بٷگٸن «Qazaqstan» ۇلتتىق تەلەارناسىنىڭ بٸرتۋار اقىن مۇقاعالي ماقاتاەۆتىڭ 90 جىلدىعىنا وراي تٷسٸرگەن «مۇقاعالي. بۇل عاسىردان ەمەسپٸن» تاريحي تەلەحيكاياسى ەفيرگە شىعادى, دەپ حابارلايدى "ۇلت اقپارات".
4 بٶلٸمدٸ تەلەحيكايا مۇقاعالي ماقاتاەۆتىڭ ٶمٸرٸنٸڭ سوڭعى جىلدارى - 1973 جىلدان 1976 جىلعا دەيٸنگٸ كەزەڭٸنە ارنالعان, ياعني وسى ۋاقىت ارالىعىندا اقىن ٶمٸرٸنە بەتبۇرىس ەكەلگەن ٸرٸ وقيعالار قامتىلادى. تۋىندىدا قالامگەر تاعدىرىنىڭ قيىن-قىستاۋ كەزەڭٸندە شىعارماشىلىعىن مويىنداپ, جانىنان تابىلعان ۇلت تۇلعالارى - باۋىرجان مومىشۇلى, اسقار سٷلەيمەنوۆ, توقاش بەرديياروۆ, نۇرعيسا تٸلەنديەۆ, فاريزا وڭعارسىنوۆانىڭ بەينەلەرٸ بار.
باستى رٶلدٸ بەلگٸلٸ اكتەر -ازامات ساتىبالدى, جارى لاشىن ەزٸمجانوۆانىڭ رٶلٸن - اقبوتا قايماقباەۆا, باۋىرجان مومىشۇلىن - باقىتجان ەلپەيٸس, نۇرعيسا تٸلەنديەۆتٸڭ رٶلٸن - باقىت بەدەلحان, اسقار سٷلەيمەنوۆتٸ - ماقسات سەبيتوۆ, دوسى توقاش بەرديياروۆتىڭ رٶلٸن - رٷستەم جانىامانوۆ, فاريزا وڭعارسىنوۆانىڭ رٶلٸن اجارلىم ماعزۇم وينايدى.
تەلەحيكايا رەجيسسەرٸ - دارحان سەركەنوۆ, ستسەناريي اۆتورى - قانات رامازان.
«تەلەحيكايانىڭ ەر بٶلٸمٸندە اقىننىڭ جان-دٷنيەسٸنە تٶڭكەرٸس ەكەلگەن نەگٸزگٸ تىلسىم وقيعالاردى ٶتكەن عاسىردىڭ جەتپٸسٸنشٸ جىلدارىنىڭ كەلبەتٸمەن كٶرسەتەمٸز. تەلەحيكايانى كٶرە وتىرىپ, كٶرەرەمەن «قازاق پوەزيياسىنىڭ مۇزبالاعى» اتانعان اقىننىڭ قاي عاسىردا بولسىن ٸزٸ ٶشپەيتٸنٸ, ونى ۋاقىت ٶتكەن سايىن ٶزگەشە زەرتتەي بەرەتٸنٸمٸزدٸ تٷسٸنەدٸ. تەلەحيكايا مۇقاعالي ماقاتاەۆتىڭ بٷگٸنگە دەيٸن جۇمباق بولىپ كەلگەن قۇپييالارىنا ٷڭٸلۋ ارقىلى مۇقاعالي فەنومەنٸنٸڭ ٶزگەشە تۇستارىن اشۋدى ماقسات تۇتادى», - دەيدٸ ستسەناريي اۆتورى ق.رامازان.
تەلەحيكايانىڭ تٷسٸرٸلٸم جۇمىستارى الماتى قالاسى مەن الماتى وبلىسىندا ٶتتٸ.
«مۇقاعالي. بۇل عاسىردان ەمەسپٸن» تاريحي تەلەحيكاياسى «Qazaqstan» تەلەارناسىنان 5,6 اقپان كٷندەرٸ ساعات 20:50-دە ەفيرگە شىعادى.
