جاڭادان تاعايىندالعان قر ەنەرگەتيكا ۆيتسە-مينيسترٸ سەبيت نۇرلىباي ٶزٸنٸڭ قىزمەتٸ جايلى ايتىپ بەردٸ, دەپ حابارلايدى Baq.kz.
جۋرناليستەر سەنات كۋلۋارىندا سەبيت نۇرلىبايدان «ەنەرگەتيكا مينيسترٸنٸڭ ورىنباسارلارى ۇستالعاننان كەيٸن سول ۆەدومستۆودا جۇمىس ٸستەۋدەن قورىقپايسىز با?» دەپ سۇرادى.
«ەگەر مەملەكەت باسشىسى مەن ٷكٸمەت باسشىسى ماعان تاپسىرىپ, سەنٸم ارتسا, مەن بارلىق فۋنكتسيونالدىق مٸندەتتەردٸ ابىرويمەن اتقارۋىم كەرەك. مەن - وتانمنىڭ پاتريوتىمىن», - دەپ جاۋاپ بەردٸ سەبيت نۇرلىباي.
ۆيتسە-مينيستر ٷكٸمەت قاۋلىسىمەن تاعايىندالعانىن ايتتى. سونداي-اق, ول جاقىندا تۇتقىندالعان ەنەرگەتيكا مينيسترٸنٸڭ ورىنباسارى اناتوليي شكارۋپامەن ەتەنە جۇمىس ٸستەمەگەنٸن, ونى جينالىستاردا عانا كٶرگەنٸن جەتكٸزدٸ.
اتاپ ٶتسەك, جۋىردا ەنەرگەتيكا ۆيتسە-مينيسترٸ اناتوليي شكارۋپا قارجى جىمقىرعانى ٷشٸن تۇتقىندالعان بولاتىن. بۇعان دەيٸن ەنەرگەتيكا ۆيتسە-مينيسترٸ عاني سەدٸبەكوۆ پەن باقىتجان جاقساليەۆ تە سىبايلاس جەمقورلىق فاكتٸسٸمەن ۇستالعان ەدٸ. ٷشەۋٸ دە 2018 جىلى قۇرىقتالدى.
