ەلەۋمەتتٸك جەلٸنٸ اشىپ قالسام: ٶكپە, رەنٸش, زاپىران. قازاق قوعامى اشىنعان: قازاقتىڭ جوعىن جوقتاي الماي, بٸراق قازاقتىڭ نانىن جەپ جٷرگەندەرگە ٶكپەسٸ قارا قازانداي. كەلمەسكە كەتكەن, قازاقتىڭ ساناسىن ۋلاپ, باسىن جالماعان قان تٷستٸ قىزىل جٷيەنٸڭ ارۋاعىن تٸرٸلتكٸسٸ كەلەتٸندەردٸ تٷتٸپ جەۋگە دايار. كٸمگە رەنجيمٸز?
"ەر حالىققا ٶزٸنە ساي بيلٸك بەرەمٸز" دەپتٸ جاراتۋشى يەمٸز. قازاقتىڭ ەۋليەسٸ مەشھٷر جٷسٸپ جەتكٸزگەن قازاق ماقالىندا: "ادامنىڭ ەڭ ازعىنى ەكەسٸن ٶلتٸرگەنمەن دوس بولادى, ەڭ جامانى قاتىنىنىڭ ويناسىمەن دوس بولادى" دەلٸنگەن. تۋرا بٸزدەگٸ جاعداي. الىپ قوسارى جوق. ەكەمٸزدٸ ٶلتٸرگەن, الاش انامىزدى زورلاعان قىزىل جٷيەمەن دوس بولۋ, اشىنا بولۋ قاي قيسىنعا سىيادى? نەدەن سورلى بولدىق? نەگە باعىمىز جانبايدى? نەگە اتا تٸلٸمٸز تۋعان جەرٸندە سالتانات قۇرمايدى? نەگە? نەگە? نەگە? نەگە ەلٸ كٷنگە دەيٸن: "ٶزٸمدٸكٸ دەي الماي ٶز مالىڭدى, كٷندٸز كٷلكٸڭ بۇزىلدى, تٷندە - ۇيقىڭ".
جاۋابى بٸرەۋ-اق - وتارشىلدىق. وتار بولدىق. مويىندامايمىز. قازاقتىڭ ۇلى دەنەسٸنە تٷسكەن قاندى جارانى كٶرسەك تە كٶرمەگەندەي بولامىز. جاسىردىق. ەندٸ ٶلٸپ بارامىز. دىمىمىز شىقپاي ٶلٸپ بارامىز. بٸز دە سىن دا جوق, ۇيات تا جوق. ٶيتكەنٸ "قۇس ٸلگەن قۋدا سىن جوق ۇياتپەن". قايران ماحامبەت!
يمپەرييانىڭ قوس باستى قۇسى ٸلگەن قازاق قۋدا سىن دا جوق, ۇيات تا جوق. كٷشٸگٸندە تالانباعان, قۇستىڭ تىرناعى باتپاعان, "جالعىز جٷرٸپ وتتامايتىن, اققۋ قۇستىڭ تٶرەسٸندەي", سەنٸ دە سالتاناتى بويىندا, بويىنداعى قاسيەتٸ مەن كيەسٸن تٶگٸپ الماعان تەكتٸ ۇرپاق كەرەك بٸزدەرگە!
ول ٷشٸن اۋىر دا بولسا مويىنداپ, قاندى جارامىزدىڭ بەتٸنە تۇز سەۋٸپ, قۇرىم كيگٸزدٸ وتقا كٷيدٸرٸپ باسىپ, وتارسىزدانۋىمىز كەرەك! قورقا-قورقا بولدىق. شەگٸمٸزگە جەتتٸك. ٶزەكتٸ ەرگە بٸر ٶلٸم. الاش انامىزدى ساتىپ, ارسىزدىقپەن ۇياتسىزدىقتان, قورقاقتىق پەن ەزدٸكتەن كٷندە ٶلگەنشە, بٸر-اق رەت ٶلەيٸك! بٸزگە بٸر اللا جار بولسىن!
ومار جەلەلۇلىنىڭ فەيسبۋكتاعى جازباسىنان
