بٷگٸنگٸ تاڭدا ۇلىبريتانييادا انىقتالعان كوروناۆيرۋستىڭ جاڭا تٷرٸ ەلەمنٸڭ بٸرنەشە ەلدەرٸندە – قىتايدا, اقش-تا جەنە ەۋروپا ايماقتارىندا تارالۋدا. ونىڭ قازاقستاندا تارالۋ قاۋپٸ قانشالىقتى جوعارى? بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە ايتىلدى, دەپ حابارلايدى قازاقپارات.
«مامىر ايى مەن قىركٷيەك ايى ارالىعىندا تابىلعان 130 سىناماعا گەنەتيكالىق زەرتتەۋ جٷرگٸزدٸك. ۆيرۋستار اراسىنان بريتاندىق مۋتاتسييا تابىلعان جوق. بۇل ۆيرۋستار گەرمانييا, يسپانييا, ۋكراينا, رەسەي, اقش جەنە قىتايدا تابىلعان ۆيرۋستارعا ۇقساس. بٷگٸنگٸ كٷنٸ بٸز كەلەسٸ گەنەتيكالىق تەستٸلەۋ جٷرگٸزۋ ٷشٸن قازان مەن جەلتوقسان ارالىعىندا ايماقتاردان تابىلعان سىنامالاردى جيناپ جاتىرمىز», - دەيدٸ قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا.
سونداي-اق, ول بريتانييا مەن قازاقستان اراسىندا تٸكەلەي بايلانىس جوق ەكەنٸن جەتكٸزدٸ.
«ەستەرٸڭٸزدە بولسا, 6 قازاننان باستاپ شەتەلدەن كەلەتٸندەرگە پتر تەستتەن ٶتۋ تۋرالى تالاپ قويىلعان. پتر تەستتەن ٶتپەگەندەر مٸندەتتٸ تٷردە كارانتيندٸك ستاتسيونارعا ورنالاسىپ, پتر تەست تاپسىرىپ, نەتيجەسٸن سول جەردە كٷتەدٸ. نەگٸزٸ ۆيرۋستاردىڭ مۋتاتسييالانۋى – قالىپتى جاعداي. كوروناۆيرۋس گەنەتيكالىق تۇرعىدان ادامعا قاتىسى جوق, جارقاناتتارعا قاتىسى بار ۆيرۋس. ول بٸر جىل بويى ٶزگەرٸسكە ۇشىراپ, بەيٸمدەلٸپ كەلەدٸ. ول مۋتاتسييالانعان ۆيرۋس جەنە مۋتاتسييالانا بەرەدٸ», - دەيدٸ ايجان ەسماعامبەتوۆا.
