافييالىق ٶزگەرٸستەر مەن ەلەمدٸك ەكونوميكانىڭ قۇبىلمالىلىعى ەسەر ەتتٸ. بۇل سالاداعى ەڭ ٷلكەن ٶزگەرٸس جاڭا جۇمىس كٷشٸنٸڭ پايدا بولۋىمەن بايلانىستى.
«2000 جىلداردان كەيٸن دٷنيەگە كەلگەن ۇرپاق ەسەيٸپ, جىل سايىن وسىنداي 300 مىڭنان استام جاس ازامات ەڭبەك نارىعىنا قوسىلادى. سونىڭ نەتيجەسٸندە جۇمىس كٷشٸنٸڭ جاڭا ساپالىق قۇرىلىمى قالىپتاسىپ جاتىر. بٷگٸندە جالپى جۇمىس كٷشٸنٸڭ 60%-ىن ميللەنيالدار مەن Z بۋىنى قۇرايدى. 2030 جىلعا قاراي بۇل كٶرسەتكٸش 80%-عا جەتەدٸ», — دەدٸ تامارا دٷيسەنوۆا.
وسى ٷردٸس, قازٸرگٸ كٷردەلٸ احۋال جەنە الداعى ىقتيمال سىن-قاتەرلەر جۇمىسپەن قامتۋ ساياساتىن قايتا قاراۋ قاجەتتٸگٸن كٶرسەتٸپ وتىر. وندا ازاماتتاردى جاي جۇمىسپەن قامتۋ ەمەس, ساپالى جۇمىس ورنىن بەرۋ ارقىلى حالىقتىڭ تابىسىن ارتتىرۋ باستى مٸندەت بولادى. قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ بۇل مٸندەتتٸ ورىنداۋ ٷشٸن قازٸر جٷزەگە اسىرىلىپ جاتقان ٸس-شارالارمەن قاتار, جاڭا باعىتتار بويىنشا جۇمىستى جانداندىرۋدى ۇسىنادى.
باستى مٸندەت – جاستاردى جۇمىسقا تارتۋ. وسى ماقساتتا ٸرٸ جەنە ورتا كەسٸپورىنداردا بوس جۇمىس ورىندارىنا ونلاين جەرمەڭكە ٶتكٸزۋ ارقىلى جاستاردى ەڭبەكپەن قامتۋ قولعا الىنادى.
بيىل مامىر ايىندا ERG كومپانييالار توبىمەن بٸرلەسٸپ, بٸلٸم بەرۋ ۇيىمدارىنىڭ تٷلەكتەرٸنە جەنە 35-كە دەيٸنگٸ جاستارعا ارنالعان ونلاين-جەرمەڭكە پيلوتتىق رەجيمدە ٶتكٸزٸلدٸ. كومپانييا 350 جۇمىس ورنىن ۇسىندى. بٸر اپتانىڭ ٸشٸندە جۇمىس بەرۋشٸنٸڭ تالاپتارىنا سەيكەس كەلەتٸن 159 جاس ٸرٸكتەۋدەن ٶتٸپ, جۇمىسقا قابىلداندى. ولاردىڭ اراسىندا ەلٸمٸزدٸڭ بارلىق ٶڭٸرٸنٸڭ ٶكٸلدەرٸ بار.
پيلوتتىق جوبانىڭ قورىتىندىسى بٸلٸم جەنە عىلىم, ۇلتتىق ەكونوميكا, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸكتەرٸنٸڭ, سونداي-اق تاۋ-كەن, مەتاللۋرگييا سالاسىنداعى كەسٸپورىنداردىڭ جەنە «سامۇرىق-قازىنا» اكتسيونەرلٸك قوعامىنىڭ ٶكٸلدەرٸمەن تالقىلاندى.
سونىڭ نەتيجەسٸندە بۇل كومپانييالارمەن ەلەكتروندىق ەڭبەك بيرجاسىنا 20 مىڭ بوس جۇمىس ورنىن ورنالاستىرۋ تۋرالى كەلٸسٸمگە قول جەتكٸزٸلدٸ. ونىڭ ٸشٸندە IT سالاسى مەن «اۋىل – ەل بەسٸگٸ» جوباسى دا بار.
