بريتان پوليتسيياسى 23 قازاندا لوندونعا جاقىن جەردە جٷك كٶلٸگٸنەن دەنەسٸ تابىلعان 39 ادامنىڭ بارلىعى ۆەتنام ازاماتى ەكەنٸن ايتادى.
"ۆەتنام ازاماتتارى قازا تاپتى دەپ ويلايمىز. قازٸر ۆەتنام ٷكٸمەتٸمەن بايلانىس ورناتىپ وتىرمىز. ۆەتنام مەن ۇلىبريتانيياداعى بٸرنەشە وتباسىمەن دە بايلانىس ورناتتىق. قازا تاپقانداردىڭ كەيبٸرٸنٸڭ تۋىستارىن تاپتىق دەپ ويلايمىز" دەپ جازدى ەسسەكس پوليتسيياسى باستىعىنىڭ كٶمەكشٸسٸ تيم سميت Twitter جەلٸسٸندە.
بۇعان دەيٸن پوليتسييا انلييانىڭ وڭتٷستٸك-شىعىسىندا جٷك كٶلٸكتەن دەنەسٸ تابىلعان 39 ادامنىڭ بارلىعى قىتاي ازاماتى دەپ ايتقان. ولاردىڭ 31-ٸ - ەر ادام, سەگٸزٸ - ەيەل.
جٷك كٶلٸگٸنٸڭ جٷرگٸزۋشٸسٸ سولتٷستٸك يرلاندييانىڭ 25 جاستاعى تۇرعىنى موريس روبينسونعا پوليتسييا "ادام ساۋداسى" جەنە "كەزدەيسوق ادام ٶلتٸرۋ" باپتارى بويىنشا ايىپ تاقتى. تەرگەۋ دەرەگٸنشە, روبينسون بەلگييانىڭ زەبريۋگگە پورتىنان جەتكٸزٸلگەن كونتەينەردٸ پۋرفليت پورتىنان قابىلداپ العان. 1 قاراشادا ٸسكە قاتىسى بولۋى مٷمكٸن تاعى بٸر ادام قامالدى. بۇل ٸس بويىنشا ۆەتنامدا ەكٸ ادام ۇستالدى.
