اقپارات جەنە قوعامدىق دامۋ ۆيتسە-مينيسترٸ بولات تٸلەپوۆ ۆەدومستۆودا سىبايلاس جەمقورلىققا قارسى ساياساتتى اقپاراتتىق قولداۋ قادامدارى تۋرالى ايتىپ بەردٸ, دەپ حابارلايدى قازاقپارات.
«جالپى, سىبايلاس جەمقورلىققا قارسى ٸس-قيمىل - ول بارلىق مەملەكەتتٸك ورگاندارعا ورتاق مٸندەت. وسى باعىتتا بٸزدٸڭ مينيسترلٸكتە بۇل جۇمىستارعا ٷلكەن باسىمدىق بەرٸلگەن. بٸرٸنشٸدەن, مينيسترلٸك جەتەكشٸلٸك ەتەتٸن سالالاردا سىبايلاس جەمقورلىققا قارسى ستاندارتتاردى بەكٸتكەن بولاتىنبىز, ياعني ۆەدومستۆوعا كەلگەن ەربٸر جاڭا قىزمەتكەر وسى ستاندارتتارمەن تانىسىپ, ونداعى قاعيداتتاردى ورىنداۋعا مٸندەتتەلەدٸ. بۇدان بٶلەك, مينيسترلٸكتٸڭ جەنە ونىڭ تيٸستٸ قۇرىلىمدارى جۇمىسىنا قاتىستى جەمقورلىققا قارسى جوسپار جاسالىپ, بەكٸتٸلدٸ. بۇل جوسپار اقپاراتتىق تٷسٸندٸرۋدەن باستاپ, جالپى قۇقىقتىق ىقپال ەتۋ شارالارىن قامتىپ وتىر», - دەدٸ ۆيتسە مينيستر ەلەۋمەتتٸك جەلٸدەگٸ anticorruption.kz پاراقشاسىندا ٶتكەن تالقىلاۋدا.
سونىمەن قاتار ب. تٸلەپوۆ مينيسترلٸكتٸڭ قاتىسۋىمەن «ادالدىق الاڭى» جوبالىق كەڭسەسٸ جۇمىسىن جالعاستىرىپ جاتقانىن ەسكە سالدى.
«وسى جوبا اياسىندا ٷلكەن نەتيجەلەرگە قول جەتكٸزٸلٸپ جاتىر. بۇدان بٶلەك, مينيسترلٸك جۇمىسىنا سىبايلاس جەمقورلىققا قارسى مونيتورينگٸلەردٸ كەڭٸنەن جٷرگٸزۋدەمٸز. اقپارات جەنە قوعامدىق دامۋ مينيسترلٸگٸ بولعاندىقتان, بۇل جۇمىستارعا قوعام ٶكٸلدەرٸن, قوعامدىق ۇيىمداردى كەڭٸنەن تارتۋعا تىرىسامىز. بۇل تۇرعىدا بٸزدە سەرٸكتەستٸك نەگٸزدەگٸ جۇمىس جولعا قويىلعان», - دەدٸ ول.
«جالپى, وسى سالاداعى نەتيجەلەردٸڭ بٸرٸ – مينيسترلٸك جۇمىسىنىڭ اشىقتىعى. اشىقتىق پرينتسيپٸن كەڭٸنەن قولدانىپ كەلەمٸز. بارلىق تالقىلاۋ جۇمىستارى ونلاين فورماتتا ٶتٸپ جاتىر. وسى رەتتە, مينيستردٸڭ باستاماسىمەن تۇراقتى جۇمىس ٸستەيتٸن «دٶڭگەلەك ٷستەل» وتىرىسى (ونلاين رەجيمدە) ۇيىمداستىرىلىپ وتىر. بۇل تالقىلاۋلارعا قوعامدىق بەلسەندٸلەر ٶزەكتٸ مەسەلەلەردٸ, سونىڭ ٸشٸندە ۆەدومستۆوعا قاتىستى تاقىرىپتاردى اشىق قاراستىرادى», - دەدٸ بولات تٸلەپوۆ.
ونىڭ ايتۋىنشا, سىبايلاس جەمقورلىققا قارسى كٷرەس تەك قانا مەملەكەتتٸك ورگانداردىڭ كٷشٸمەن شەشٸلمەيدٸ. وسى ورايدا قوعامنىڭ بەلسەندٸ مٷشەلەرٸ رەتٸندە ٷكٸمەتتٸك ەمەس ۇيىمداردىڭ كٶمەگٸ زور.