بوس جۇمىس ورىنداردىڭ العاشقى ونلاين-جەرمەڭكەسٸ 24-30 ماۋسىم ارالىعىندا ٶتەدٸ. ول اي سايىن ۇيىمداستىرىلىپ, تٶمەندەگٸلەردٸ قامتيدى:
- كەسٸپورىن ورنالاسقان ايماق تۇرعىندارىنا عانا ەمەس, بارلىق قازاقستاندىقتارعا بٸردەي قولجەتٸمدٸ بولۋىن;
- جۇمىسقا قابىلداۋ پروتسەسٸنٸڭ اشىقتىعىن;
- جۇمىس ٸزدەۋشٸنٸڭ ماقساتتى تاڭداۋىن;
- جۇمىس بەرۋشٸلەردٸڭ ساپالى ٸرٸكتەۋ مٷمكٸندٸگٸ بولۋىن.
ۇلتتىق جوبالار اياسىندا جۇمىسقا ورنالاستىرۋ.
جەرگٸلٸكتٸ اتقارۋشى ورگانداردىڭ دەرەكتەرٸ بويىنشا, بيىل ۇلتتىق جوبالار اياسىندا 269 مىڭنان استام جاڭا جۇمىس ورنى اشىلماق.
بٷگٸندە ەلەكتروندىق ەڭبەك بيرجاسىنا 691 كەسٸپورىن 1 مىڭ ينۆەستيتسييالىق جوبادا اشىلاتىن 13 609 جۇمىس ورنى ۇسىنىلىپ وتىر. وندا تەك بٸلٸكتٸلٸك تالاپتارى عانا ەمەس, سونىمەن بٸرگە تٶلەنەتٸن ەڭبەكاقى مٶلشەرٸ جەنە جۇمىس ورنىنىڭ سيپاتتاماسى دا بەرٸلگەن.
قازٸرگٸ ۋاقىتتا بوس جۇمىس ورىندارىنا ٶتٸنٸش بەرگەندەردٸڭ سانى 5 مىڭنان استى, ونىڭ ٸشٸندە 1 مىڭ ادام جۇمىسقا ورنالاستىرىلدى. جوبالاردىڭ جەنە ونداعى بوس جۇمىس ورىندارىنىڭ تٸزٸمٸ اتالعان جوبالاردىڭ ەزٸر بولۋىنا قاراي الداعى ۋاقىتتا تولىقتىرىلىپ وتىرادى.
«جالپى جۇمىسقا تارتۋ ٸسٸن ەلەكتروندى بيرجا اياسىندا جٷرگٸزۋدٸ قولدايمىز. ونىڭ اشىقتىعى جەنە قولجەتٸمدٸلٸگٸ جۇمىسپەن قامتۋ مەسەلەلەرٸنٸڭ جاڭا مەدەنيەتٸن قالىپتاستىرۋدى جەنە مەملەكەت قولعا الىپ جاتقان باستامالاردان حالقىمىزدى تولىق حاباردار ەتۋ مٷمكٸندٸگٸن قامتاماسىز ەتەدٸ», — دەدٸ مينيستر.
جۇمىسپەن قامتۋداعى ماڭىزدى باعىتتاردىڭ بٸرٸ – پلاتفورما ارقىلى جۇمىسپەن قامتۋدى مويىنداپ, زاڭداستىرۋ. پاندەمييا كەزٸندەگٸ شەكتەۋ شارالارى جەر جٷزٸندە جۇمىسپەن قامتۋدىڭ زامان تالابىنا بەيٸم تەسٸلدەرٸن قولدانۋعا تىڭ سەرپٸن بەردٸ. بۇل ٷردٸستەن قازاقستان دا شەت قالعان جوق.
تسيفرلاندىرۋ مەن جاڭا تەحنولوگييالار دا ەل ەكونوميكاسىنا ەسەرٸن تيگٸزەدٸ. سوڭعى جىلدارى ناقتى سەكتورعا قاراعاندا, قىزمەت كٶرسەتۋ سالاسىندا جۇمىسپەن قامتىلعانداردىڭ سانى ارتقان.
ساراپتامالىق مەلٸمەتتەرگە جٷگٸنسەك, قازاقستاندا شامامەن 500 مىڭ ادام پلاتفورما ارقىلى جۇمىسپەن قامتىلعان. ياعني, ازاماتتار ياندەكس, ۋبەر, ۆولت جەنە گلوۆو سيياقتى تٷرلٸ ونلاين-پلاتفورمالار ارقىلى جۇمىس ٸستەيدٸ. مۇنداي جۇمىس فورماتى تۇرعىندارعا ىڭعايلى ەكەنٸ سٶزسٸز. الايدا ونىڭ باستى كەمشٸلٸگٸ – جۇمىسپەن قامتىلعاندار ٷشٸن ەلەۋمەتتٸك كەپٸلدٸكتٸڭ جوقتىعى.
