23 سەۋٸر – ەكٸنشٸ دٷنيەجٷزٸلٸك سوعىستىڭ حاس باتىرى, پارتيزان جازۋشى قاسىم قايسەنوۆتىڭ تۋعان كٷنٸ. بيىل قازاقستاننىڭ حالىق قاھارمانىنىڭ 103 جىلدىعى بولىپ وتىر, دەپ حابارلايدى قازاقپارات.
جاسىنداي تيٸپ جاۋدى جايراتقان, قالام قۇدىرەتٸمەن سوعىس قاسٸرەتٸن, زامانا تىنىسىن بٷكپەسٸز جەتكٸزگەن قاسىم قايسەنوۆ 1918 جىلدىڭ 23-ٸ سەۋٸرٸندە شىعىس قازاقستان وبلىسى ۇلان اۋدانى اسۋبۇلاق اۋىلىندا دٷنيە ەسٸگٸن اشقان. سول اۋىلداعى مەكتەپتە بٸلٸم نەرٸمەن سۋسىنداعان سوڭ ٶسكەمەندەگٸ ساياسي-اعارتۋ تەحنيكۋمىنا وقۋعا قابىلدانعان. 1938 جىلى ونداعى وقۋىن ويداعىداي تەمەمداپ, تەحنيكۋم ماڭىنان اشىلعان cاياسي اعارتۋ كۋرسىنا باسشىلىق ەتۋگە تاعايىندالادى. 1938-39 جىلدارى پاۆلودار وبلىستىق وقۋ بٶلٸمٸندە ينسپەكتورلىق قىزمەت اتقارعان سوڭ 1939 جىلى ەسكەري-بارلاۋشىلار مەكتەبٸنە قابىلدانعان. ول وقۋ ورنىن 1941 جىلدىڭ كٷزٸندە بٸتٸرٸپ شىقتى.
سول جىلى سۇراپىل سوعىسقا اتتانعان قاسىم وڭتٷستٸك-باتىس مايدانى شتابىنىڭ قاراماعىنا جٸبەرٸلدٸ. قاندى مايداندا ايانباي شايقاسقان باتىر كٶپ رەت ەرلٸگٸمەن كٶزگە تٷسكەن. تالاي فاشيستٸڭ جانىن جاھاننامعا جٸبەرٸپ, 1945 جىلى ەلٸنە امان-ەسەن ورالادى.
سوعىس اياقتالعاننان كەيٸن 1945-1946 جىلدارى قازاق سسر جوعارعى سوۆەتٸ پرەزيديۋمى اپپاراتىندا رەفەرەنت قىزمەتٸن اتقارعان. 1946-1949 جىلدارى جامبىل وبلىسىنىڭ جۋالى, سۆەردلوۆ اۋداندارىندا اۋداندىق اتقارۋ كوميتەتتەرٸ تٶراعاسىنىڭ ورىنباسارى, 1949-1950 جىلدار ارالىعىندا قازسسر جەڭٸل ٶنەركەسٸپ مينيستٸرلٸگٸندە كادر بٶلٸمٸندە اعا ينسپەكتورى قىزمەتتەرٸن اتقارادى. 1951-1953 جىلدارى قازاقستان كوممۋنيستٸك پارتيياسى ورتالىق كوميتەتٸ جانىنداعى پارتييالىق مەكتەپتٸڭ اۋدارماشىلار دايارلايتىن بٶلٸمٸنە وقۋعا جٸبەرٸلەدٸ. وقۋدى اياقتاعان سوڭ ۇزاق ۋاقىت «قازاق ەلٸ», «جازۋشى», «قاينار», باسپالارىندا رەداكتور, باسپا ديرەكتورىنىڭ ورىنباسارى بولىپ ەڭبەك ەتتٸ.
كٶرنەكتٸ جازۋشىنىڭ قالامىنان تۋعان دٷنيەلەر وقىرمان قاۋىمنىڭ جوعارى باعاسىن العان. ول «جاس پارتيزاندار» (1954), «اجال اۋزىندا» (1959), «جاۋ تىلىنداعى بالا» (1961), «جاۋ تىلىندا» (1973), «پارتيزان سوقپاقتارى» (1978), «پەرەياسلاۆ پارتيزاندارى» سىندى كٶپتەگەن شىعارمالار جازدى. كٸتاپتارى ەلٸ كٷنگە دەيٸن اسقان قىزىعۋشىلىقپەن, زور ىقىلاسپەن وقىلىپ كەلەدٸ.
ەرلٸگٸ ەرەن قاسىم قايسەنوۆ «بوگدان حمەلنيتسكيي» وردەنٸ, «چەحوسلاۆاكييا پارتيزانى», II, III-دەرەجەلٸ «زا زاسلۋگي» جەنە 2 رەت I دەرەجەلٸ «ۇلى وتان سوعىسى» وردەنٸمەن, شەتەلدەردٸڭ جەنە سوۆەت وداعىنىڭ مەدالدارىمەن سونداي-اق قازاق سسر-نٸڭ, ۋكراين سسر-نىڭ «قۇرمەت گراموتالارىمەن» ماراپاتتالعان. 1995 جىلى 24 سەۋٸردە پارتيزانعا «حالىق قاھارمانى» اتاعى جەنە ارمييا پولكوۆنيگٸ دەگەن شەن بەرٸلدٸ.
حالقىنىڭ قوشەمەتٸ مەن قۇرمەتٸنە بٶلەنگەن پارتيزان جازۋشى 2006 جىلدىڭ جەلتوقسان ايىندا 88 جاسىندا دٷنيەدەن ٶتتٸ.
