بريتانييا پوليتسيياسى ەسسەكس گرافتىعىندا جٷك كٶلٸگٸنەن دەنەلەرٸ تابىلعان 39 ۆەتنام ازاماتىنىڭ اتى-جٶندەرٸن انىقتادى. ولاردىڭ تٸزٸمٸ اشىق دەرەككٶزدەردە جارييالانعان جوق, دەگەنمەن ازاماتتاردىڭ تۋىستارىنا حابار بەرٸلدٸ, دەپ جازادى The New York Times.
باسىلىمنىڭ جازۋىنشا, پوليتسييانىڭ رەسمي تٸزٸمٸ شىقپاستان بۇرىن 8 ەيەل, 31 ەر ادامنىڭ تۋىستارى ولاردىڭ سول جٷك كٶلٸگٸندە بولعان دەپ ساناپ, جوعالعان ازاماتتاردى جوقتاپ جٷرگەن.
بەيسەنبٸ كٷنٸ ۆەتنامنىڭ لوندونداعى ەلشٸلٸگٸ قازا تاپقان ازاماتتاردىڭ وتباسىنا كٶڭٸل ايتقان ەدٸ.
ەسسەكس پوليتسيياسى 39 ادامنىڭ ٶلٸمٸن تەرگەۋ جۇمىستارى تۋرالى اقپارات جاقىندا جارييالاناتىنىن حابارلادى. سونىمەن قاتار ولار بريتانييا مەن ۆەتنام بيلٸگٸ بۇل جۇمىستاردى بٸرلەسٸپ اتقارىپ جاتقانىن ايتتى.
ايتا كەتەيٸك, دٷيسەنبٸ كٷنٸ پوليتسييا بۇل ٸسكە قاتىسى بار دەگەن كٷدٸكپەن 8 ادامدى قاماۋعا العان ەدٸ.
