بٷگٸن ەلباسى قازاق كٶشٸنە جول اشقان كٷن

- بٷگٸن قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ الىستاعى اعايىننىڭ ەلگە كەلۋٸنە مٷمكٸندٸك جاساپ, «قازاق كٶشٸنە» جول اشقان كٷن. بيىل ەل تەۋەلسٸزدٸگٸ مەن ەلباسى تيەگٸن اعىتقان ۇلى كٶشكە - 25 جىل تولىپ وتىر. 1991 جىلى 18 قاراشادا قازاق كسر جوعارعى كەڭەسٸنٸڭ شەشٸمٸنە سەيكەس رەسپۋبليكانىڭ مينيسترلەر كابينەتٸ «اۋىلدىق جەرلەردە جۇمىس ٸستەۋگە تٸلەك بٸلدٸرۋشٸ بايىرعى ۇلت ادامدارىنىڭ باسقا رەسپۋبليكالاردان جەنە شەت ەلدەردەن قازاق كسر-ىنا كٶشٸپ كەلۋٸ تەرتٸبٸ مەن شارتتارى تۋرالى» قاۋلى قابىلدادى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.

20 تارماقتان تۇراتىن ول قاۋلىدا باسقا رەسپۋبليكالاردان جەنە شەتەلدەردەن قازاقستاننىڭ اۋىلدى جەرلەرٸنە جۇمىس ٸستەۋگە تٸلەك بٸل­دٸرۋشٸ بايىرعى ۇلت ادامدارىن قازاق كسر-ٸنە قالاي ەكەلۋدٸڭ تەتٸكتەرٸ مەن جولدارى, اۋىلدى جەرگە كٶشٸپ كەلگەن سوڭ ولاردى قۇجات­تاندىرۋ, سونداي-اق ەلەۋمەتتٸك, دەرٸ­گەر­لٸك, بٸلٸم بەرۋ, تۇرعىن ٷي, جاڭا ورتاعا بەيٸم­دەۋ سىندى تولىپ جاتقان مەسە­لەلەر بويىنشا جەڭٸلدٸكتەر مەن كٶمەك­تەر ۇسىنۋ ەگجەي-تەگجەيلٸ قاراس­تىرىلعان. مىسالى, قاۋلىنىڭ 5-تارماعىندا «حالىق دەپۋتاتتارى جەر­گٸلٸكتٸ كەڭەستەرٸنٸڭ ات­قارۋ كومي­تەتتەرٸنە, اگروٶنەركەسٸپ كەشەنٸنٸڭ كەسٸپورىندارى مەن ۇيىمدارىنا باسقا رەسپۋبليكالاردان جەنە شەتەلدەردەن قونىس اۋدارعان بايىرعى ۇلت ادامدارىن تۇرعىن-جايمەن قام­تاماسىز ەتۋ ماقساتىندا جەكەلەگەن ازاماتتاردىڭ رەسپۋبليكادان كەتۋٸ نەتيجەسٸندە بوساعان ٷيلەردٸ نەمەسە پەتەرلەردٸ ساتىپ الۋ ۇسىنىلسىن» دەلٸنگەن. سودان بەرگٸ شيرەك عاسىر ۋاقىتتا اتاجۇرتقا ورالعان قانداستارىمىزدىڭ سانى 1 ميلليوننان استى. بۇل, ەرينە, ەلباسى نۇرسۇلتان ەبٸشۇلىنىڭ ەڭ جەمٸستٸ ساياساتى دەسەك قاتەلەسپەيمٸز. ٶيتكەنٸ, كەز-كەلگەن مەملەكەت ٷشٸن باستى قۇندىلىق - حالىق. اتا زاڭىمىزدا دا مەملەكەتتٸڭ ەڭ باستى بايلىعى - حالىق, ەربٸر ازامات ەكەنٸ تايعا تاڭبا باسقانداي جازىلعان. قۇدايعا شٷكٸر, بۇل كٷندە قازاق ۇلتىنىڭ ٷلەسٸ 70 پايىزعا جاقىنداپ وتىر. بۇل ەلٸمٸزدٸڭ  تۇتاستىعى مەن قاۋٸپسٸزدٸگٸن بەكەمدەۋدە, بەرەكە-بٸرلٸگٸن نىعايتۋدا ەرەكشە رٶل اتقاراتىنى بەلگٸلٸ.

ايتا كەتەرلٸگٸ, وسىنداي اتاۋلى كٷنگە وراي جاقىندا اقىن اۋىت مۇحيبەكۇلى ٷكٸمەتكە «قازاق­ستان رەسپۋبليكاسىنداعى مەرەكەلەر تۋر­الى» 2001 جىلعى 13 جەلتوق­سان­داعى №267-ٸٸ زاڭنىڭ 3-بابىنا تولىقتىرۋ ەنگٸزٸپ, 18 قاراشانى «ۇلتتىق كٶشٸ-قون كٷنٸ» ەتٸپ بەكٸتۋ» تۋرالى باستاما كٶتەرگەن بولاتىن. بۇعان دەيٸن بۇل كٷن اتاۋسىز ٶتٸلٸپ كەلگەن ەدٸ. سونىمەن قاتار, بيىل قازاق تاريحىنا التىن ەرٸپپەن جازىلۋعا تيٸس وسى مەرەيلٸ مەرەكەنٸ ەلگە ورالعان اعايىن بٷگٸن 18 قاراشادا الماتىداعى ستۋدەنتتەر سارايىندا «كٶش جەنە كٶشباسشى» اتتى مەرەكەلٸك كونتسەرتپەن ايرىقشا اتاپ ٶتپەك.   

شاراعا قر اقپارات جەنە كوممۋنيكاتسييالار مينيسترٸ دەۋرەن اباەۆ قاتىسپاق. كەشتە «كٶش جەنە كٶشباسشى» اتتى دەرەكتٸ فيلم كٶرسەتٸلەدٸ جەنە ەلگە ورالىپ جەتٸستٸككە جەتكەن قانداستارىمىزدىڭ قازٸرگٸ ٶمٸرٸ تۋرالى بەينەسيۋجەت  ۇسىنىلماق. سونىمەن بٸرگە قازاقستاننىڭ ەسترادا جۇلدىزدارى ٶنەر كٶرسەتەدٸ دەپ كٷتٸلۋدە.

تەۋەلسٸز قازاقستان ٷشٸن سول «ازاماتتىق قۇجاتتاندىرۋ تۋرالى» №711 قاۋلى شىعارىلعان 18 قاراشا ٶتە ماڭىزدى تاريحي كٷن دەپ ەسەپتەلۋٸ تيٸس. ٶيتكەنٸ, بەس قۇر­لىققا تارىداي شاشىراپ كەتكەن قانداستارىمىزدىڭ باسىنىڭ ٶز وتانىندا بٸرٸگۋٸ وسى كٷننەن باس­تالدى. سونداي-اق, بۇل قاۋلىنىڭ 1997 جىلى 13 جەلتوقساندا تۇڭعىش رەت قازاق تٸلٸندە قابىلدانعان, 2011 جىلى 22 شٸلدەدە, 2013 جىل 15 جەلتوقساندا جەنە 2015 جىلى 24 قاراشادا پارلا­مەنتتە ٷش رەت ٶزگەرٸستەر مەن تولىق­تىرۋلار ەنگٸزٸلٸپ, قازٸر قولدانىستاعى «حالىقتىڭ كٶشٸ-قونى تۋرالى» زاڭدى تٷزۋگە تٷپنەگٸز بولعانىن دا ايتا كەتۋٸمٸز كەرەك.