يسپانييا قۇراماسىنىڭ جەنە «اتلەتيك» كلۋبىنىڭ جارتىلاي قورعاۋشىسى نيكو ۋيليامس فۋتبولدان ەلەم چەمپيوناتىندا جەڭٸپ العان التىن مەدالٸن اناسىنا تارتۋ ەتتٸ, دەپ حابارلايدى ult.kz.
فۋتبولشىنىڭ بۇل ەرەكەتٸ ونىڭ وتباسىنىڭ اۋىر تاعدىرىن ەسكە سالدى. نيكونىڭ اتا-اناسى 1990-جىلداردىڭ باسىندا جاقسى ٶمٸر ٸزدەپ, گانادان يسپانيياعا كٶشكەن. سول كەزدە اناسى جٷكتٸ بولعانىنا قاراماستان, ەكەۋٸ بوسقىندارعا لىق تولى جٷك كٶلٸگٸندە جول جٷرٸپ, كەيٸن بٸرنەشە كٷن بويى ساحارا شٶلٸن جالاڭاياق كەسٸپ ٶتكەن.
ولار اپتاپ ىستىقتا, ازىق-تٷلٸك پەن سۋسىز, قاراقشىلار مەن ادام ساۋداگەرلەرٸنٸڭ قاۋپٸنە قاراماستان جولدى جالعاستىرعان. وسى اۋىر ساپاردان كەيٸن ەكەسٸنٸڭ اياق تاباندارى سەزٸمتالدىعىن جوعالتقان.
يسپانيياعا جەتكەننەن كەيٸن وتباسى شەكارا قورشاۋىنان اسىپ ٶتٸپ, بٸراز ۋاقىت قاماۋعا الىنعان. كەيٸن ولارعا بوسقىن مەرتەبەسٸ بەرٸلٸپ, ارادا بٸرنەشە اي ٶتكەندە تۇڭعىش ۇلدارى ينياكي دٷنيەگە كەلگەن. سەگٸز جىلدان سوڭ نيكو ٶمٸرگە كەلدٸ.
اتا-اناسى وتباسىن اسىراۋ ٷشٸن بٸرنەشە جۇمىستى قاتار اتقارعان. ٷلكەن اعاسى ينياكي ٸنٸسٸنە قامقور بولىپ, قولىنان كەلگەنشە كٶمەكتەسكەن. ۋاقىت ٶتە كەلە اعايىندى ۋيليامستاردىڭ فۋتبولداعى جەتٸستٸگٸ وتباسىنىڭ ٶمٸرٸن تٷبەگەيلٸ ٶزگەرتتٸ.
ينياكي «اتلەتيك» كلۋبىنىڭ كٶشباسشىلارىنىڭ بٸرٸنە اينالسا, نيكو ەۋروپا جەنە ەلەم چەمپيونى اتاندى. ماراپاتتاۋ رەسٸمٸنەن كەيٸن نيكو ۋيليامس تريبۋناعا كٶتەرٸلٸپ, ەلەم چەمپيوناتىنىڭ التىن مەدالٸن اناسىنىڭ موينىنا تاقتى. بۇل سەت جانكٷيەرلەردٸڭ ەرەكشە ىقىلاسىنا بٶلەندٸ.
