بٷگٸن الماتى وبلىسىندا كوروناۆيرۋسپەن اۋىرۋدىڭ تاعى 11 جاعدايى تٸركەلدٸ. ولاردىڭ 10-ى – ٸلە, 1-ەۋٸ – ەڭبەكشٸقازاق اۋدانىنىڭ تۇرعىنى, - دەپ حابارلايدى "ۇلت اقپارات" الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بەلگٸلٸ بولعانداي, ٸلە اۋدانىندا اۋىرعانداردىڭ بارلىعى دا بۇعان دەيٸن سىرقاتتانعاندارمەن تىعىز قارىم-قاتىناستا بولعان.
ەڭبەكشٸقازاق اۋدانى تۇرعىنىنىڭ سىرقاتى ۋچاسكەلٸك دەرٸگەردٸ ٷيگە شاقىرىپ, تەكسەرٸلگەننەن كەيٸن انىقتالعان. اۋىرعان - 6 ايلىق بالا.
سىرقاتتارمەن قارىم-قاتىناستا بولعان بارلىعى 44 ادام انىقتالدى, ولاردىڭ بارلىعى دا وقشاۋلاندىرىلدى, بٸرقاتارى ٷي كارانتينٸنە الىندى, ۆيرۋس شىققان ٷي وشاقتارى, ناۋقاستار تۇراتىن پودەزدەرگە دەزينفەكتسييا جٷرگٸزٸلدٸ. ەپيدەميولوگييالىق زەرتتەۋلەر جٷرگٸزٸلۋدە.
جالپى الماتى وبلىسىندا كوروناۆيرۋستى 97 ادام جۇقتىرعاندى.
