سۇراپىل سوعىس جىلدارىندا رەيحستاگقا جەڭٸس تۋىن تٸككەن راقىمجان قوشقارباەۆتىڭ ەرلٸگٸ كٶپ جىلدار بويى ەلەنبەي كەلگەنٸ, تەك تەۋەلسٸزدٸك العاننان كەيٸن عانا قازاقستاننىڭ حالىق قاھارمانى اتاعى بەرٸلگەنٸ مەلٸم. باتىردىڭ ەرلٸگٸ جىلدار بويى رەسمي مەسكەۋ تاراپىنان كٶپە-كٶرنەۋ ەسكەرٸلمەدٸ.
ٶزگە ۇلت ٶكٸلٸ بولعاندىقتان كەمسٸتۋشٸلٸككە ۇشىراپ, ەرلٸگٸ جوققا شىعارىلىپ كەلدٸ. ەيتسە دە راقىمجان قوشقارباەۆتىڭ دوس-جاراندارى, مايدانداس باۋىرلارى مەن تٸلەگٸ بٸر زامانداستارى 30 سەۋٸردٸ ونىڭ تاعدىرىنداعى ەڭ ەرەكشە كٷن دەپ ەسەپتەپ, وعان قوڭىراۋ شالا قۇتتىقتاپ, تٸپتٸ ەكٸنشٸ رەت دٷنيەگە كەلگەن كٷنٸ رەتٸندە اتاپ ٶتۋدٸ بٸرازعا دەيٸن دەستٷرگە اينالدىرسا كەرەك. ٶيتكەنٸ بۇل كٷن – قوشقارباەۆتىڭ رەيحستاگقا تۋ تٸككەن كٷنٸ بولاتىن.
راقىمجان قوشقارباەۆ اقمولا وبلىسىنىڭ تسەلينوگراد اۋدانىندا تۋعان. 1942 جىلى ەسكەرگە الىنعان. دەرەكتەرگە قاراعاندا, 1944 جىلى قازان ايىنان باستاپ 1-بەلارۋس مايدانىنداعى يدريتسك اتقىشتار ديۆيزيياسى قۇرامىندا 150-شٸ ۆزۆود باسقارىپ, پولشا جەنە گەرمانييا جەرلەرٸندەگٸ ۇرىستارعا قاتىسقان. 1945 جىلى 30 سەۋٸردە لەيتەنانت راقىمجان قوشقارباەۆ جاۋىنگەر گريگوريي بۋلاتوۆ ەكەۋٸ سوۆەت ەسكەرٸ اراسىنان بەرليندەگٸ رەيحستاگقا بٸرٸنشٸ بولىپ جەڭٸس تۋىن تٸكتٸ.
ايتا كەتەرلٸگٸ, قازاق باتىرىنىڭ وسىناۋ ەرلٸگٸن العاش بولىپ ەلەمگە ەيگٸلەگەن مەملەكەت قايراتكەرٸ, جازۋشى كەكٸمجان قازىباەۆ ەدٸ. ول باۋىرجان مومىشۇلىنىڭ تاپسىرماسى بويىنشا راقىمجان قوشقارباەۆتىڭ ەرلٸگٸ لايىقتى باعاسىن الۋى ٷشٸن كٶپ ەڭبەكتەنٸپ, كٶپ ٸزدەندٸ. قازاق جاۋىنگەرٸنٸڭ دەل سول سەتتەگٸ ەرەكەتٸن دەلەلدەيتٸن جٷزدەن استام قۇجاتتى تاۋىپ, كٶتەرٸپ, شەتەلدٸك باسىلىمداردا دا جارييالانۋىنا تٷرتكٸ بولدى. باۋكەڭنٸڭ وسى تاپسىرماسى تۋرالى جازۋشى ٶزٸنٸڭ «نايزاعايداي جارقىلداپ» اتتى كٸتابىندا بىلاي دەپ ەسكە الادى:
« – مەن سەنٸ نەگە شاقىردىم?-دەدٸ.
– بٸلمەدٸم, بەۋكە!
