بٸلٸم جەنە عىلىم مينيسترلٸگٸ «بولاشاق» باعدارلاماسىنا ٸرٸكتەۋ جۇمىسى بيىل پرەزيدەنتتٸك جاستار كادرلىق رەزەرۆٸن ٸرٸكتەۋ ەدٸسٸمەن ٶتكٸزٸلگەنٸن جارييا ەتتٸ, دەپ حابارلايدى "ۇلت اقپارات".
مينيسترلٸكتٸڭ مەلٸمەتٸنشە, بيىلدان باستاپ «بولاشاق» حالىقارالىق ستيپەنديياسىن تاعايىنداۋدىڭ كونكۋرستىق رەسٸمدەرٸ تولىعىمەن اۆتوماتتاندىرىلىپ, بٸرىڭعاي ونلاين-پلاتفورمادا ٶتٸپ جاتىر. ٷلگٸ رەتٸندە پرەزيدەنتتٸك جاستار كادرلىق رەزەرۆٸنە ٸرٸكتەۋ جٷيەسٸ الىنعان.
«بٸرٸنشٸدەن قۇجات قابىلداۋ تولىق اۆتوماتتاندىرىلدى. ول تەك egov.kz پورتالىندا جٷزەگە اسىرىلادى. ەكٸنشٸدەن ٷمٸتكەردٸڭ ٶتەتٸن بارلىق ٸرٸكتەۋ كەزەڭٸ تسيفرلاندىرىلعان. ٷمٸتكەرگە جەكە كابينەتٸندە بٸرەگەي كود بەرٸلەدٸ. ٶتٸنٸش بەرۋشٸنٸڭ جەكە دەرەكتەرٸ بٸرەگەي سەيكەستەندٸرۋ جٷيەسٸ ارقىلى كودتالادى. ٷشٸنشٸدەن, ٸرٸكتەۋدٸڭ ٸ كەزەڭٸ – كەشەندٸ تەستٸلەۋ مازمۇنى ساپالىق تۇرعىدان ٶزگەرتٸلدٸ. 2020 جىلدان باستاپ ٷمٸتكەرلەردٸڭ ٶزدٸگٸنەن ٶتٸنٸش بەرۋٸنە قويىلاتىن نەگٸزگٸ تالاپتاردى ەسكەرە وتىرىپ, پەندٸك بٸلٸمدٸ تەكسەرۋ قاجەتتٸگٸ جويىلدى. ونلاين فورماتتا ٶتەتٸن تەستٸلەۋ ەندٸ ۆەربالدىق, ساندىق جەنە داعدىلىق-تۇلعالىق سۇراقتاردان تۇرادى. سونداي-اق سۇراقتار ٷمٸتكەردٸڭ قىسقا مەرزٸمدە جاڭا اقپاراتتى ٶڭدەي الۋ, تالداۋ, تۇلعالىق قابٸلەتٸن انىقتاۋعا باعىتتالعان», - دەپ حابارلايدى مينيسترلٸكتەن.
سونىمەن قاتار ونلاين پلاتفورمادا قولدانىلاتىن پروكتورينگ جٷيەسٸ ٷمٸتكەرلەردٸڭ جۇمىس پاراعىن قالدىرىپ, كەلەسٸ پاراققا ٶتۋٸنە نەمەسە تەستٸلەۋ ۋاقىتىندا جاڭا تەرەزەنٸ اشۋىنا مٷمكٸندٸك بەرمەيدٸ. مۇنداي جاعدايدا جٷيە ونى بۇعاتتاپ, تەستٸلەۋ نەتيجەلەرٸ جويىلادى.
«ٸٸ كەزەڭ – تەۋەلسٸز ساراپتامالىق كوميسسييا مٷشەلەرٸمەن دەربەس سۇحبات تا ونلاين ٶتٸپ جاتىر. سۇحبات بارىسىندا ساراپشىلار سۇراقتارىن ٷمٸتكەرگە جەكە كودىمەن يدەنتيفيكاتسييالاۋ ارقىلى عانا قويىپ (اتى-جٶنٸن كٶرمەيدٸ), ناقتى كريتەرييلەر بويىنشا بٸردەن باعالايدى. ساراپشىلاردىڭ باعاسىن جٷيەدە عانا كٶرۋگە بولادى. ەربٸر ساراپشى ٶزٸنٸڭ ٷمٸتكەرگە قويعان جەكە باعاسىن عانا كٶرە الادى. كونكۋرستىق ٸرٸكتەۋدٸڭ بارلىق كەزەڭٸ بەينە جەنە اۋديو جازباعا الىناتىنىن اتاپ ٶتۋ ماڭىزدى. دەمەك, ونلاين فورمات پەن اۆتوماتتاندىرۋ جٷيەسٸ «بولاشاق» حالىقارالىق ستيپەنديياسىن تاعايىنداۋعا كونكۋرستىق ٸرٸكتەۋدٸڭ ساپاسىن ارتتىرىپ قانا قويماي, بٷكٸل ٸرٸكتەۋ جٷيەسٸن اشىق, قولجەتٸمدٸ, ىڭعايلى ەرٸ موبيلدٸ ەتە الادى. كونكۋرستىق ٸرٸكتەۋدٸڭ ەكٸ كەزەڭٸنٸڭ قورىتىندىسى بويىنشا «بولاشاق» حالىقارالىق ستيپەنديياسىن تاعايىنداۋ تۋرالى سوڭعى شەشٸمدٸ شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييا قابىلدايدى», - دەلٸنگەن حابارلامادا.
بٸلٸم جەنە عىلىم مينيسترلٸگٸ 2020 جىلعى 4-9 قىركٷيەك ارالىعىندا كونكۋرستىق ٸرٸكتەۋدٸڭ بٸرٸنشٸ لەگٸنە «ماگيستراتۋرا» بويىنشا 100 ٷمٸتكەر, «دوكتورانتۋراعا» 9 ادام, «تاعىلىمداماعا» 5 ادام - بارلىعى 114 ٷمٸتكەر قاتىسقانىن حابارلايدى.
