باتىس قازاقستان وبلىسىندا ٶرتتٸ سٶندٸرۋ كەزٸندە تٶتەنشە جاعدايلار قىزمەتٸنٸڭ ۆزۆود كومانديرٸ ميرشات حاليۋللين قازا بولدى. مارقۇمنىڭ تۋىستارىنىڭ ايتۋىنشا, ونى ٶرت سٶندٸرۋ كٶلٸگٸن باسقارعان ەرٸپتەسٸ قاعىپ كەتكەن, دەپ حابارلايدى ult.kz.
قايعىلى وقيعا 3 قىركٷيەكتە تاۋ اۋىلدىق وكرۋگٸنٸڭ اۋماعىندا بولعان. مارقۇمنىڭ ەكەسٸ مارس حاليوللاۇلىنىڭ ايتۋىنشا, ۇلى كەزەكشٸلٸك كەزٸندە ٶرت شىققانى تۋرالى حابار الىپ, وقيعا ورنىنا اتتانعان.
ونىڭ سٶزٸنشە, ٶرت سٶندٸرۋ كٶلٸگٸنٸڭ تٸزگٸنٸندە ميرشاتپەن بالا كەزٸنەن بٸرگە ٶسكەن, بٸرگە وقىعان ەرٸ بٸر مەكەمەدە قىزمەت ەتكەن ەرٸپتەسٸ بولعان.
«ٶرتتٸ سٶندٸرۋ كەزٸندە ەرٸپتەسٸ ابايسىزدا ونى قاعىپ كەتكەن. جٷرگٸزۋشٸ تٷتٸننٸڭ سالدارىنان كٶرمەي قالعانىن ايتتى. العاشىندا بايقاعانىمەن, كەيٸن كٶزدەن تاسا بولىپ كەتكەن. كەشٸرٸم سۇرادى. تٶتەنشە جاعدايلار دەپارتامەنتٸنٸڭ ٶكٸلدەرٸ كەلٸپ, كٶڭٸل ايتىپ, كٶمەك ۇسىندى», – دەدٸ مارقۇمنىڭ ەكەسٸ.
ميرشات حاليۋللين مەديتسينالىق مەكەمەگە جەتكٸزٸلگەنگە دەيٸن كٶز جۇمعان.
تٶتەنشە جاعدايلار مينيسترلٸگٸ قىزمەتكەردٸڭ قىزمەتتٸك مٸندەتٸن اتقارۋ كەزٸندە قازا بولعانىن راستادى. ۆەدومستۆو مارقۇمنىڭ وتباسىنا قاجەتتٸ كٶمەك كٶرسەتٸلٸپ جاتقانىن مەلٸمدەدٸ.
ال باتىس قازاقستان وبلىسىنىڭ پوليتسييا دەپارتامەنتٸ وقيعا بويىنشا قىلمىستىق ٸس قوزعالعانىن حابارلادى. قازٸر قايعىلى جاعدايدىڭ بارلىق مەن-جايى تەرگەۋ اياسىندا انىقتالىپ جاتىر.
