قوستانايلىق پوليتسەي امانتاي بايجانوۆ اۆتوكٶلٸك تٸزبەگٸنە جول كٶرسەتۋ ٷشٸن بوراندا جٷگٸرٸپ جٷردٸ, دەپ حابارلايدى "ۇلت اقپارات".
ۆيدەو وبلىستىق پوليتسييا دەپارتامەنتٸنٸڭ Instagram پاراقشاسىندا جارييالاندى.
كادر سىرتىنداعى جٷرگٸزۋشٸنٸڭ سٶزٸنە سەنسەك, تەرتٸپ ساقشىسى قاتتى جەل, قار مەن سۋىققا قاراماستان, 10 اۆتوكٶلٸكتەن تۇراتىن اۆتوتٸزبەك جولىنان اداسپاي قالاعا جەتۋٸ ٷشٸن ايانباي ەڭبەك ەتكەن.
جالپى پوليتسەي جول كٶرسەتەم دەپ شامامەن ەكٸ شاقىرىمدى جٷگٸرٸپ ٶتكەن.
«كٶلٸكتٸڭ, اۆتوتٸزبەكتٸڭ الدىنا شىعىپ, قالاعا قالاي جەتۋ كەرەگٸن كٶرسەتٸپ جٷرگەن وسىنداي پوليتسييا قىزمەتكەرلەرٸنە العىس ايتامىن. قاتتى بوران سوعىپ تۇر! جول كٶرٸنبەيدٸ», - دەيدٸ ول.
جەلٸ قولدانۋشىلارى دا ۆيدەونىڭ استىنا سٷيسٸنٸپ, پٸكٸر قالدىرعان.
«18-19 اقپان كٷندەرٸ اۋا رايى ناشارلاعاندىقتان وبلىس اۋماعىندا تٶتەنشە جاعدايدى, ادامداردىڭ ٶلٸمٸن, ٷسٸپ قالۋىن, سونداي-اق جول-كٶلٸك وقيعالارىن بولدىرماۋ ماقساتىندا جەرگٸلٸكتٸ پوليتسييا قىزمەتكەرلەرٸ وبلىس اۋماعىنداعى جولداردى جاپتى. ەلدٸمەكەندەردەن شىعۋعا تىيىم سالىندى» دەدٸ ٶڭٸردٸڭ پد باسپاسٶز قىزمەتٸ.
پوليتسييا قىزمەتكەرلەرٸ كٶرٸنۋ ناشارلاپ, قار قۇرساۋىندا قالعان كٶلٸك جٷرگٸزۋشٸلەرٸنە كٶمەك كٶرسەتتٸ. مەسەلەن, 18 اقپاندا ساعات 17:00-دە قۇرامىندا قوستاناي پوليتسييا باسقارماسىنىڭ ينسپەكتورى, پوليتسييا لەيتەنانتى ەمٸر شالعىمباەۆ پەن پوليتسييا لەيتەنانتى امانتاي بايجانوۆ بار قوستاناي قالاسى پب پاترۋلدٸك پوليتسييا باتالونىنىڭ قىزمەتكەرلەرٸ قوستاناي قالاسىنا فەدوروۆكا جاقتان كٸرەتٸن نازارباەۆ كٶشەسٸ بويىنداعى اۆتوكٶلٸكتەردٸ الىپ جٷرۋ جٶنٸندە شەشٸم قابىلدادى, ٶيتكەنٸ قاتتى بوراننان ەشتەڭە كٶرٸنبەي كەتكەن ەدٸ.
«پوليتسييا لەيتەنانتى امانتاي بايجانوۆ پاترۋلدٸك كٶلٸكتەن شىعىپ, نازارباەۆ كٶشەسٸمەن «قوستاناي پلازا» جاققا قاراي قوزعالىپ بارا جاتقان اۆتوتٸزبەكتٸڭ الدىنا شىعىپ, جٷگٸرگەن. جول-كٶلٸك وقيعاسىن بولدىرماس ٷشٸن اۆتوتٸزبەكتٸڭ سوڭىندا بەلگٸ بەرٸپ پاترۋلدٸك كٶلٸك جٷردٸ» دەپ پٸكٸر بٸلدٸردٸ مەكەمەنٸڭ باسپاسٶز قىزمەتٸ.
بۇل - امانتاي بايجانوۆتىڭ العاشقى قايسار ەرەكەتٸ ەمەس ەكەن. 2020 جىلدىڭ سەۋٸرٸندە ول ەرٸپتەسٸمەن بٸرگە 15 ادامدى, ونىڭ ٸشٸندە 5 جاسار بالانى ٶرتتەن امان الىپ قالعان.
امانتاي بايجانوۆ پوليتسييا ورگاندارىندا 2014 جىلدىڭ قاڭتارىنان بەرٸ قىزمەت ەتٸپ كەلەدٸ.