بٸر سٶزبەن ايتقاندا, ونداي ازامات جۇمىسسىز قالسا نەمەسە جٷكتٸلٸگٸنە جەنە بالالى بولۋىنا بايلانىستى جۇمىسىن توقتاتسا, مەملەكەتتٸك ەلەۋمەتتٸك ساقتاندىرۋ قورىنان قاجەتتٸ ەلەۋمەتتٸك تٶلەم الا المايدى.
بٷگٸنگٸ تاڭدا 300 مىڭنان استام انا وسى قوردان جٷكتٸلٸك كەزٸندە بۇرىنعى ورتاشا جالاقىسىنىڭ 100%-ىن جەنە بالا كٷتٸمٸ كەزەڭٸندە جالاقىسىنىڭ 40%-ىن الىپ وتىر. بۇدان باسقا 105 مىڭ جۇمىسسىز ادامعا 6 اي بويى جالاقىسىنىڭ شامامەن 40%-ى تٶلەنەدٸ. سوڭعى جىلدارى بۇل تٶلەمدەردٸڭ مٶلشەرٸن ەدەۋٸر ۇلعايتۋ مەسەلەسٸ قارالىپ جاتىر.
وسىعان بايلانىستى ەڭبەك جەنە حالىقتى ەلەۋمەتتٸك قورعاۋ مينسيترلٸگٸ بۇل ازاماتتاردى ەلەۋمەتتٸك قامسىزداندىرۋ جٷيەسٸنە تارتۋ ٷشٸن, ونلاين پلاتفورمالاردىڭ نەگٸزگٸ وپەراتورلارىمەن كەزدەسۋلەر ٶتكٸزدٸ. ولارمەن بٸرگە بيىل 1 شٸلدەدەن باستاپ قامتۋ سحەمالارىن پيلوتتىق رەجيمدە جٷرگٸزۋ تۋرالى شەشٸم قابىلداندى. جۇمىستىڭ نەتيجەسٸ جىل سوڭىنا قاراي ۇسىنىلادى.
«پلاتفورمالىق جۇمىسپەن قامتۋدى تانىپ, زاڭداستىرىپ, قولايلى رەجيمدٸ ساقتاي وتىرىپ, بٸز ازاماتتاردىڭ ەڭبەك جەنە ەلەۋمەتتٸك قۇقىقتارىن قورعاۋعا تىرىسامىز», — دەدٸ ت. دٷيسەنوۆا.
ازاماتتاردىڭ جەكەلەگەن ساناتتارىن جۇمىسقا ورنالاستىرۋ جەنە ٶز ٸسٸن اشۋعا مەملەكەتتٸك قولداۋ كٶرسەتۋ.
ونىڭ ٸشٸندە:
- ماقساتتى توپتارعا تيٸمدٸ جەنە تۇراقتى جۇمىس ورنىن اشاتىن مەكەمەلەرگە سۋبسيدييا بٶلۋ. بيىل وسىنداي 100 مىڭ جۇمىس ورنى جوسپارلانىپ, وعان بيۋدجەتتەن 77 ملرد تەڭگە بٶلٸندٸ. جەرگٸلٸكتٸ اتقارۋشى ورگانداردىڭ دەرەكتەرٸ بويىنشا, بٷگٸنگە دەيٸن 84,4 مىڭ ازامات وسىنداي جۇمىسقا تارتىلدى;
- حالىقتىڭ ەلەۋمەتتٸك وسال توپتارى مەن جاستاردىڭ كەسٸپكەرلٸك باستامالارىن قولداۋ. وسىنداي 20 مىڭ گرانتتى قارجىلاندىرۋعا بيۋدجەتتەن 25,8 ميلليارد تەڭگە كٶزدەلگەن. قازٸرگٸ كەزدە 1 مىڭ 400-دەن استام ازامات گرانت يەگەرٸ اتاندى.
- مەملەكەت تەحنولوگييالاردىڭ دامۋ قارقىنىن ەسكەرە وتىرىپ, جۇمىس كٷشٸنٸڭ بٸلٸكتٸلٸگٸ مەن ماشىعىن ٷنەمٸ جەتٸلدٸرۋ كەرەكتٸگٸنە نازار اۋدارادى. جۇمىس بەرۋشٸلەردٸڭ تالابىنا سەيكەس, بيىل 36 مىڭ ادامدى وقىتۋ جەنە قايتا دايارلىقتان ٶتكٸزۋ جوسپارلانعان. قازٸردٸڭ ٶزٸندە 9 مىڭنان استام ازامات بۇل مٷمكٸندٸكتٸ پايدالانىپ ٷلگەردٸ.
