قاراقييا اۋدانىندا ساپار-ورتالىعىنىڭ سالىنۋىنا بايلانىستى قوعامدىق تىڭداۋ ٶتكٸزٸلدٸ. نەتيجەسٸندە بوزجىراداعى تۋريستٸك ورتالىق شاتقالدان 4 شاقىرىم قاشىقتىقتا سالىنادى, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
قر پرەزيدەنتٸ قاسىم-جومارت توقاەۆ ماڭعىستاۋ وبلىسىنداعى بوزجىرا تابيعي قورىعىنىڭ اۋماعىنا سالىناتىن ۆيزيت-ورتالىعىنىڭ جوباسىن ٷكٸمەتكە قايتا قاراۋدى تاپسىرعان بولاتىن.
وسىعان وراي وبلىس باسشىلىعى قوعامدىق كەڭەستٸڭ, ەكولوگ-ساراپشىلاردىڭ پٸكٸرٸن ەسكەرە وتىرىپ, ينۆەستورلارمەن بٸرلەسٸپ قوناق ٷي سالۋ ٷشٸن جاڭا ورىن قاراستىردى. ينۆەستورلاردىڭ ايتۋىنشا, بوزجىرا شاتقالىنداعى ساپار-ورتالىعى جابايۇشقان قورىعىنىڭ اۋماعىنان تىس, شاتقالدىڭ «ازۋ تٸستەرٸنەن» 4 شاقىرىم قاشىقتىقتا سالۋ جوسپارلانۋدا. بۇل بيٸكتٸككە 4 شاقىرىمنان جاقىن ەشقانداي قۇرىلىس تەحنيكاسى بارمايدى دەگەن سٶز. جابايۇشقان اۋماعىندا ەشقانداي قۇرىلىس جٷرمەيدٸ.
جوبا اۆتورلارى, ينۆەستورلار مەن قاراقييا اۋدانىنىڭ باسشىلارى سەنەك اۋىلىنىڭ تۇرعىندارىمەن كەزدەسٸپ, جوبانى تانىستىردى. اۋىل اقساقالدارى ۇسىنىس-پٸكٸرلەرٸن بٸلدٸردٸ.
2021 جىلدىڭ 5 اقپانىندا اۋدان ورتالىعىندا «قورشاعان ورتاعا ەسەردٸ باعالاۋ» بويىنشا تاعى دا قوعامدىق تىڭداۋلار ٶتكٸزۋ جوسپارلانىپ وتىر. ايتا كەتۋ كەرەك, ينفراقۇرىلىم جٷرگٸزۋ ٷشٸن ينۆەستور تەك «جاسىل» تەحنولوگييالاردى قولداناتىن بولادى. تۋريستٸك نىساندى قۇرۋدىڭ ارقاسىندا 200-دەن استام جەرگٸلٸكتٸ تۇرعىن تۇراقتى جۇمىسپەن قامتىلادى دەپ كٷتٸلۋدە.