– بٸلمەسەڭ, جاڭا وسىندا ماعان سەلەم بەرە بٸر جٸگٸت كەلدٸ. اتى – راحىمجان. فاميليياسى قوشقار ما, ٸسەك پە, ازبان با, ەيتەۋٸر قويدىڭ بٸر تٷرٸ, ونى ٶزٸڭ انىقتاپ العايسىڭ. مٸنە, سول جٸگٸت... مٸنە, سول جٸگٸت رەيحستاگقا تۋ تٸككەن. پونيماەش?! سەن ۇعىپ تۇرسىڭ با, ٶزٸڭ?-دەدٸ.
– ۇعىپ تۇرمىن, بەۋكە!
– ٶتٸرٸك ايتاسىڭ! ۇقساڭدار, نەگە جازبايسىڭدار? سوعىس بٸتكەلٸ ون ٷش جىل. انا راحىمجاندى كٶرمەي جٷرگەن نەعىلعان جۋرناليسسٸڭدەر?! جۋرناليستكە ديپلوم ەمەس, سەزٸم, جٷرەك, كٶرگٸش كٶز كەرەك. جوق, سول سەندەردە جوق. زناەش, تى كتو تاكوي راحىمجان? مەن دە ونى بٷگٸن بٸرٸنشٸ رەت كٶردٸم. بٸلەسٸڭ بە, كٸمنٸڭ سەلەم بەرە كەلگەنٸن? ەتو يستوريچەسكيي چەلوۆەك! مەن دە سوعىسقا قاتىستىم. ديۆيزييانى باسقاردىم. موسكۆا تٷبٸندەگٸ شايقاستى كٶردٸم. تٶرت جىل بويعى سۇراپىل سوعىستىڭ نەبٸر سۇمدىق قييامەتتەرٸ كٶز الدىمدا. بٸراق بەرليندٸ الارداعى, رەيحستاگقا تۋ تٸگەردەگٸ قىرعىن – ول ناعىز جويقىن قىرعىن! كاك ۆوين, كاك كوماندير يا پرەدستاۆليايۋ چتو ەتو تاكوە, ەتو بىلو نەۆەروياتنو! راحىمجان سول توزاقتىڭ ٸشٸندە بولعان, سول توزاقتان امان شىققان! جەڭٸس جالاۋىن تٸككەن. كٸم ٷشٸن?! مىنا سەنٸ مەن مەن ٷشٸن! بٷگٸنگٸ شولجاڭ قاعىپ تٸرٸ جٷرگەندەردٸڭ باقىتى ٷشٸن! سول بٸر توزاقتا ونىڭ ٶزٸنٸڭ تٸرٸ قالۋى ̶ ەتو چۋدو! جەڭٸس دەگەن باقىت ̶ سول اناۋ راحىمجان, راحىمجاندار! سەن ونى تاپ!».
كەكٸمجان قازىباەۆ باتىر باۋكەنٸڭ تاپسىرماسىن بۇلجىرتپاي, تٸپتٸ ارتىعىمەن ورىندادى. ەيتسە دە سول دەۋٸردٸڭ سولاقاي ساياساتى, سوۆەتتٸك رەجيمنٸڭ ٶزٸمشٸلدٸگٸ راقىمجان قوشقارباەۆتىڭ قاھارماندىعىن مويىنداۋعا مٸز باقپاعان ەدٸ.
تەك تەۋەلسٸزدٸك العاننان كەيٸن, 1999 جىلى مامىردىڭ 7-سٸندە پرەزيدەنت ن. نازارباەۆتىڭ جارلىعى بويىنشا راقىمجان قوشقارباەۆقا حالىق قاھارمانى اتاعى بەرٸلەدٸ.
ەسكە سالا كەتسەك, رەسەيدٸڭ ەسكەري تاريح ينستيتۋتى 1-ٸ بەلارۋس مايدانىنداعى 150-ٸ اتقىشتار ديۆيزيياسىنىڭ لەيتەنانتى راقىمجان قوشقارباەۆتىڭ جەنە گريگوريي بۋلاتوۆتىڭ 1945 جىلدىڭ 30 سەۋٸرٸندە رەيحستاگقا تۋ تٸككەنٸ تۋرالى تاريحي وقيعانى 2007 جىلدىڭ 7 مامىرىندا رەسمي تٷردە راستادى.
