Britan politsiiasy 23 qazanda Londonǵa jaqyn jerde júk kóliginen denesi tabylǵan 39 adamnyń barlyǵy Vetnam azamaty ekenin aitady.
"Vetnam azamattary qaza tapty dep oilaimyz. Qazir Vetnam úkimetimen bailanys ornatyp otyrmyz. Vetnam men Ulybritaniiadaǵy birneshe otbasymen de bailanys ornattyq. Qaza tapqandardyń keibiriniń týystaryn taptyq dep oilaimyz" dep jazdy Esseks politsiiasy bastyǵynyń kómekshisi Tim Smit Twitter jelisinde.
Buǵan deiin politsiia Anliianyń ońtústik-shyǵysynda júk kólikten denesi tabylǵan 39 adamnyń barlyǵy Qytai azamaty dep aitqan. Olardyń 31-i - er adam, segizi - áiel.
Júk kóliginiń júrgizýshisi Soltústik Irlandiianyń 25 jastaǵy turǵyny Moris Robinsonǵa politsiia "adam saýdasy" jáne "kezdeisoq adam óltirý" baptary boiynsha aiyp taqty. Tergeý dereginshe, Robinson Belgiianyń Zebriýgge portynan jetkizilgen konteinerdi Pýrflit portynan qabyldap alǵan. 1 qarashada iske qatysy bolýy múmkin taǵy bir adam qamaldy. Bul is boiynsha Vetnamda eki adam ustaldy.
