Britaniia politsiiasy Esseks graftyǵynda júk kóliginen deneleri tabylǵan 39 vetnam azamatynyń aty-jónderin anyqtady. Olardyń tizimi ashyq derekkózderde jariialanǵan joq, degenmen azamattardyń týystaryna habar berildi, dep jazady The New York Times.
Basylymnyń jazýynsha, politsiianyń resmi tizimi shyqpastan buryn 8 áiel, 31 er adamnyń týystary olardyń sol júk kóliginde bolǵan dep sanap, joǵalǵan azamattardy joqtap júrgen.
Beisenbi kúni Vetnamnyń Londondaǵy elshiligi qaza tapqan azamattardyń otbasyna kóńil aitqan edi.
Esseks politsiiasy 39 adamnyń ólimin tergeý jumystary týraly aqparat jaqynda jariialanatynyn habarlady. Sonymen qatar olar Britaniia men Vetnam biligi bul jumystardy birlesip atqaryp jatqanyn aitty.
Aita keteiik, dúisenbi kúni politsiia bul iske qatysy bar degen kúdikpen 8 adamdy qamaýǵa alǵan edi.