- بوس جۇمىس ورىندارىنا جولداما ۇسىنۋ. بۇل شارا ەلەكتروندىق ەڭبەك بيرجاسى نەگٸزٸندە جٷزەگە اسىرىلادى. بيىل شەك 350 مىڭ دەڭگەيٸندە بەلگٸلەندٸ, ونىڭ ٸشٸندە 91 مىڭ ادام جۇمىسقا ورنالاستى.
جالپى جوعارىدا اتاپ ٶتٸلگەن مەملەكەتتٸك قولداۋ شارالارى اياسىندا بيىل 500 مىڭنان اسا ادامدى جۇمىسپەن قامتۋ كٶزدەلگەن.
بۇل شارالار تيٸمدٸ جٷزەگە اسىرىلۋى ٷشٸن ورتالىق مەملەكەتتٸك جەنە جەرگٸلٸكتٸ اتقارۋشى ورگاندار بەلسەندٸ جۇمىس ٸستەۋٸ كەرەك. مينيسترلٸكتە قۇزىرلى ورگاندار ٶزارا جەنە جۇمىس بەرۋشٸلەرمەن, سونداي-اق جۇمىس ٸزدەۋشٸلەرمەن تىعىز قارىم-قاتىناس ورناتۋعا باسا مەن بەرۋٸ تيٸس دەپ سانايدى.
قوستاناي وبلىسىندا جۇمىس ورىندارىن اشۋ ٶڭٸرلٸك كارتاسى بەكٸتٸلدٸ, وعان سەيكەس ۇلتتىق جوبالار اياسىندا 2022-2025 جىلدارى ارالىعىندا 32 مىڭعا جۋىق جۇمىس ورنىن اشۋ جوسپارلانىپ وتىر, ونىڭ ٸشٸندە 10 مىڭنان استامى – تۇراقتى جۇمىس ورىندارى. بۇل تۋرالى ٶڭٸر باسشىسى ارحيمەد مۇحامبەتوۆ مەلٸمدەدٸ.
«وبلىستىڭ ٶزٸن-ٶزٸ جۇمىسپەن قامتىعان جەنە جۇمىسسىز تۇرعىندارى جۇمىسپەن قامتىلاتىن بولادى. سونىڭ ٸشٸندە جاستاردىڭ جۇمىسپەن قامتىلۋىنا باسا نازار اۋدارىلادى», — دەدٸ وبلىس ەكٸمٸ.
بيىل ۇلتتىق جوبالار اياسىندا 3 210 جۇمىس ورنىن اشا وتىرىپ, ٶنەركەسٸپ نىساندارىن, ەلەۋمەتتٸك ينفراقۇرىلىمدى, تۇرعىن ٷيلەر, تۇرعىن ٷي-كوممۋنالدىق شارۋاشىلىق جەنە كٶلٸك ينفراقۇرىلىمى وبەكتٸلەرٸن سالۋ, قايتا جاڭعىرتۋ, جٶندەۋ بويىنشا 295 جوبانى ٸسكە اسىرۋ كٶزدەلگەن.
مەسەلەن, «قازاقستاندىقتاردىڭ ەل-اۋقاتىن ارتتىرۋعا باعىتتالعان ورنىقتى ەكونوميكالىق ٶسۋ» بٸر عانا ۇلتتىق جوباسى اياسىندا سوماسى 200 ملرد تەڭگەدەن استام 9 ينۆەستيتسييالىق جوبا ٸسكە اسىرىلىپ جاتىر. وسى جوبالاردىڭ ارقاسىندا ٶندٸرٸستٸ تولىق ٸسكە قوسۋدى ەسكەرە وتىرىپ, شامامەن 2,1 مىڭ جۇمىس ورنى اشىلماق, ونىڭ ٸشٸندە بيىل 344 جۇمىس ورنىن اشۋ جوسپاردا بار. قازٸرگٸ ۋاقىتتا 111 جۇمىس ورنى اشىلدى.
مىسالى, «KamLit KZ» جشس جالپى قۇنى 160 ملرد تەڭگەدەن اساتىن جٷك تەحنيكاسىنا ارنالعان اۆتوكومپونەنتتەر ٶندٸرٸسٸ بويىنشا ەكٸ زاۋىتتىڭ قۇرىلىسىن جٷرگٸزٸپ جاتىر, وندا 2024 جىلدىڭ سوڭىنا تامان 700-دەن استام جۇمىس ورنىن اشۋ جوسپارلانىپ وتىر.
