قازاقستان ازاماتتارى پاسپورتىن پايدالانا وتىرىپ, ەتسق-نى قاشىقتان الا الادى, دەپ حابارلايدى "ۇلت اقپارات" قر تسيفرلىق دامۋ جەنە اەروعارىش ٶنەركەسٸبٸ مينيسترلٸگٸنە سٸلتەمە جاساپ.
قىزمەتتٸ الۋ ٷشٸن ەلەكتروندىق ٷكٸمەتتٸڭ پورتالىنداعى «سەرۆيستەر» بٶلٸمٸندە ورنالاسقان «ەتسق-نى قاشىقتان الۋ» قىزمەتٸن تاڭداۋ قاجەت. بۇدان ەرٸ كٸلتتٸ الۋدىڭ ستاندارتتى پروتسەدۋراسىنان ٶتۋ كەرەك. ەتسق-نى قاشىقتان الۋ جولىمەن مىنا سٸلتەمە ارقىلى تانىسا الاسىز. بۇل جەردە ەتسق-نى الۋدىڭ ەر قادامى كٶرسەتٸلگەن نۇسقاۋلىق ورنالاستىرىلعان.
وسى ۋاقىتقا دەيٸن ەتسق-نى قاشىقتان الۋ كەزٸندە جٷيە كەيبٸر جاعدايلاردا, ياعني جەكە كۋەلٸكتٸڭ مەرزٸمٸ ٶتٸپ كەتۋٸنە بايلانىستى, قۇجات يەسٸن سەيكەستەندٸرە المادى. بۇل جاعدايدا پايدالانۋشىنىڭ ٶتٸنٸمٸ مودەراتسيياعا جٸبەرٸلٸپ, وعان قوسىمشا ۋاقىت قاجەت بولدى.
پاسپورتتى جەكە باسىن كۋەلاندىراتىن قۇجاتتىڭ بالاماسى رەتٸندە پايدالانۋ ەتسق-نى قاشىقتان الۋ بارىسىندا سەيكەستەندٸرۋدەن ٶتۋ پروتسەسٸن جەڭٸلدەتەدٸ. ەسٸرەسە, جەكە كۋەلٸكتٸڭ قولدانىلۋ مەرزٸمٸ اياقتالعان جاعدايدا تيٸمدٸ.
ەندٸ قازاقستاندا ەلەكتروندىق تسيفرلىق قولتاڭبانى سەيكەستەندٸرۋ پروتسەسٸنەن اۆتوماتتى تٷردە قاشىقتان ٶتۋ ارقىلى الۋعا بولادى. بٷگٸن ەتسق-نى جەكە تۇلعالارمەن قاتار زاڭدى تۇلعالار دا الا الادى. تج كەزٸندە 274 مىڭ ەتسق بەرٸلدٸ.
