لوندوندا ۆەتنامنان كەلگەن 39 ميگرانتتىڭ ٶلٸمٸنە سەبەپشٸ بولعان تٶرت ادام سوتتالدى, دەپ حابارلايدى Euronews اگەنتتٸگٸ.
تٶرت ايىپتالۋشى 2019 جىلى انگلييادا جٷك كٶلٸگٸنٸڭ تٸركەمەسٸنەن تابىلعان 39 ميگرانتتىڭ ٶلٸمٸنە سەبەپشٸ بولعانى ٷشٸن 13 جىلدان باستاپ 27 جىلعا دەيٸن جازا ارقالادى.
ەكٸ نەگٸزگٸ ايىپتالۋشى - سولتٷستٸك يرلاندييانىڭ تۋماسى, 41 جاستاعى جٷرگٸزۋشٸ رونان حيۋز - 20 جىلعا, 43 جاستاعى رۋمىنييا ازاماتى گەورگە نيكا - 27 جىلعا سوتتالدى.
تاعى ەكٸ جٷرگٸزۋشٸنٸڭ بٸرەۋٸ 13 جىل 4 ايعا, ەكٸنشٸسٸ 18 جىلعا باس بوستاندىعىنان ايىرىلدى.
ەسكە سالا كەتەيٸك, 2019 جىلدىڭ 23 قازانىندا ۇلىبريتانييانىڭ ەسسەكس گرافتىعىنداعى گرەيس قالاسىندا كٶلٸك توڭازىتقىشىنان 31 ەركەك پەن سەگٸز ەيەلدٸڭ مەيٸتٸ تابىلعان ەدٸ.
بريتانييا پوليتسيياسىنىڭ مەلٸمەتٸنشە, ادامدارعا جٷك كٶلٸگٸندە اۋا جەتپەي, تٸركەمەنٸڭ ٸشٸ قاتتى ىسىپ كەتكەن.
قازا تاپقانداردىڭ اراسىندا 26 جاستاعى فام تحي ترا ماي بولعان. ول 22 قازاندا وتباسىنا تىنىس الا الماي جاتقانىن ايتىپ, حات جولداعان.
پوليتسييا بولجامىنا سەنسەك, جٷك كٶلٸگٸ بولگارييادان كەلٸپ, ۋەلس گرافتىعىنىڭ حوليحەد پورتى ارقىلى ەل اۋماعىنا 19 قازاندا كٸرگەن.
جاپپاي كٸسٸ ٶلٸمٸنە بايلانىستى بٸرنەشە ادام تۇتقىندالدى.
كەيٸننەن جٷك كٶلٸگٸنەن دەنەسٸ تابىلعان 39 ادامنىڭ اتى-جٶنٸ بەلگٸلٸ بولدى.
وسىعان بايلانىستى ەسسەكس پوليتسيياسى ۆەتنامعا بارىپ, تەرگەۋ جٷرگٸزدٸ. نەتيجەسٸندە جەتٸ ادامعا ايىپ تاعىلدى.