جىلۋ جەلٸلەرٸن, سۋمەن جابدىقتاۋ جٷيەلەرٸن قايتا جاڭعىرتۋ جىلۋ بەرۋ ماۋسىمىن تۇراقتى ٶتكٸزۋ ٷشٸن جىلۋ شىعىندارىن, جىلۋمەن جابدىقتاۋ جەلٸلەرٸندەگٸ اپاتتىلىقتى ازايتۋعا, وبلىستىڭ 66 اۋىلىنىڭ تۇرعىندارىن ساپالى اۋىز سۋمەن قامتاماسىز ەتۋگە مٷمكٸندٸك بەرەدٸ.
تۇرعىن ٷي قۇرىلىسى جٶنٸندەگٸ جوبالاردى ٸسكە اسىرۋ كەزٸندە 5 مىڭ ادام ٷشٸن شامامەن 85 مىڭ شارشى مەتر ەلەۋمەتتٸك تۇرعىن ٷي پايدالانۋعا بەرٸلەدٸ.
سونداي-اق جەرگٸلٸكتٸ ماڭىزى بار 314 كم اۆتوجولدى جەنە ەلدٸ مەكەندەردٸڭ 224 ۋچاسكەسٸن جٶندەۋ جوسپارلانىپ وتىر, بۇل كٶلٸكتٸڭ ٷزدٸكسٸز قوزعالىسىن قامتاماسىز ەتەدٸ, جولداعى قاۋٸپسٸزدٸك دەڭگەيٸن ارتتىرادى.
جالپى ۇلتتىق جوبالاردى ٸسكە اسىرۋ بيىل شامامەن 7 مىڭ ادامدى, ونىڭ ٸشٸندە ينفراقۇرىلىمدىق جوبالاردى ٸسكە اسىرۋ كەزٸندە 3 210 ادامدى جۇمىسپەن قامتۋعا مٷمكٸندٸك بەرەدٸ.
ٸس جٷزٸندە وسى جىلدىڭ 5 ايىندا ۇلتتىق جوبالار اياسىندا اشىلعان جۇمىس ورىندارىنا 2 905 ادام, ونىڭ ٸشٸندە ينفراقۇرىلىمدىق جوبالارعا 452 ادام, سۋبسيدييالاناتىن جۇمىس ورىندارىنا 2 453 ادام ورنالاستىرىلدى.
«جالپى وبلىستا قازٸرگٸ ۋاقىتتا 11 مىڭ ادامدى جۇمىسپەن قامتۋعا كٶمەك كٶرسەتٸلدٸ, ونىڭ ٸشٸندە 3 مىڭ جاس ازامات تۇراقتى جەنە ۋاقىتشا جۇمىس ورىندارىنا ورنالاستىرىلدى, كەسٸپتٸك وقىتۋعا جٸبەرٸلدٸ جەنە جاڭا بيزنەس-يدەيالاردى ٸسكە اسىرۋعا ارنالعان گرانتتار الدى», — دەدٸ ا. مۇحامبەتوۆ.
جاستاردى جۇمىسپەن قامتۋ بويىنشا قابىلدانىپ جاتقان شارالاردىڭ نەتيجەسٸندە وسى جىلدىڭ بٸرٸنشٸ توقسانىندا جاستار جۇمىسسىزدىعىنىڭ دەڭگەيٸ 2021 جىلدىڭ ۇقساس كەزەڭٸمەن سالىستىرعاندا 0,4 پايىزدىق تارماققا تٶمەندەپ, 2,8%-دى قۇرادى.
ەلەكتروندىق ەڭبەك بيرجاسىندا 175 جوبا بويىنشا 1 866 بوس جۇمىس ورنى تۋرالى مەلٸمەتتەر ورنالاستىرىلعان. 30 جوبادا كونكۋرستىق رەسٸمدەر جٷرگٸزٸلٸپ جاتىر, مەردٸگەرلەر ايقىندالماعان. مەلٸمدەلگەن بوس جۇمىس ورىندارىنا 71 ادام ورنالاستىرىلدى.
ەلەكتروندىق ەڭبەك بيرجاسىندا جۇمىس بەرۋشٸلەردٸڭ بوس جۇمىس ورىندارىن ورنالاستىرۋ جۇمىستارى جالعاسىپ كەلەدٸ.
