Halyqaralyq baǵdarlamalar ortalyǵynyń kezekti «Bolashaq» halyqaralyq stipendiiasy iegerleriniń tizimin jariialady, dep habarlaidy QazAqparat.
8 qyrkúiekte QR Memlekettik hatshysy Qyrymbek Kósherbaevtyń tóraǵalyǵymen Shetelde kadrlar daiarlaý jónindegi respýblikalyq komissiianyń kezekti otyrysy ótti. Komissiia sheshimimen 196 úmitker magistratýra, doktorantýra, rezindentýra boiynsha jáne álemniń jetekshi ǵylymi jáne óndiristik ortalyqtaryna taǵylymdamadan ótýge jiberiledi.
Stipendiattar álemniń 16 eliniń jetekshi bilim oshaqtarynda, sonyń ishinde AQSh (Garvard ýniversiteti, Kolýmbiia ýniversiteti, Massachýsets tehnologiialyq institýty), Kanada (Toronto ýniversiteti), Ulybritaniia (London ekonomika jáne saiasattaný mektebi, London Imperiialyq kolledji, Londonnyń Koroldik kolledji), Japoniiada (Tokio ýniversiteti) t.b. bilim alady.
Sondai-aq olar qazirgi ýaqytqa asa qajetti qashyqtan oqytý metodikasy, joǵary bilim berýdegi strategiialyq menedjment jáne kóshbasshylyq, ýniversitetti basqarý, inkliýzivti bilim berý; meditsinalyq genetika, virýsologiia, infektsiialyq aýrýlar, epidemiologiia, biotehnologiia, biomeditsina; innovatsiialyq menedjment, tsifrlyq ekonomika, jasandy intellekt, munai-gaz injiniring, aviatsiia jáne aeroǵarysh tehnikasy, atom óndirisi, IT, kólik tehnologiiasy, mashinaqurastyrý, t.b. mamandyqtaryn meńgermek.
2021 jyly «Bolashaq» baǵdarlamasy boiynsha oqýǵa 1055 stipendiia berildi. Onyń ishinde 555 stipendiia magistratýra, rezidentýra, doktorantýra jáne taǵylymdama baǵdarlamalaryna bólingen. Qosymsha 500 stipendiia taǵylymdamanyń «ǵalymdar» jańa sanaty boiynsha berildi. Bul sanat Prezident Qasym-Jomart Toqaevtyń tapsyrmasyna sáikes, álemniń jetekshi ǵylymi ortalyqtarynda jyl saiyn 500 ǵalymnyń taǵylymdamadan ótýin qamtamasyz etý maqsatynda bekitilgen.
Aita keteiik, «Bolashaq» halyqaralyq stipendiiasyn taǵaiyndaý konkýrsyna qatysý úshin qujattardy qabyldaý osy jylǵy 4 mamyrdan 28 qazanǵa deiin jalǵasady.
Stipendiattar tizimin Halyqaralyq baǵdarlamalar ortalyǵynyń resmi saitynan kórýge bolady.
