قازاقستان 2018 جىلى قوسىلعان «بونن شاقىرۋى» جاھاندىق باستاماسى ەلٸمٸزدەگٸ ەكولوگييالىق جاعدايدى جاقسارتۋعا مٷمكٸندٸك بەرەدٸ. بۇل تۋرالى ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«NurOtan» پارتيياسىنىڭ جاڭا سايلاۋالدى باعدارلاماسىنا سەيكەس ەكولوگييا, تابيعات رەسۋرستارىن ساقتاۋ, قالپىنا كەلتٸرۋ جەنە ولاردى تيٸمدٸ پايدالانۋ مەسەلەلەرٸنە زور كٶڭٸل بٶلٸنەدٸ. كەلەسٸ بەس جىلدا 2 ملرد اعاش وتىرعىزۋ مٸندەتٸ بەلگٸلەنگەن. پارلامەنتكە ٶسٸمدٸكتەر دٷنيەسٸنٸڭ وبەكتٸلەرٸن ساقتاۋ جەنە ۇتىمدى پايدالانۋ مەسەلەلەرٸ جٶنٸندەگٸ زاڭ جوباسى ەنگٸزٸلەتٸن بولادى. ول اعاش كٶشەتتەرٸ مەن جالپى جاسىل ەكپەلەردٸ پايدالانۋ كەزٸندە قاتىناستاردى رەتتەۋگە جەنە دە زاڭدىلىق پەن قۇقىقتىق تەرتٸپتٸ نىعايتۋعا باعىتتالعان», - دەيدٸ قر پرەمەر-مينيسترٸ اسقار مامين.
ول الماتىدا اعاشتار زاڭسىز كەسٸلگەن رەزونانستىق جاعداي بەرٸمٸزدٸڭ ەسٸمٸزدە ەكەنٸن ايتتى.
«ونىڭ ٷستٸنە, مۇنداي جاعدايلار تۋرالى بارلىق دەرلٸك ٶڭٸرلەردە بەلسەندٸلەر, ۆولونتەرلەر كٶتەرەدٸ. دەل وسىعان بايلانىستى ەكٸمشٸلٸك جەنە قىلمىستىق كودەكستەرگە شۇعىل تەرتٸپپەن تٷزەتۋلەر ەزٸرلەندٸ, بۇل تٷزەتۋلەر بويىنشا وسىنداي قۇقىق بۇزۋشىلىقتارعا قاتىستى جازالاۋ قاتاڭداتىلادى. كەسٸلگەن اعاشتاردىڭ ورنىنا قايتادان اعاش وتىرعىزۋ نورمالارىن دا ۇلعايتۋ جوسپارلانعان. قولدا بار ٶسٸمدٸكتەر دٷنيەسٸن ساقتاپ, ورمان قورىنا جەنە ەلدٸ مەكەندەردە بەس جىلعا ارنالعان جوسپارلارعا سەيكەس اعاش وتىرعىزۋ كٶلەمٸن قامتاماسىز ەتۋٸمٸز قاجەت. بۇل قازاقستان 2018 جىلى قوسىلعان «بونن شاقىرۋى» جاھاندىق باستاماسىنىڭ اياسىندا ورمان-توعايلى اۋماقتاردى كٶبەيتۋگە, ەلٸمٸزدەگٸ ەكولوگييالىق جاعدايدى جاقسارتۋعا مٷمكٸندٸك بەرەدٸ», - دەيدٸ ول.