بارلىق مەردٸگەر ۇيىمدارمەن ەلەكتروندىق ەڭبەك بيرجاسىنا بوس جۇمىس ورىندارى تۋرالى مەلٸمەتتەردٸ ورنالاستىرۋ كەرەكتٸگٸ تۋرالى تٷسٸندٸرۋ جۇمىستارى جٷرگٸزٸلدٸ. جۇمىسپەن قامتۋ قىزمەتٸنٸڭ ماماندارى كونسۋلتاتسييالىق جەنە پراكتيكالىق كٶمەك كٶرسەتٸپ جاتىر.
ۇلتتىق جوبالاردى ٸسكە اسىرۋ ايتارلىقتاي ەلەۋمەتتٸك-ەكونوميكالىق تيٸمدٸلٸككە قول جەتكٸزۋگە مٷمكٸندٸك بەرەدٸ.
«ERG» جشس باسقارما تٶراعاسى سەرٸك شاحاجانوۆتىڭ مەلٸمدەۋٸنشە, قازاقستاندا ٶنەركەسٸپتە ەڭبەك ەتٸپ جٷرگەندەردٸڭ 27%-ى تاۋ-كەن مەتاللۋرگييا سالاسىندا جۇمىس ٸستەيدٸ. وسىعان وراي, مەملەكەت باسشىسى ٸرٸ بيزنەس ٶكٸلدەرٸن كادرلىق ەلەۋەتتٸ قالىپتاستىرۋعا بەلسەنە قاتىسۋعا شاقىردى.
ERG-دٸڭ قازاقستانداعى كەسٸپورىندارى 5 ٶڭٸردە ورنالاسقان. ەۋرازييالىق توپ – سالاداعى ٷزدٸك ٷش جۇمىس بەرۋشٸنٸڭ بٸرٸ. سوندىقتان كادرلىق ەلەۋەتتٸ ارتتىرۋ مەن جاستاردى ٶندٸرٸستەگٸ ماماندىقتارعا باعدارلاۋ كومپانييا ٷشٸن ەردايىم باسىم باعىت بولىپ كەلدٸ.
«بٸز تەحنيكالىق مامانداردى مەكتەپ قابىرعاسىنان باستاپ دامىتۋعا تىرىسامىز», — دەدٸ ەۋرازييالىق توپتىڭ جەتەكشٸسٸ.
كومپانييانىڭ اقتٶبە, قوستاناي جەنە پاۆلودار وبلىستارىنداعى ەلەۋمەتتٸك ساياساتى اياسىندا ٸسكە اسىرىلىپ جاتقان «ERG mektepke» باستاماسى جاقسى نەتيجەلەر بەردٸ. جوبا ٶڭٸرلەردەگٸ 300 مەكتەپتە جاڭا بٸلٸم بەرۋ ورتاسىن قۇرۋعا باعىتتالعان.
جوو جەنە تجكب-مەن جۇمىس بويىنشا 50-دەن استام مەموراندۋمعا قول قويىلدى. 2021 جىلى 2 مىڭنان استام ستۋدەنت كەسٸپورىنداردا پراكتيكادان ٶتتٸ, 500-دەن استام تٷلەك جۇمىسقا ورنالاستى.
بٸراق ERG ارى قاراي جىلجىپ, كادرلاردى ستراتەگييالىق تۇرعىدان دايىنداۋعا كٸرٸسۋدٸ ۇيعاردى. بٷگٸن BTS Education كومپانيياسىمەن, ەكٸمدٸكتەرمەن, پاۆلودار, قوستاناي جەنە اقتٶبە وبلىستارىنىڭ وقۋ ورىندارى مەن ٶنەركەسٸپ كەسٸپورىندارىمەن بٸرلەسٸپ «كوللەدجدەرگە ارنالعان ERG» جوباسى ٸسكە اسىرىلىپ جاتىر. جاڭا كەسٸپتەر اتلاسى نەگٸزٸندە ٶڭٸردٸڭ 40 پەرسپەكتيۆالىق كەسٸبٸنٸڭ كارتاسى ەزٸرلەندٸ. قازٸردٸڭ ٶزٸندە 805 ستۋدەنت جوبامەن قامتىلعان, 2023 جىلدىڭ سوڭىنا دەيٸن قامتۋدى 3 000 ادامعا دەيٸن ۇلعايتۋ جوسپاردا بار.
2021 جىلدان باستاپ كەسٸپتٸك بٸلٸمٸ جوق ٷمٸتكەرلەر ERG بٸرىڭعاي وقۋ ورتالىعىنىڭ بازاسىندا 700-دەن استام ارنايى وقۋ باعدارلاماسى بويىنشا بٸلٸم الىپ, جاڭا كەسٸپ مەڭگەرەدٸ نەمەسە ەكٸنشٸ ماماندىق الادى.
