Brent مۇنايىنىڭ باعاسى 2020 جىلدىڭ 7 قاڭتارىنان باستاپ العاش رەت ICE لوندون بيرجاسىنداعى ساۋدا-ساتتىقتا باررەلٸنە $61,02-عا جەتتٸ, دەپ حابارلايدى تاسس اگەنتتٸگٸ.
لوندونداعى ICE بيرجاسىندا Brent ماركالى مۇنايدىڭ سەۋٸر ايىنداعى فيۋچەرستەرٸنٸڭ باعاسى 0,76%-عا ٶستٸ جەنە باررەلٸنە 61,02 دوللارعا جەتتٸ, دەلٸنگەن مەسكەۋ ۋاقىتىمەن 05:14-تەگٸ ساۋدا الاڭىنىڭ مەلٸمەتتەرٸندە.
سوڭعى رەت Brent باعاسى 2020 جىلدىڭ 7 قاڭتارىندا قارا التىن باررەلٸنە 61 دوللاردان اسقان بولاتىن.
ايتا كەتەيٸك, مۇنايدىڭ بٸر باررەلٸ سوڭعى بٸر جىلدان استام ۋاقىت ٸشٸندە العاش رەت 60 دوللاردان استى. ينۆەستورلار كوروناۆيرۋس ٸندەتٸنەن زارداپ شەككەن ەكونوميكا كٷتكەندەگٸدەن ەلدەقايدا جىلدامىراق قالپىنا كەلەر دەپ ٷمٸتتەنەدٸ. 8 اقپاندا برەنت ماركالى مۇنايدىڭ بٸر باررەلٸ 1,26 پايىزعا قىمباتتاپ, لوندون بيرجاسىندا 60,19 دوللاردان ساتىلدى. بۇل - بىلتىرعى قاڭتار ايىنان بەرگٸ ەڭ جوعارى كٶرسەتكٸش.
ەلەمدەگٸ ٸرٸ مۇناي يمپورتتاۋشى ەلدەردٸڭ بٸرٸ قىتايدىڭ مۇنايعا سۇرانىسى ارتىپ, پاندەميياعا دەيٸنگٸ كەزەڭدەگٸدەي شيكٸزات تۇتىنا باستاعان شاقتا جەنە ەلەم ەلدەرٸ كوروناۆيرۋسقا قارسى ۆاكتسينانى جاپپاي پايدالانىپ, مۇناي ٶندٸرۋشٸ ەلدەر شيكٸزات كٶلەمٸن شەكتەپ ٶندٸرٸپ جاتقان شاقتا مۇناي باعاسى ٶسٸپ وتىر.
كوروناۆيرۋس ٸندەتٸ مۇناي سالاسىن داعدارىسقا ۇشىراتىپ, بىلتىر "قارا التىن" قۇنى نٶلدەن تٶمەندەپ كەتكەن ەدٸ, مۇناي قورى 1 ميلليارد باررەلدەن اسقان. بٸراق سەۋٸر ايىندا مۇناي ٶندٸرۋ كٶلەمٸن قىسقارتۋعا كەلٸسكەن وپەك مٷشەلەرٸ, رەسەي جەنە ٶزگە دە مۇناي ٶندٸرۋشٸ ەلدەر 2,1 ملرد باررەلدەن اسىرماي مۇناي ٶندٸرٸپ, شيكٸزات قورىنىڭ ازايۋىنا ىقپال ەتكەن.
ازييا نارىعىندا مۇنايعا سۇرانىس دەڭگەيٸ "قارا التىننىڭ" باعاسىنا ەسەر ەتەتٸن ٸرٸ فاكتورلاردىڭ بٸرٸ. ەكونوميكاسىنىڭ ٸرٸلٸگٸ جاعىنان ەلەمدە ەكٸنشٸ ورىندا تۇرعان, ٸرٸ مۇناي يمپورتتاۋشى قىتايدىڭ كوروناۆيرۋس ٸندەتٸن تەجەي الۋى ەكونوميكانىڭ جىلدامىراق جاندانۋىنا مٷمكٸندٸك بەردٸ. الايدا مۇنايعا سۇرانىس دەڭگەيٸ پاندەميياعا دەيٸنگٸ كەزەڭمەن سالىستىرعاندا ەلٸ تٶمەن كٷيدە قالىپ وتىر. كٶپتەگەن ەلدەردە كوروناۆيرۋسپەن بايلانىستى ادام ٶلٸمٸ كٶپ, بيزنەس كارانتيننەن ەلٸ زارداپ شەگٸپ جاتىر.
