بريتان پارلامەنتٸ قاۋىمدار پالاتاسىنىڭ جاڭا تٶراعاسى بولىپ لەيبوريست ليندسي حويل سايلاندى. بۇل قىزمەتتٸ 2009 جىلدان بەرٸ دجون بەركوۋ اتقارىپ كەلگەن.
حويل داۋىس بەرۋ رەسٸمٸنٸڭ تٶرتٸنشٸ ساتىسىندا 325 دەپۋتاتتىڭ داۋىسىن الىپ, جەڭٸسكە جەتتٸ. تٶراعا قىزمەتٸنە 7 كانديدات تالاستى.
الپىس جەتٸ جاستاعى حويل پارلامەنتكە العاش رەت 1997 جىلى سايلانىپ, 2010 جىلدان تٶراعا ورىنباسارى بولعان.
قاۋىمدار پالاتاسى سەيسەنبٸ كٷنٸ تاراتىلادى. جەلتوقساننىڭ 12-سٸنە سايلاناتىن جاڭا قۇرامى جاڭا تٶراعا سايلاۋىنا بولادى, الايدا ولاي بولمايتىنى بەلگٸلٸ بولىپ وتىر. دەستٷر بويىنشا تٶراعا پارلامەنتكە ٶز وكرۋگٸنەن بالاما كانديداتسىز سايلانادى.
دجون بەركوۋ 31 قازاندا ورنىنان تٷسكەن. بۇل كٷن بريتانييانىڭ ەۋروداقتان شىعاتىن كٷنٸ دەپ بەلگٸلەنسە دە, برەكزيت تاعى دا شەگەرٸلگەن.
تانىمال ەرٸ ىقپالدى ساياساتكەر بەركوۋدى سوڭعى ايلاردا نەگٸزٸنەن بۇرىنعى پارتييالاستارى – كونسەرۆاتورلار "پارلامەنتتەگٸ بٸرقاتار پروتسەدۋرالاردى ٷكٸمەت پايداسىنا جىعىپ بەردٸ" دەپ سىناعان. تٶراعا ۇستانىمىنىڭ ارقاسىندا وپپوزيتسييا پرەمەر بوريس دجونسوندى برەكزيتتٸ كەيٸنگە قالدىرۋ جٶنٸندە سۇراۋعا مەجبٷرلەيتٸن زاڭ قابىلداۋعا مٷمكٸندٸك العان ەدٸ.
