قازاقستان تەۋەلسٸزدٸك جىلدارىندا بەسەكەگە قابٸلەتتٸ ورتا قالىپتاستىرۋ ٷشٸن كٷردەلٸ جولدان ٶتتٸ. بۇل تۋرالى قر تۇڭعىش پرەزيدەنتٸ-ەلباسى قورىنىڭ اتقارۋشى ديرەكتورى ەسەت يسەكەشەۆ ەلوردادا ٶتٸپ جاتقان جاھاندىق يننوۆاتسييالىق سامميتتە ايتتى, دەپ حابارلايدى قازاقپارات.
«قازاقستان تەۋەلسٸزدٸكتٸڭ 30 جىلىندا بەسەكەگە قابٸلەتتٸ ورتا قالىپتاستىرۋ ٷشٸن كٷردەلٸ جولدان ٶتتٸ. تەۋەلسٸزدٸك جىلدارى تۇڭعىش پرەزيدەنت-ەلباسىنىڭ باسشىلىعىمەن تابىستى قۇرىلىمدىق رەفورمالار جٷرگٸزٸلدٸ. سامميتكە كەلگەن شەتەلدٸك قوناقتارعا تەۋەلسٸزدٸكتٸڭ العاشقى جىلدارىندا مەملەكەت جالاقى مەن زەينەتاقى تٶلەي الماعان كەز بولعانىن, قازاقستان گيپەرينفلياتسيياعا, تۇراقتى بيۋدجەت تاپشىلىعىن ايتقىم كەلەدٸ. جۇمىسسىزدار سانى ەكٸ ميلليون ادامعا جەتتٸ, 130 ەڭ ٸرٸ كەسٸپورىن توقتاپ, جٸٶ بٸر جىل ٸشٸندە 60% - عا تٶمەندەدٸ», - دەپ ەسكە سالدى ەسەت يسەكەشەۆ.
سونىمەن قاتار, جٸٶ تەۋەلسٸزدٸك جىلدارى 11 ملرد دوللاردان 170 ملرد دوللارعا دەيٸن ٶسكەنٸن اتاپ ٶتتٸ.
«ورتالىق ازيياداعى شەتەلدٸك ينۆەستيتسييالار كٶلەمٸنٸڭ 70%-عا جۋىعى قازاقستانعا تيەسٸلٸ. ەلگە 300 ملرد دوللار تٸكەلەي شەتەلدٸك ينۆەستيتسييا سالىندى, بۇل بارلىق ٸرٸ دامىعان ەلدەردەن ينۆەستورلاردىڭ سەنٸمٸن كٶرسەتتٸ. ەل بيزنەستٸ جٷرگٸزۋ جەڭٸلدٸگٸ بويىنشا 28-شٸ ورىندا, جاھاندىق بەسەكەگە قابٸلەتتٸلٸك يندەكسٸ بويىنشا 59-شى ورىندا تۇر. ٶمٸر سٷرۋ ۇزاقتىعى 72,5 جاسقا جەتتٸ. قازاقستان ادامي كاپيتالدى دامىتۋدىڭ وزىق باعدارلامالارىن ٸسكە قوستى. 90-شى جىلدارى ەلباسى «بولاشاق» باعدارلاماسىن ٸسكە قوستى. كەيٸن باسقا دا جوبالار ٸسكە قوسىلدى, ونىڭ ٸشٸندە «نازارباەۆ ۋنيۆەرسيتەتٸ» دە بار. «بولاشاق» باعدارلاماسى بويىنشا ٷزدٸك شەتەلدٸك جوعارى وقۋ ورىندارىندا 10 مىڭنان استام مامان دايىندالدى», - دەپ تولىقتىردى ەسەت يسەكەشەۆ.
