حالىقارالىق باعدارلامالار ورتالىعىنىڭ كەزەكتٸ «بولاشاق» حالىقارالىق ستيپەنديياسى يەگەرلەرٸنٸڭ تٸزٸمٸن جارييالادى, دەپ حابارلايدى قازاقپارات.
8 قىركٷيەكتە قر مەملەكەتتٸك حاتشىسى قىرىمبەك كٶشەرباەۆتىڭ تٶراعالىعىمەن شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ كەزەكتٸ وتىرىسى ٶتتٸ. كوميسسييا شەشٸمٸمەن 196 ٷمٸتكەر ماگيستراتۋرا, دوكتورانتۋرا, رەزيندەنتۋرا بويىنشا جەنە ەلەمنٸڭ جەتەكشٸ عىلىمي جەنە ٶندٸرٸستٸك ورتالىقتارىنا تاعىلىمدامادان ٶتۋگە جٸبەرٸلەدٸ.
ستيپەندياتتار ەلەمنٸڭ 16 ەلٸنٸڭ جەتەكشٸ بٸلٸم وشاقتارىندا, سونىڭ ٸشٸندە اقش (گارۆارد ۋنيۆەرسيتەتٸ, كولۋمبييا ۋنيۆەرسيتەتٸ, ماسساچۋسەتس تەحنولوگييالىق ينستيتۋتى), كانادا (تورونتو ۋنيۆەرسيتەتٸ), ۇلىبريتانييا (لوندون ەكونوميكا جەنە ساياساتتانۋ مەكتەبٸ, لوندون يمپەرييالىق كوللەدجٸ, لوندوننىڭ كورولدٸك كوللەدجٸ), جاپونييادا (توكيو ۋنيۆەرسيتەتٸ) ت.ب. بٸلٸم الادى.
سونداي-اق ولار قازٸرگٸ ۋاقىتقا اسا قاجەتتٸ قاشىقتان وقىتۋ مەتوديكاسى, جوعارى بٸلٸم بەرۋدەگٸ ستراتەگييالىق مەنەدجمەنت جەنە كٶشباسشىلىق, ۋنيۆەرسيتەتتٸ باسقارۋ, ينكليۋزيۆتٸ بٸلٸم بەرۋ; مەديتسينالىق گەنەتيكا, ۆيرۋسولوگييا, ينفەكتسييالىق اۋرۋلار, ەپيدەميولوگييا, بيوتەحنولوگييا, بيومەديتسينا; يننوۆاتسييالىق مەنەدجمەنت, تسيفرلىق ەكونوميكا, جاساندى ينتەللەكت, مۇناي-گاز ينجينيرينگ, اۆياتسييا جەنە اەروعارىش تەحنيكاسى, اتوم ٶندٸرٸسٸ, IT, كٶلٸك تەحنولوگيياسى, ماشيناقۇراستىرۋ, ت.ب. ماماندىقتارىن مەڭگەرمەك.
2021 جىلى «بولاشاق» باعدارلاماسى بويىنشا وقۋعا 1055 ستيپەندييا بەرٸلدٸ. ونىڭ ٸشٸندە 555 ستيپەندييا ماگيستراتۋرا, رەزيدەنتۋرا, دوكتورانتۋرا جەنە تاعىلىمداما باعدارلامالارىنا بٶلٸنگەن. قوسىمشا 500 ستيپەندييا تاعىلىمدامانىڭ «عالىمدار» جاڭا ساناتى بويىنشا بەرٸلدٸ. بۇل سانات پرەزيدەنت قاسىم-جومارت توقاەۆتىڭ تاپسىرماسىنا سەيكەس, ەلەمنٸڭ جەتەكشٸ عىلىمي ورتالىقتارىندا جىل سايىن 500 عالىمنىڭ تاعىلىمدامادان ٶتۋٸن قامتاماسىز ەتۋ ماقساتىندا بەكٸتٸلگەن.
ايتا كەتەيٸك, «بولاشاق» حالىقارالىق ستيپەنديياسىن تاعايىنداۋ كونكۋرسىنا قاتىسۋ ٷشٸن قۇجاتتاردى قابىلداۋ وسى جىلعى 4 مامىردان 28 قازانعا دەيٸن جالعاسادى.
ستيپەندياتتار تٸزٸمٸن حالىقارالىق باعدارلامالار ورتالىعىنىڭ رەسمي سايتىنان كٶرۋگە بولادى.