2022 جىلعى ماۋسىمنان باستاپ «Enbek.kz» ەلەكتروندىق ەڭبەك بيرجاسىندا كەز كەلگەن ادام ERG-دەن جۇمىس تابا الادى. بٷگٸنگٸ تاڭدا 159 جاس مامان توپتىڭ كەسٸپورىندارىنا جۇمىسقا تۇردى.
بٷگٸنگٸ تاڭدا ERG بويىنشا 1000-عا جۋىق بوس جۇمىس ورنى بار, ونىڭ ٸشٸندە توكارلار, ەلەكتر سلەسارلار, ەلەكتر گازبەن دەنەكەرلەۋشٸلەر, قۇيۋشىلار, جارۋشىلار جەنە ت. ب. اسا تاپشى ماماندىقتار بار. ٸرٸ ستراتەگييالىق جوبالاردىڭ ٸسكە اسىرىلۋىن ەسكەرە وتىرىپ, 2023 جىلدىڭ سوڭىنا دەيٸن قوسىمشا شامامەن 1 000 جۇمىس ورنىن قۇرۋ جوسپاردا بار.
مەملەكەت باسشىسىنىڭ تاپسىرماسىنا سەيكەس, ۇلتتىق جوبالار اياسىندا اقتٶبە وبلىسىندا ٶڭٸرلٸك جۇمىسپەن قامتۋ كارتاسى قالىپتاسىپ, 272 جوبادا 9 222 جۇمىس ورنىن قۇرۋ جوسپارلانعان.
وبلىس ەكٸمٸ وڭداسىن ورازاليننٸڭ ايتۋىنشا, ۇلتتىق جوبالار اياسىندا ەلەۋمەتتٸك سالادا جاڭا نىساندار بوي كٶتەرٸپ, ٶندٸرٸستەر كەڭەيٸپ, قارقىندى ينۆەستيتسييالار تارتۋ ەسەبٸنەن ەكونوميكانى دامىتۋ, كەسٸپكەرلٸكتٸ قولداۋ ارقىلى ٶڭٸردٸڭ دامۋىنا تىڭ سەرپٸلٸس بەرە وتىرىپ, حالىقتىڭ تۇرمىس-تٸرشٸلٸگٸن جاقسارتۋ مەن تابىسىن ارتتىرۋعا مول مٷمكٸندٸك بەرٸلەدٸ.
ٶڭٸردە ۇلتتىق جوبالار اياسىندا:
- اۆتوموبيل جولدارى سالاسىندا جالپى ۇزىندىعى 600 كم جۋىق وبلىستىق جەنە اۋداندىق ماڭىزى بار اۆتوجولدار جٶندەلەدٸ;
- قۇرىلىس سالاسىندا 17 تۇرعىن ٷي مەن جاتاقحانا سالىنىپ, 11 ەلدٸ مەكەن اۋىز سۋمەن قامتاماسىز ەتٸلەدٸ, 9 ەلدٸ مەكەندە گازداندىرۋ جۇمىستارى جٷرگٸزٸلمەك;
سونىمەن قاتار 8 تۇرعىن ٷي الابى ەلەكتر جەلٸسٸمەن قامتاماسىز ەتٸلەدٸ;
- بٸلٸم سالاسىندا 26 نىسان كٷردەلٸ جٶندەۋدەن ٶتكٸزٸلسە, 7 بٸلٸم ورداسى بوي كٶتەرٸپ, ٷش اۋىسىممەن وقىتۋ جەنە ورىن تاپشىلىعى مەسەلەسٸ شەشٸلەدٸ;
- دەنساۋلىق ساقتاۋ سالاسىندا 16 مەديتسينالىق نىسان ٸسكە قوسىلادى;
- مەدەنيەت سالاسىندا 7 مەدەنيەت وشاعى ەل يگٸلٸگٸنە پايدالانۋعا بەرٸلەدٸ;
ال ٶندٸرٸس پەن اۋىلشارۋاشىلىق سالاسىندا 50-گە جۋىق تٷرلٸ ينۆەستيتسييالىق جوبالار جٷزەگە اسىرىلادى. تيٸستٸ قاراجات بٶلٸنەدٸ. اتالعان جوبالاردى جٷزەگە اسىرۋ ٷشٸن جۇمىس بەرۋشٸلەرگە تٷرلٸ كەسٸبي دەڭگەيدەگٸ كادرلار قاجەت.
