پارلامەنت سەناتىنىڭ تٶراعاسى داريعا نازارباەۆا پالاتانىڭ جالپى وتىرىسى مەن كوميتەت وتىرىستارىنا شاقىرتىلاتىن ادامداردىڭ سانىن شەكتەۋدٸ تاپسىردى, دەپ حابارلايدى "ۇلت اقپارات".
«ٶزدەرٸڭٸز بٸلەسٸزدەر, ەلدە تٶتەنشە جاعداي جارييالاندى. بۇل دەر كەزٸندە قابىلدانعان ەرٸ ٶتە قاجەتتٸ شارا. وسى قادامداردى جاقسى تٷسٸنەمٸز. وسىعان بايلانىستى تيٸستٸ بۇيرىققا قول قويدىم. تٶتەنشە جاعداي كەزەڭٸندە بارلىق ٸسساپارلار مەن جوسپارلى بۇقارالىق شارالارعا تىيىم سالىنادى. ال زاڭ شىعارۋشىلىق جۇمىس جالعاسادى. بٸز مٷمكٸندٸگٸنشە جالپى وتىرىس پەن كوميتەت وتىرىستارىنا شاقىرتىلاتىن ادامداردىڭ سانىن شەكتەۋمٸز كەرەك», - دەدٸ د. نازارباەۆا.
وسى ورايدا ول قۇجاتتارعا قاتىستى جۇمىستاردىڭ كٶبٸسٸن قاشىقتان جٷرگٸزۋگە بولاتىنىن, ول ٷشٸن تەحنيكالىق مٷمكٸندٸك بار ەكەنٸن اتاپ ٶتتٸ.
«اپپارات قىزمەتكەرلەرٸنٸڭ 70 پايىزدان استامى ٷيدەن جۇمىس ٸستەۋ رەجٸمٸنە اۋىستى, ال قالعاندارىنا قىسقارتىلعان جۇمىس كٷنٸ بەلگٸلەندٸ. سەنات عيماراتىندا كٷنٸنە بٸرنەشە رەت قاجەتتٸ سانيتارلىق-ەپيدەميولوگييالىق جۇمىستار جٷرگٸزٸلەدٸ», - دەدٸ د. نازارباەۆا.
«بٸزگە ەرتەڭگٸ كٷنگە سەنٸممەن قاراپ, بويىمىزداعى ٷرەي مەن كٷدٸكتەن ارىلۋ قاجەت. قازٸرگٸ تاڭدا بارشامىز بەرٸ جاقسى بولاتىنى تۋرالى ويلاپ, جاقسىلىقتان ٷمٸتتەنۋٸمٸز كەرەك. بٸز – تالاي سىندا شىنىققان مىقتى حالىقپىز. بٸز بەرٸن جەڭەمٸز. الداعى سەنبٸ كٷنٸ جارقىن مەرەكەمٸز ناۋرىز كەلەدٸ. بۇل – كٶكتەم مەرەكەسٸ, جاندانۋ مەن گٷلدەنۋ مەيرامى. ٷمٸت پەن جاڭارۋ مەرەكەسٸ. بارشاڭىزعا دەنساۋلىق پەن بار جاقسىلىقتى تٸلەيمٸن! ناۋرىز بٸزگە بۇل جىلى تەك باقىت الىپ كەلسٸن, قايعى مەن اۋىرتپالىقتان ارىلتسىن!», - دەدٸ سەنات تٶراعاسى.
