مۇسىلمان قاۋىمى ٷشٸن كٷندەردٸڭ قايىرلىسى - جۇما بولسا, تٷندەردٸڭ قايىرلىسى - قادٸر تٷنٸ. بيىل بۇل قاسيەتتٸ تٷن مامىردىڭ 31-ٸنەن ماۋسىمنىڭ 1-ٸنە قاراعان تٷنٸنە ساي كەلٸپ وتىر.
دٸني نانىم بويىنشا, قادٸر تٷنٸ - ساۋاپتار ەسەلەنٸپ جازىلاتىن ەرەكشە تٷن. سەبەبٸ, بۇل تٷنٸ «قاسيەتتٸ قۇران كەرٸمنٸڭ اياتتارى تٷسە باستاعان».
«قادٸر» سٶزٸ «ابىروي, ۇلىلىق, وراسان زور» ماعىناسىن بەرەدٸ. سەبەبٸ, قادٸر تٷنٸ - ۇلىق جەنە اسا قاسيەتتٸ كەش بولىپ سانالادى. بۇل تٷننٸڭ سالماعى مىڭ ايدان دا قايىرلى. قۇران كەرٸمدە بۇل تۋراسىندا «قادٸر تٷنٸ مىڭ ايدان دا قايىرلى», (قادٸر, 2) - دەپ باياندالادى». قر مۇسىلماندارى دٸني باسقارماسى «قادٸر» سٶزٸنە قاسيەتتٸ قۇران سٷرەلەرٸنەن ٷزٸندٸلەر كەلتٸرە وتىرىپ, وسىنداي انىقتاما بەرەدٸ.
دٸن ٶكٸلدەرٸنٸڭ ايتۋىنشا, وسى تٷنٸ جاراتۋشىعا (س.ع.س.) بار ىقىلاسىمەن سىيىنعان پەندە عۇمىر بويى قۇلشىلىق ەتكەن بولىپ سانالادى. ال ەربٸر جىل سايىنعى قادٸر تٷنٸن ىجداحاتپەن كٷتٸپ, قۇلشىلىق قىلعان جاندار قامشىنىڭ سابىنداي قىسقا عۇمىردا ساۋاپتان بيٸك تاۋ تۇرعىزا الادى دەپ ەسەپتەلەدٸ.
قادٸر تٷنٸنٸڭ قۇت-بەرەكەسٸ شەكسٸز. قازاق تاقۋالارى تاڭ اعارىپ اتقانعا دەيٸن پەرٸشتەلەر سەلەمەتٸ جەر بەتٸنە سەبەزگٸلەپ, مۇسىلمان ٷمبەتٸنٸڭ جٷرەگٸنە تىنىشتىق پەن جان راحات ورنايدى دەپ تەمسٸلدەگەن. بۇل تٷندە ٶزٸن مۇسىلمان سانايتىن ەربٸر جان عيبادات جاساپ, يماني سەزٸمدەرٸن ارتتىرۋى كەرەك.
يسلام عۇلامالارى قادٸر تٷنٸنە «بەيبٸتشٸلٸك تٷنٸ» دەگەن باعا دا بەرەدٸ. ال دٸن ٶكٸلدەرٸ بۇل تٷندٸ مەيلٸنشە قۇلشىلىقپەن, ۇيقىسىز, دۇعا جاساپ ٶتكٸزۋگە كەڭەس بەرەدٸ. مەشٸتكە بارىپ, كيەلٸ تٷندٸ جاماعاتپەن بٸرگە قارسى الۋدىڭ دا ٶز نىعمەتتەرٸ بار.
ەسكە سالايىق, بيىل 6 مامىر كٷنٸ باستالعان ورازا ايى 4 ماۋسىم كٷنٸ اياقتالادى. 5 ماۋسىمدا ورازا ايتتىڭ العاشقى كٷنٸ. بەكٸتٸلگەن پٸتٸر-ساداقا كٶلەمٸ - بٸر ادامعا 300 تەڭگە.