«بۇل باعىتتا “ەلەكتروندىق ەڭبەك بيرجاسى” پورتالى جۇمىس بەرۋشٸلەرگە كادرلاردى ٸزدەۋ مەن ٸرٸكتەۋگە كٶمەكتەسەدٸ, ال جۇمىس ٸزدەۋشٸلەرگە بوس جۇمىس ورىندارىن ٸزدەۋدە اشىقتىق پەن قولجەتٸمدٸلٸكتٸ قامتاماسىز ەتٸپ, تيٸمدٸ ەرٸ جىلدام جۇمىسقا ورنالاسۋعا قولايلى جاعداي تۋعىزادى», — دەدٸ اقتٶبە وبلىسىنىڭ ەكٸمٸ.
مەردٸگەرلەر تاراپىنان «ەلەكتروندىق ەڭبەك بيرجاسى» پلاتفورماسىنا بوس جۇمىس ورىندارىن ەنگٸزۋ بويىنشا جۇمىستار بيىلعى مامىر ايىندا باستالعانىنا قاراماستان, قازٸرگە دەيٸن 91 جوبا بويىنشا 1 202 بوس جۇمىس ورنى جارييالانىپ, 91 ادام جۇمىسپەن قامتىلدى. ٶز كەزەگٸندە, بۇل جۇمىس بەرۋشٸ مەردٸگەر كومپانييالار ٷشٸن دە, جۇمىس ٸزدەۋشٸ ازاماتتار ٷشٸن دە قالاعان ماماندىقتار بويىنشا جۇمىسقا ورنالاسۋدا قولايلى ەلەكتروندىق پلاتفورماعا اينالىپ وتىر.
سونىمەن قاتار «2021-2025 جىلدارعا ارنالعان كەسٸپكەرلٸكتٸ دامىتۋ جٶنٸندەگٸ ۇلتتىق جوبا» اياسىندا 53 مىڭنان استام جۇمىسسىز ازاماتتى جۇمىسپەن قامتۋ جوسپارلانسا, بٷگٸندە 4 مىڭ ادام نەمەسە 26,5% جۇمىسقا تۇرعىزىلدى.
ٶڭٸر ەكٸمٸ ەڭبەك نارىعىندا جاستاردى قولداۋعا جەنە ولاردىڭ بەسەكەگە قابٸلەتتٸلٸگٸن ارتتىرۋدا «العاشقى جۇمىس ورنى», «ۇرپاقتار كەلٸسٸمشارتى» جوبالارىنىڭ تيٸمدٸلٸگٸ زور ەكەنٸن اتاپ ٶتتٸ. بىلتىر اتالعان جوبالار اياسىندا 176 جاس جۇمىسقا تارتىلسا, وسى جىلى 300-ەگ جۋىق جاستى جۇمىسقا ورنالاستىرۋ كٶزدەلگەن.
حالىقتى جۇمىسپەن قامتۋدىڭ تاعى بٸر تيٸمدٸ تەتٸگٸ – قايتارىمسىز گرانت بەرۋ.
«وبلىستا 500-گە جۋىق جاسقا جەنە 1 مىڭنان استام ەلەۋمەتتٸك وسال توپتاعى ازاماتتارعا مەملەكەتتٸك گرانت بەرۋ جوسپارلانىپ, ٸسكە اسىرىلىپ جاتىر. بۇل, ٶز كەزەگٸندە, ەلەۋمەتتٸك وسال توپتاعى ازاماتتاردىڭ ٶز ٸسٸن اشۋعا جەنە جاستاردىڭ كەسٸپكەرلٸك باستامالارىن قولداۋعا باعىتتالعان يگٸ شارالار بولىپ وتىر», — دەدٸ وڭداسىن ورازالين.
وسىنىڭ ارقاسىندا مەملەكەتتٸك قولداۋلار اياسىندا كٶپ بالالى انالار مەن مٷمكٸندٸگٸ شەكتەۋلٸ بالا تەربيەلەپ وتىرعان وتباسىلار ٷيدە وتىرىپ جۇمىس جاساۋ مٷمكٸندٸگٸنە يە بولدى.
اقتٶبە وبلىسىنىڭ باسشىسى وڭداسىن ورازالين ۇلتتىق جوبالار اياسىندا جوسپارلانعان جۇمىس ورىندارىن قۇرۋ مەن حالىقتى جۇمىسپەن قامتۋ مەسەلەلەرٸ تۇراقتى باقىلاۋدا بولاتىنىن اتاپ ٶتتٸ.
